吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 中左電話騙案(超長) 已後補經理回覆!

自由講場今日: 743|主題: 1351891

收藏本版

發帖

返回列表

跳至頁

查看: 5010 | 回覆: 38

中左電話騙案(超長) 已後補經理回覆! [複製鏈接]

Alie

男爵府

積分: 6057

1^#

發表於 16-8-4 11:28 |只看該作者 |倒序瀏覽 |打印

本帖最後由 Alie 於 16-8-4 12:58 編輯

電視睇得多提防電話騙案，估唔到會中伏...希望大家唔好受騙
事緣一直用開nxw寬頻+電視組合，係c6名登記
大約2星期前(約20/7)，c6每日收到自稱nxw職員要求續約電話(37624001-37624004)
職員態度奇差，每日打比c6 7-8次要求續約
聲稱合約期將於9月30日完，要求7月30日前必須確認續唔續約
而月費計劃係$298 500mb，電視組合未到期，$298係唔包電視組合，之後要額外加$138。言談間職員態度非常惡劣，多次講<你都冇得揀ka啦，唔通你會轉咩！> ，<30號前唔確認就收原價$398>
每日比nxw瘋狂追問之下，香x寬頻就打黎cold call介紹寬頻優惠。香x寬頻態度非常好，雖然都每日打黎4-5次，每次nxw打完黎，香x寬頻都會緊接電話。
香x寬頻介紹的服務收費: $238 1000mb光纖，送樂視睇波，tvsuper，安裝後可以係出年5月前才啟用服務！
正當考慮緊時，nxw不斷以惡言相向問幾時續約，論服務態度及價錢後c6選擇香x寬頻！香x寬頻建議28號先叫師傅上門睇位，若果可以安裝，即時安裝可免安裝費用，及安裝後可以唔用住，直至你舊約完成再打上cs才開始服務。當確認香x寬頻電話錄音後，c6就冇再收到nxw電話，而27-28號香x寬頻做左6-7次電話錄音確認新合約內容！
28號晚安裝完成後,29號中午c6致電nxw想通知唔續約及取消服務，之不斷打黎的電話係冇人接聽，打去1000到取消，nxw職員核對資料後，話我地合約根本未到期，合約期至2017年2月，月費冇出過$298 500mb呢個plan,而我地用左多年nxw,服務月費$198 1000mb包埋電視組合...若果我地而家要取消，要比埋餘下月費！c6提供自稱nxw的電話比nxw職員，nxw職員話呢個唔係nxw推廣電話，懷疑我地受騙！收線後，c6問我點算，而家香x寬頻新約已簽，nxw又未到期，可以出年2月nxw到期後取消服務才用香x寬頻(香x寬頻可以出年5月前啟用服務)
當我知道成件事真係好嬲！即刻要c6打去香x寬頻一直負責開的sale,對完資料後，我拎左c6電話問sale員工號碼及姓名，我話而家我懷疑你地不良銷售手法導致我地簽約，我會作出投訴！香x寬頻sale話會揾經理聯絡返我跟進事件...

抖一抖再打埋下半集

補充: nxw及香x寬頻每次打比c6都係工作時間，亦表明一定要係登記本人先可以傾，唔比c6 pass比我傾。假的nxw電話係未確認香x寬頻之前有打過去，係有人聽，仲有齊c6個人資料，所以c6深信佢地係nxw職員。。。

下半集...

香X寬頻sale聽到我話佢不良銷售手法時都幾緊張, 問我發生咩事,跟住我話c6因為工作關係, 電話裝左錄音apps, 你地由一開始的電話內容我都有齊哂錄音! 佢叫我提供假nxw電話比佢查核, 佢話呢個唔係香x寬頻電話, 佢唔存在欺騙我地成份! 其後佢會叫經理回覆我跟進事件...(我問sale,你經理幾號電話, sale係答唔出!)
之後我收到香x寬頻經理電話, 經理話會徹查件事, 呢類事惰唔係第一次發生, 但呢個同事未發生過既,佢話會聽哂呢個同事所有錄音後, 3/8回覆我調查結果! (要註明一點! 經理從冇問我發生過咩事! 我問佢要唔要我由頭講一次事件始末? 佢答唔需要啦, 我會聽錄音及呢類型事件唔係第一次發生, 我清楚知你投訴緊咩事!)
8月3日晚上經理打比c6, pass左比我傾.
經理就報告返調查內容, 話聽哂所有錄音後並冇發現sale有不良銷售手法, 但佢地亦唔會一面倒信任同事, 大家都係想件事解決到, 若果客人認為受騙而簽約, 而家可以無條件係冷靜期內取消合約, (聽到呢到, 其實有得取消返解決到,佢態度又良好, 我耐心聽佢繼續報告)
經理見我唔出聲反駁, 就開始繼續發表佢"認為的事"

經理: x太, 其實成件事你地應該諗返個源頭係邊到囉! 點解你先生的個人資料會比其他人拎到先? 佢自己都冇保障自己個人資料, 呢樣先係問題根源!

