吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 蠢工人與聰明工人之分... (比較長.. 不喜勿插, 謝謝!) ...

論盡家傭今日: 2|主題: 134072

收藏本版

發帖

返回列表

跳至頁

查看: 8684 | 回覆: 33

蠢工人與聰明工人之分... (比較長.. 不喜勿插, 謝謝!) [複製鏈接]

calvinlinda

大宅

積分: 1207

1^#

發表於 15-11-12 16:32 |只看該作者 |倒序瀏覽 |打印

我請過兩個工人, 一個係賓, 一個係印, 有以下的經驗給JM們分享:
第一個賓係喺海外請返黎的, 有子女, 廿多歲, 零做工人/ 海外經驗, 略懂英文. 剛到埗好勤力, 清潔工一流. 呢個工人本身都有一堆親戚喺香港打咗好多年工, 有人教路, 所以interview(tele-interview)當日都insists 要放星期日, 原因係因為要返聖堂.

呢個工人喺我屋企做咗短短兩個多月, 我哋決定唔用佢, 原因係:
- 佢既英文真係溝通唔到.
- 成日坐係廁所玩手機.
- 成日講大話.
- 太多生活上的要求(拎佢同鄉僱主的待遇跟我們比較).
- 無責任心(連飯都唔記得煮).
- 聲稱星期日要放假返聖堂都是假的, 主要係想出去同同鄉wet. 短短兩個月學晒所有唔好既嘢(係未向財仔借錢).
- 臨走前曾在中環一帶想搵黑工(佢同我講), 最後比佢求到好人家, 去咗愉景灣住大屋).

第二個係印, 已婚未有子女, 廿多歲, 有7年在港經驗加2年新加坡經驗, 略懂英語(比之前個賓好), 流利廣東話, 聰明, 聲稱乜都識做, 乜都無所謂. 佢第一日入我哋門就話佢之前僱主個囡好鍾意佢, 知道佢要走喊晒唔捨得, 依家時不時約佢出黎玩, 一分離又喊, 感情要好, 叫我哋放心比佢照顧小朋友.

在過去2年, 我哋不時帶佢去家庭樂, 等佢融入家中, 當佢自己人, 連搭飛機去旅行都帶佢去. 我老公話佢好過之前嗰個好多. 而工人起初好堅持要同我囝瞓夜晚, 又成日喺我哋放工返到屋企享天輪時加入行列, 佢又玩埋一份, 我同亞囝錄成長video, 佢次次硬係要突佢把聲. 我當時覺得有啲奇怪(係佢真係唔通氣, 定係太過熱情, 太有責任感呢?). 有時我哋家人/ 親戚講自己家庭事務, 佢都加把咀. 時間長了, 摸清你底後, 就凈係揍小朋友, 其他清潔工/煮飯唔點惦, 態度開始串同自把自為, 更懂得收買老人家心, 尤其是奶奶, 經常同佢傾電話, 又whatsapp, 搞到我奶奶錫佢仲多過我.

1.5年後, 我對佢有點無名的反感, 想唔續約, 但老公同奶奶都覺得佢好好. 工人好聰明, 見我答唔實佢, 已經早我一步向奶奶下手, 我奶奶每次見到我哋都問續約事情, 佢自己私下又問我老公(每個月係我出糧比佢, 僱主名係我)... 為咗亞仔未來半年的生命安全, 我同老公當時決定唔講唔續約住. 佢以為我哋同佢會續約, 佢開始現形, 態度(對我)更串, 經常駁咀, 搬弄是非, 更自把自為, 當正自己係女主人, e.g. 有奶奶喺度扮晒係我哋吩咐佢帶亞仔去沙灘游水.

2年後的琴日, 我老公同佢講confirm唔續約, 佢喺我老公面前喊晒, 又話唔捨得我個囝, 仲話放假無嘢做可以上黎打掃(平時又唔見佢咁積極).. 叫咗佢唔好同亞仔講話佢要走, 佢硬係要講, 搞到我個仔夜晚發惡夢喊.. 我老公叫佢唔好再講, 佢扮晒嘢話: 哎呀, 我唔知咁嚴重架.

總括而言, 蠢既工人係lazy, 但無害; 聰明既工人係攻心計, 長遠會令僱主不經不覺變成奴隸, 無咗佢唔得. 幸而過去的日子, 我同老公都堅持自己事事親力親為, 明白金錢喺呢個世代很重要, 但千祈千祈要重視和珍惜跟子女相處的時間和質素!!

