一直以來都好想分享生B 經歷, 但又怕自己太長氣會悶親人, 希望大家多多包容
, 亦都希望個分享可以幫到大家(^^)
<陣痛開始>
開始陣痛係中午12:00 左右, 有好似M痛既感覺,雖然都已經開始密,10分鐘痛下, 但又唔係好規律咁, 不過等左咁耐, 聽日就剛好係預旌期, 睇怕都係時候啦。因為無規律, 又無出血又無穿水, 所以唯一可以做就係「等」。剛好老公放假, 佢見我未有動靜仲走去剪頭髮。就係佢「洗濕左個頭」既時候, 大約下午4:00幾, 我終於留啡嘞 !!!!!
因為太多媽媽分享, 未係堅既話入去醫院好易比姑娘彈返出來, 到時一來一回仲麻煩, 所以我堅持等到留啡 , 仲要洗埋頭, 沖埋涼先慢慢坐的士去威院。因為剛剛開始個痛好似勁既M 痛。又或者, 呢一刻既痛就好似食完瀉藥攪肚痛個下咁,
係絕對可以忍到既。老實講, 生仔就預左痛架LA , 痛就由佢痛啦,繼續保持輕鬆心情先最緊要。我本來有諗過坐馬鐵唔坐的士去TIM 架,
不過怕係馬鐵穿水, 到時上報紙就樣衰啦, 所以先坐的士咋。
<入院 1>
去到醫院, 姑娘見我留啡加上預產期係聽日, 所以唔洗我走, 可以留院觀察。攪呢攪路食埋DINNER都已經7點LU , 一直都係KEEP住唔5-7分鐘一次既陣痛。
食完飯仲同老公係房外面個走廊行來行去散步, 人地話行多D BB 會快D出來, 所以我就不停咁行, 痛就扶住老公企定定, 等痛完就再行。因為痛下停下, 個一刻都仲係可以忍。
到8:00 幾, 老公走左, 我就坐FIT BALL。我有去上孕婦FIT BALL 班, 人地話有幫助嘛...不過呢..以我個人見解... 好似就無咩大作用嘞。唔痛就走去UN 下, UN 下咁啦。到左10:00左右, 開始覺得痛既強度係大左又密左, 真係5分鐘一次,每一次痛都要捉住床邊咁忍... 未生之前以為自己會以食/聽歌來減痛, 所以預備左大量零食同音樂.. 但原來到正式既時候, 係唔會有心情同力去做呢D無謂野.... 我係基督徒, 剛剛開始堅痛時都有攞住個十字架, 但痛下痛下, 最後都痛到個十架唔知飛去左邊LU .... 真係堅痛既, 我估主唔會怪我啩…
呢段時候, 真係我一生人第一次覺得非常非常痛既時間, 我唔識按鐘仔叫姑娘, 因為咁大個女TOUCH WOOD都無咩住過醫院。係我痛到飛起既時候, 我落床一步一步咁移動去姑娘張枱, 好低氣下氣無氣無力咁同佢地講「姑娘, 我真係好痛 …我想打無痛…」.姑娘就話 「你D 痛係唔係好規則呀, 密到5分鐘以內未呀 … 想打無痛下嘛…我幫你CALL 下醫生啦…你痛吓嘛…我比個暖袋你用, 你要唔要?」
發表於 
返回列表