我: 經理, 係囉! 我都想問你同事點解有c6電話?

經理: 同事係cold call, call到你c6, 而所有你用緊邊間供應商及地址各項係你c6本人提供囉! 唔係我同事咁本事有齊你c6資料! 若果同事有咁大本事擁有齊你c6資料我相信佢唔會為簽成一張寬頻合約咁小囉, 佢大可以做其他事去欺騙!公司都有發生過類似事件幾次, 但今次完全冇證據顯示到同事有問題囉! x太! sale都有分每個月搵幾錢人工既, 有d sale 每月十幾萬, 有d得幾千! 同一件產品, 人地有能力有本事賣貴幾倍去做營業額! 我唔知你知唔知呢行規矩啦, 有跳bar制, 亦有賣貴plan可以有高commisson! 你點可以咬定個假電話係關我同事事,而唔關其他供應商事!! (佢言下之意係認為假電話係nxw職員賣貴plan跳bar而賺取高commission, 件事唔關佢地事!)

我: 經理! 首先你話個人資料呢一樣野, 真係唔好意思係我地問題! 我都想問下你係香港可以保障到我地私隱咩? 你每日接幾多個銀行電話問你借唔借錢而又有齊你的資料? 仲有, 你同事由cold call果日都冇提供過佢員工編號啦! 你地有做過比人核實身份的動作咩? 我都唔知你同事點解可以每次nxw打黎之後就到佢打黎, 而你同事及你,我都未見過面囉, 我唔知佢係香港定大陸的call centre囉! 至少佢運你直線電話都講唔出囉! 仲有, 你意思話可能係nxw打黎呃我用貴plan, sorry~ 我問過nxw, 完全冇呢個plan可以用, 就算我肯用, 都做唔到呢個plan比我續! 再加上我合約未到期! 根本唔可以而家續約! 咁成件事係邊個得益? 仲有! 你公司竟然唔係第一次發生呢件事, 即係唔知第幾次發生又咁岩係我身上, 而你都認為係客戶問題唔關你同事事? 客戶有咩得益? 每次得益都係得你公司囉!!!

經理之後轉話題唔同我拗, 問我係咪而家要取消申請丫? 係既而家做埋錄音確認冇條件取消服務唔會收任何費用, 咁得未? ....

後面的癈話我唔打黎啦, 都係唔需要比取消費用及需要限期內自行繳交返d機盒比佢地咁上下!
事件暫時解決左! 金錢上冇損失, 但我已經對香x寬頻印象奇差! 成件事根本冇可能唔關佢地事, 開頭肯冇條件取消都算數, 係之後要拎尾彩反話我地唔保障自己私隱而比人承虛而入真係好嬲!

0 0 1

私人傳訊

lokyan0901

侯爵府

積分: 23502

BK Milk勳章 hashtag影視迷勳章

2^#

發表於 16-8-4 11:37 |只看該作者

Alie 發表於 16-8-4 11:28
電視睇得多提防電話騙案，估唔到會中伏...希望大家唔好受騙
事緣一直用開nxw寬頻+電視組合，係c6名登記
大 ...

我之前電話都試過類似係咁，不過係剩上網。。。
搞到俾貴左月費。。。好彩個時合約真係差唔多到期

我睇GE美日韓劇PART 2

私人傳訊

sugarbabyy

男爵府

積分: 5957

3^#

發表於 16-8-4 11:41 |只看該作者

我都試過///不過距地係扮3....但我係CHECK左自已合約期幾時到期的..好在都無事~~開頭仲以為點解3的態度點解甘差..同埋月費比現價貴天.....後來先發現原來係HKBX 扮3的人......為左搶客..咩賤招都出

私人傳訊

vvbb2214

伯爵府

積分: 17465

減齡達人勳章親子王國15週年勳章

4^#

發表於 16-8-4 11:47 |只看該作者

Alie 發表於 16-8-4 11:28
電視睇得多提防電話騙案，估唔到會中伏...希望大家唔好受騙
事緣一直用開nxw寬頻+電視組合，係c6名登記
大 ...

