雖然有單,但d單好多時都信唔過架.....我自己不時都去吓街市行吓睇吓d行情....好多時d工人買$18嘢,就叫小販開夠張 $20單,d菜檔肉枱為咗多d生意,咪又照開! 我見過有小販主動講話開夠$50啦,個工人開心笑到卡卡聲....買慣買熟啩,我睇住個工人俾兩張廿元....仲有找錢!!! 正衰人,咁樣夾埋d工人嚟屈我地...
如果冇時間去行街市,我建議你覺得真係好唔對路就問.問詳細d,响邊檔買呀咁,然後就拋吓個工人,話我覺你買得好貴喎.....我唔知係你呃我,定係你俾人呃...為咗避免你再俾人呃,總之你就以後唔好再去嗰檔買嘞.....
咁講有好處:1.) 如果真係佢打斧頭,而佢又係醒o既就會知道如果你覺得真係佢打重斧頭,你有機會炒佢 = 你都話個檔口呃佢一次,咁就唔好同嗰個檔買...換言之...可以係一個好subtle o既warning,叫佢咪呃你......應該都知道要收歛吓o既!
2.) 如果真係佢蠢俾人呃,你咁講佢唔會有hard feeling 覺得你唔信佢,因你只係話佢唔夠experience,仲要跟你學嘢 -- 咁你咪可以食住佢囉.
我以前有個响香港做咗六年(佢個媽咪响hk做咗幾十年)o既bunbun聽完我咁講,都唔敢出聲,因為我一向俾個image佢我係好精明架,你d野我會random check,呃唔到我架咁囉......
不過呢...要假手於人,真係好難完全避免被打斧頭....只要佢唔係太過份,或者越來越離譜..我都係算數
原文章由 小妮子 於 08-11-7 15:01 發表 
係呀,有單據咩,等我叫佢攞返嚟先,多謝報料!
[ 本文章最後由 yywhk 於 08-11-7 22:30 編輯 ]
[img align=left]http://www.msndoll.com/uploads/imdoll-8134.gif[/img]
發表於 
返回列表
