自由講場 今日: 237 | 主題: 1353268

積分: 17029

1^#

發表於 16-8-5 01:40 |只看該作者 |倒序瀏覽 |打印

坦白説同佢感情從少比較疏離。他是個盡責養家的人，但對老婆仔女不是很用心。回家經常燶囗燶面，十問九唔應，我同阿哥都好怕佢，亦不是很有感情。而後生時，家父喜歡獨處，一家人出街，他好似陌路人走在前面。他個性自我，不是那些很為老婆子女着想的人。
阿哥一畢業便立即搬走，因為兩父子經常頂撞。而我媽死後，我也急急搬走跟以前的男友租屋住。其實家父並非那些暴力打老婆仔女的人，又不是爛賭爛滾。但就是太自我，令身邊的人好辛苦，想切法逃避佢。
如今佢老了，其實跟佢的關係都比以前好。而佢亦越來越怕寂寞。。。
但問題來了，我哥依舊同佢水溝油，我爸不會去揾我哥，乜都揾我。但我其實都好忙，要返工湊女，又其實我c6同個女都唔係太喜歡見到佢。(我都唔知點解，好多親友對佢都有D抗拒)
我其實每星期六都會同佢食飯聚下，但佢越來越多需求，會失驚無神摸上屋企話探孫，但我女見到佢驚過見鬼，又喊又叫。
佢琴晚無啦啦又係樓下先打來話要上來探孫，我剛約了朋友外出晚餐，咁c6局住自己招呼佢。其實c6已有怨言話佢唔早通知。
最頂佢唔住係，我阿爸回家後寫左千字文俾我，話想父女相聚難過登天，又話我做咩不在家，又話自己不久人世，想多D聚天倫。
佢越係咁我越怕見。。。其實我已經個個星期六都同佢食飯，但平日我真係好忙好攰。叫阿哥揾下阿爸，佢就睬我都傻。
我真係覺得好辛苦

0 2 0

私人傳訊

babymj33

男爵府

積分: 9412

2^#

發表於 16-8-5 01:47 |只看該作者

厚多士發表於 16-8-5 01:40
坦白説同佢感情從少比較疏離。他是個盡責養家的人，但對老婆仔女不是很用心。回家經常燶囗燶面，十問九唔應 ...

感情吾算好, 其實一星期見一次都算係咁, 好盡本份了。

洋房, 複式洋房, 別墅, 大宅, 男爵府, 子爵府, 伯爵府, 侯爵府, 公爵府, 珍珠宮, 水晶宮, 翡翠宮, 珊瑚宮, 瑪瑙宮, 琥珀宮, 象牙宮, 寶石宮, 榮譽會員, VIP, 官方特派專員, 王國會長, 家長會會長, 管理員, 超級版主, 版主, 彩鑽殿, 天珠殿, 雲母殿

私人傳訊

twins_man

積分: 3278

3^#

發表於 16-8-5 01:55 |只看該作者

回覆：頂我阿爸唔順

樓主, 有句說話時常提住我, 就係 \"樹欲靜而風不息, 子欲養兒親不在\".

我以前同父親關係都麻麻地, 同你一樣唔多想對住爸爸, 係生左小朋友大家見多左, 關係先好少少咋

我爸爸唔多講野, 講親野又係黑口黑面咁, 但我諗深一層, 呢個係佢既性格, 佢都做左咁多年人, 好難要佢變架, 唯有改變自己諗法令自己好過少少啦!

其實我覺得你爸爸都想去彌補以前對你同你哥哥既不足, 想關心你地, 只不過用錯方法, 反而令你地唔舒服. 佢寫左咁多野比你, 你咪當佢好似小朋友咁哄, 話阿女最近好忙, 你下次想過來坐, 早一日打比我嘛, 等我諗定帶你去邊度食飯, 同你行下街咪仲好

私人傳訊

豬吉

積分: 15954

4^#

發表於 16-8-5 01:58 |只看該作者

點解佢講到咁你都唔心軟或者唔開心
而係覺得更加唔想見到佢
以前既老豆係有威嚴但盡責任
我反而可理解
而你可否理解下自己老豆等佢無遺憾

私人傳訊

積分: 17029

5^#

發表於 16-8-5 01:58 |只看該作者

babymj33 發表於 16-8-5 01:47
感情吾算好, 其實一星期見一次都算係咁, 好盡本份了。

我自己都覺得過到自己。。。每個月俾五千生活費，又請佢旅行，又每星期食飯。如果佢咁都唔滿意，其實我都唔想再付出更多。
要父慈子孝，都是有慈愛父親先得，所以亦不能怪阿哥冷淡。。。我做唔出唔理佢，但佢就越來越多要求

私人傳訊

twins_man

積分: 3278

6^#

發表於 16-8-5 02:01 |只看該作者

引用：坦白説同佢感情從少比較疏離。他是個盡責養

原帖由 厚多士 於 16-08-05 發表
坦白説同佢感情從少比較疏離。他是個盡責養家的人，但對老婆仔女不是很用心。回家經常燶囗燶面，十問九唔應 ...