點評

la_source

發表於 15-11-13 10:45

Tysonjai

發表於 15-11-13 01:21

咸蛋三寶飯

發表於 15-11-12 20:34

0 0 0

私人傳訊

bobo101^*^

珍珠宮

積分: 33718

2018復活節勳章 DHA勳章好媽媽勳章畀面勳章 BK Milk勳章

2^#

發表於 15-11-12 17:14 |只看該作者

引用：我請過兩個工人, 一個係賓, 一個係印, 有以

原帖由 calvinlinda 於 15-11-12 發表
我請過兩個工人, 一個係賓, 一個係印, 有以下的經驗給JM們分享:
第一個賓係喺海外請返黎的, 有子女, 廿多歲 ...

印姐無以前咁純同乖架啦！

咁你最後覺得菲定印好d?

私人傳訊

jumug

男爵府

積分: 5743

3^#

發表於 15-11-12 17:27 |只看該作者

回覆：蠢工人與聰明工人之分... (比較長.. 不喜勿插, 謝謝!)

我姐姐係聰明菲，真係好鍾意玩攻心計

私人傳訊

calvinlinda

大宅

積分: 1207

4^#

發表於 15-11-12 17:33 |只看該作者

bobo101^*^ 發表於 15-11-12 17:14
印姐無以前咁純同乖架啦！

咁你最後覺得菲定印好d?

印始終純啲, 但我呢件聰明得滯, 鍾意自把自為, 唔適合做工人! 佢自己都唔鍾意我哋叫佢做工人(有時比佢聽到我講電話), 只可叫佢做姐姐..
而普遍賓一係有學歷, 一係無; 同埋一係做嘢好叻, 一係唔叻; 但都有同一天性: 練精學懶, 佢哋啲同鄉/工會勢力不可低估!!!

私人傳訊

calvinlinda

大宅

積分: 1207

5^#

發表於 15-11-12 17:34 |只看該作者

jumug 發表於 15-11-12 17:27
我姐姐係聰明菲，真係好鍾意玩攻心計

唉... 香港既僱主始終都係奴隸一名... 共勉之......

私人傳訊

Msolivialeung

子爵府

積分: 14959

6^#

發表於 15-11-12 18:05 |只看該作者

回覆 calvinlinda 的帖子

係好慘架，叻又死，蠢又死！我前2個工人咪係！
一個蠢到冇人有，冇責任心冇記性冇心做野，日日遊雲，激死！
另一個叻啲，算話頭醒尾，可惜有時唔聽講，黑面，走精面！
講大話，借錢，幫得下手都唔續約！
所以冇好架喇，只有睇開啲！

私人傳訊

Summer_gal1987

複式洋房

積分: 342

7^#

發表於 15-11-13 01:06 |只看該作者

引用：我請過兩個工人,+一個係賓,+一個係印,+有以

原帖由 calvinlinda 於 15-11-12 發表
我請過兩個工人, 一個係賓, 一個係印, 有以下的經驗給JM們分享:
第一個賓係喺海外請返黎的, 有子女, 廿多歲 ...

印係好鍾意搞是非，最想搞到你頭家日日為佢嘈交，咁佢就可以漁人得利，冇人督促佢做野！

私人傳訊

birdbird

水晶宮

積分: 61573

8^#

發表於 15-11-13 21:36 |只看該作者

引用：我請過兩個工人, 一個係賓, 一個係印, 有以

原帖由 calvinlinda 於 15-11-12 發表
我請過兩個工人, 一個係賓, 一個係印, 有以下的經驗給JM們分享:
第一個賓係喺海外請返黎的, 有子女, 廿多歲 ...

其實你作為阿媽、僱主，都行错第一步，就係比個印傭介入你地親子時間+家庭樂。

私人傳訊

lily-of-valley

寶石宮

積分: 256089

2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章 15週年勳章親子王國15週年勳章 2021可愛聖誕B勳章虎到金來勳章 2018復活節勳章牛年勳章 2018母親節勳章玩具勳章 BK猜猜猜慶中秋 BK Milk勳章 hashtag影視迷勳章醒目開學勳章環保接龍勳章畀面勳章最關心BB問題熱投勳章 Poo得好勳章