SF有好多類preschool，有D係play-based，即係遊戲中學習，學生學唔學老師唔會逼，好處係開心D，唔好處係好多時要考私立小學就有難度，如果唔識晒26個字母、唔識認/寫自己個名、唔識聽指令的話，私立有得揀學生的話就多數唔收。
有D出名或多人報嘅preschool，要等一年至有位俾你入學，我見過BB一歲就去報名排隊，但多人報嘅preschool又唔一定代表好或代表適合，最重要係自己去參觀學校，有D會要求你帶埋小朋友去見下老師。
Preschool唔係間間兩歲就收，有D要去到3歲，而且規定要識去廁所介晒片，如果兩歲都收果D就多數可以唔駛介晒片，但會另收多費用，同埋要自己帶片帶濕紙巾去。
個人經驗，要留意以下：
1）安全：消防設備是否合格，最低限度要有滅火筒，有多過一個出入口。另外，進入學校有咩程序，會唔會陌生人可以輕易入到去，附近治安如何，唔只小朋友，大人要接送都要確保自己安全。
2）師資：小朋友呢D時段好多嘢唔識表達，但價值觀性格都喺呢個時候開始成型，老師經驗、態度、理念十分重要。而且，好多時都係preschool呢個時間發現小朋友有發展問題，老練嘅老師會發現，冇經驗嘅真係可以完全察覺唔到，察覺到未必識處理，有D甚至係會逃避，所以我覺得師資好重要，我會揀歷史較耐同埋老師/校長有好多年經驗嘅preschool。
3）學校教學理念：前面有提過play-based，即係遊戲中學習，如果學生唔肯學，老師可能就咁由得佢（我自己親身經歷見過）。有蒙特梳利，但唔係個個小朋友適合，而且一般較貴。又有一D係較為規律式，多數係華人開辦嘅，教學方法有好有唔好，真係要老師/校長有經驗識得點教至好，唔係程度深就係好，日日玩幾次flash cards一定識好多，但問題係理解又有幾多？
4）收費：有平有貴，地區唔同都可以差幾百蚊一個月，競爭較多嘅地區自然唔憂冇學生。
5）時間：有preschool由朝早8點半到6點，有9點到4點，要自己衡量工作能否配合。
6）其他：有學校係co-op，家長要分擔學校工作，例如要去學校做義工教學，又或者去做文書打掃等。有好多preschool又會有家長會，幫學校籌款、辦活動、帶field trip等。
花旗太太生活在花旗國，留意時差，你問我未必即時答到。
發表於 
返回列表