佢哋嘅續約唔駛登記人親自傾㗎

以我為例，Nxw 係我老公登記，每次傾續約打比我老公，佢都會叫對方留下電話，話係我負責，我會打上hotline 叫對方轉比該agent接聽，核對我老公資料後，對方會同我傾續約

私人傳訊

sammag

大宅

積分: 4904

5^#

發表於 16-8-4 11:48 |只看該作者

回覆：中左電話騙案(超長)

以前HKXN 冇咁差喎，我覺得咁樣有刑事成份，屬欺詐，應該報警！

點評

tkkmama

發表於 16-8-4 12:40

私人傳訊

sammag

大宅

積分: 4904

6^#

發表於 16-8-4 11:49 |只看該作者

回覆：中左電話騙案(超長)

nxw 始終係pccx 公司，服務態度唔會點差

私人傳訊

丑小鴨

複式洋房

積分: 305

7^#

發表於 16-8-4 11:57 |只看該作者

我都試過！不過係手提電話
因為傾續約果條友態度勁差，
每日打黎叫續約，仲要勁貴
Cut佢線都仲要係咁打黎
問佢員工編號同名又唔肯講！
之後都會有第二間公司打黎sale
好彩我打去本身果間hotline投訴
先知原來個電話唔係佢地公司

私人傳訊

20150618bb

珊瑚宮

積分: 108309

2024年龍年勳章虎到金來勳章牛年勳章 2018復活節勳章開心吸收勳章

8^#

發表於 16-8-4 12:02 |只看該作者

兵不欠

私人傳訊

yurijm

珍珠宮

積分: 48818

9^#

發表於 16-8-4 12:13 |只看該作者

回覆樓主:

你地電話本身有冇自動錄音?
我屋企人都試過中招，一日打黎幾次話傾續約，態度勁差，傾續約都受佢氣咁

後來我叫我屋企人索性安裝個app電話自動錄音，諗住續唔續約都好，要打去投訴

之後佢再打黎，我地就話已經錄左音
好聲好氣講叫佢態度好啲
神奇既事發生左...

之後冇再收到電話
後來睇返張合約，先知仲有成年先到期

點評

LedTV

發表於 16-8-4 12:27

私人傳訊

luvkaka

水晶宮

積分: 67975

10^#

發表於 16-8-4 12:18 |只看該作者

回覆 Alie 的帖子

咁都得? 衰到要咁?

私人傳訊

flashsilver

男爵府

積分: 5572

11^#

發表於 16-8-4 12:21 |只看該作者

D sales係咁賤GA, 所以要格價囉, 雖然未必係最平, 但都唔會咁易俾人呃.
同埋打黎咁多次, 你都唔會自己睇下合約幾時到期, 就咁信晒佢講??

私人傳訊

LedTV

琥珀宮

積分: 154282

虎到金來勳章好媽媽勳章醒目開學勳章畀面勳章環保接龍勳章

12^#

發表於 16-8-4 12:25 |只看該作者

引用：電視睇得多提防電話騙案，估唔到會中伏...

原帖由 Alie 於 16-08-04 發表
電視睇得多提防電話騙案，估唔到會中伏...希望大家唔好受騙
事緣一直用開nxw寬頻+電視組合，係c6名登記
大 ...

我用左hkbn 13年

未試過唔可以pass 比我聽

我傾先，跟住老公講身份証名，即刻比返我傾合約

如果佢地係office hour 打比老公

我老公一律話唔知

唔係我搞

你夜晚打黎

佢一定唔會亂簽約

私人傳訊

ninjarabbit

用戶要求終止服務

積分: 100193

開心吸收勳章玩具勳章 BK猜猜猜慶中秋

13^#

發表於 16-8-4 12:30 |只看該作者

我都收過呢種電話,我同佢講要落舖做,佢即話唔會有咁既優惠已經知有問題,收線block左個電話

“Nothing in the world is more dangerous than sincere ignorance and conscientious stupidity.”
― Martin Luther King Jr.

私人傳訊

penpenvivi

子爵府

積分: 12812

畀面勳章

14^#

發表於 16-8-4 12:31 |只看該作者

回覆樓主:

push

私人傳訊

waiman0614

男爵府

積分: 5965

15^#

發表於 16-8-4 12:34 |只看該作者

回覆樓主：

本帖最後由 waiman0614 於 16-8-4 12:35 編輯

香港果邊唔係有7日試用咩？未裝應該可以取消

私人傳訊

美之選468

公爵府

積分: 26519

16^#

發表於 16-8-4 12:35 |只看該作者

報警+消委會.....快 !

私人傳訊

ac917

水晶宮

積分: 71291

17^#

發表於 16-8-4 12:35 |只看該作者

唉⋯⋯我感覺⋯其實呢d sell屎同地產sell屎一樣，品流⋯⋯

私人傳訊

jerry_yin

大宅

積分: 3354

18^#

發表於 16-8-4 12:37 |只看該作者

Alie 發表於 16-8-4 11:28
電視睇得多提防電話騙案，估唔到會中伏...希望大家唔好受騙
事緣一直用開nxw寬頻+電視組合，係c6名登記
大 ...

我早2 個月..NxW 係咁CALL 我..我同佢講唔得閒明日再call 我...
之後我先自己打去HOTLINE 問下PLAN 同CONTACT DATE--> 記下大約價錢..之後再話諗諗先
我發現SALES 好鬼..古惑，HOTLINE 打去一俾就最平價......但NxW Sales 自己打來..就俾個貴價...當你水魚...

但我還有3 個月CONTACT 先到期...諗多個月先啦.!!!