同埋年紀大會怕寂寞, 又怕悶, 又無咩親戚肯同佢見面, 應該係怕有咩事無人理佢, 所以成日去搵唯一會理佢既人~~

我都明白你自己有頭家, 湊小朋友忙, 都想有自己既私人空間既, 或者同爸爸協議下, 每個星期見果日見耐少少囉

私人傳訊

I9528

琥珀宮

積分: 155392

畀面勳章

7^#

發表於 16-8-5 02:03 |只看該作者

厚多士發表於 16-8-5 01:58
我自己都覺得過到自己。。。每個月俾五千生活費，又請佢旅行，又每星期食飯。如果佢咁都唔滿意，其實我都 ...

佢會唔會只係想，在生之年見多d你地，而唔係物質上？你都講，佢1個人生活咁多年，而家又年紀大，想團聚見多d，好正常丫

私人傳訊

mike89

珍珠宮

積分: 46551

8^#

發表於 16-8-5 02:06 |只看該作者

回覆樓主:

年紀愈大愈想人哄，愈想人重視姐

私人傳訊

積分: 17029

9^#

發表於 16-8-5 02:14 |只看該作者

豬吉發表於 16-8-5 01:58
點解佢講到咁你都唔心軟或者唔開心
而係覺得更加唔想見到佢
以前既老豆係有威嚴但盡責任

同家父感情好複雜。你問我的回憶，其實我諗唔到半點温馨，你問我是否愛佢，其實我內心是錫佢。我解釋唔到佢做過咩大野傷害我，但每次諗起年幼時的相處我都會落淚。
唔知點解，我們三人，阿哥阿爸我，明明一起生活了廿幾年，明明冇大事令我們反目，但疏離到在阿媽死的那日，我們都沒有互相安慰，反而各自離開醫院，各自找朋友療傷。
我都好唔明，彼此那裡出錯了。

私人傳訊

鴨咀獸泰瑞

積分: 1494

10^#

發表於 16-8-5 02:22 |只看該作者

回覆樓主:

給樓主

私人傳訊

積分: 17029

11^#

發表於 16-8-5 02:23 |只看該作者

I9528 發表於 16-8-5 02:03
佢會唔會只係想，在生之年見多d你地，而唔係物質上？你都講，佢1個人生活咁多年，而家又年紀大，想團聚見 ...

咁我都明，所以宜家對佢我盡量遷就，但有時我都會攰。放工已經攰爆，回家個女又成日痴實我，要陪玩陪讀陪瞓。真心講，老公都唔得閒理。
佢成日失驚冇神就話係屋企樓下，其實我真係好唔鐘意。偶爾一次見我唔到，唔洗寫篇文來呻啩！我覺得好沉重，好有壓力。

私人傳訊

積分: 17029

12^#

發表於 16-8-5 02:32 |只看該作者

twins_man 發表於 16-8-5 02:01
同埋年紀大會怕寂寞, 又怕悶, 又無咩親戚肯同佢見面, 應該係怕有咩事無人理佢, 所以成日去搵唯一會理佢既人 ...

其實我心好矛盾。內心錫佢又怕見到佢。可能我要去睇下心理醫生

私人傳訊

hohinmama

公爵府

積分: 26594

2025勳章 2025勳章蛇年勳章牛年勳章我的育兒心得勳章

13^#

發表於 16-8-5 02:44 |只看該作者

厚多士發表於 16-8-5 02:32
其實我心好矛盾。內心錫佢又怕見到佢。可能我要去睇下心理醫生
...

真係兩難……
睇得出妳已盡力……
妳老爸有無嗜好？引導下佢，社區有老人中心，有好多活動……又或者同其他長者傾下偈，唔使生活咁苦悶

私人傳訊

babyhowie

水晶宮

積分: 65678

HiPP勳章(2) HiPP勳章(1) 2018復活節勳章育兒性格勳章好媽媽勳章畀面勳章 BK Milk勳章

14^#

發表於 16-8-5 02:45 |只看該作者

睇你形容你同爸爸之間既關係，
同你爸爸既性格，
似十足我老公，完全一模一樣，
只係搵錢養家，其他關心、溝通欠奉！

岩岩先同大仔（13歲）傾完計，
佢話係佢記憶中，同爸爸之間完全冇溫馨片段！

我同仔女關係感情都好好，
如果有日我走左，佢地都唔知點同佢地老豆生活落去！

私人傳訊

twins_man