親子旅遊今日: 0|主題: 161871

收藏本版

發帖

返回列表

跳至頁

查看: 632 | 回覆: 0

[台灣] 台北旅行後，小小分享 [複製鏈接]

mandyfung

男爵府

積分: 8420

1^#

發表於 16-9-1 10:15 |只看該作者 |倒序瀏覽 |打印

本帖最後由 mandyfung 於 16-9-1 10:19 編輯

我哋在香港訂左潮X遊旅機場接送，當時訂9人車一架一程$290HK,依家加左價，好似係$305一架一程，我訂左2架，來回共接觸到3位司機，都好有禮貌。
我哋住西門町東龍大飯店，[size=26.3603px]主力在西門町行街食嘢，人都覺得好方便，飯店比我想像中細，我哋住四人房好大，左右兩邊各一張單人床，中間有個大空位，好鬆動。豪華三人房是一張雙人床+一張單人梳化床，同一般雙人房大細一樣，普通三人房同豪華三人房分別是，豪華三人房打開行李箱後有條小路行，普通三人房是無路行。豪華二人房(裝修後樓層)，是四人房的3分2大。每位服務員都好好。早餐每日一樣，每位一份，有蛋、腸、火腿、薯容。其他有：3種穀物早餐、白麵包、牛油、果醬、朱古力、咖啡…任食9：50前取餐。

同飯店前面的第一條街主要食，飯店方向出發，左邊賣白苦瓜汁(我試過多人排果間，早、晚買都唔同味，兩次都無苦味，最後一晚試左格離果間甜品店，反而有苦瓜味，有DD肉，感覺足料D。右邊食台式飯、粉，有3間，中間果間最好味，前面果間第2好味，近飯店果間一般。

飯店對面便利店旁有間按腳，我哋幾個人去按全身，門口寫住1200台幣120分鐘，入到去坐底話800台幣60分鐘。佢哋按法，個個不同，不似泰國咁一式一樣，她們主要用手蹭大力按壓我哋骨、關節位，痛死。我走時右腳腳蹭位好痛，痛左兩日，好似拉傷左咁痛，好左自己帶左藥膏。唔係我哋想要果種。

因為之前又話打風又落雨，所以唔敢訂車去六福樂園，有日見天氣好，就坐車去松山站(因為問過一D台灣包車5000一架好貴，我哋多人又唔想分開坐客運，所以去松山頭站)坐客運，有人行過來自動接觸我哋，12人車(連司機)去六褔每位100台幣，有一位小朋友唔收費，共收1000台幣，回程話1200，我哋話改在西門叮落收2000，最後去左士林落收2000，門票賣比我哋大約799台幣，5歲599台幣，司機六十多歲，有禮。

28/8去台北車站查理布朗訂十幾盒蛋布丁+其他，31/8中午送去酒店，(酒店服務員話一早到左，已幫我們放雪糕，非常好)剛剛發現，全部蛋3/9到期，我兩年前去過，當時是夜機，中午自己去買，記得好似唔係得3、4日期咁短。唔知係記錯定訂購就係咁安排。

馬棘火鍋多款，材料幾好，家人食得開心
饗食天堂自助下午茶餐，多款，好味。

中銀提款卡在台灣機場未入景前，兩年前同一張卡提到，今次唔得，在東龍對面便利店提到。

台灣店舖好準時關門，晚9：40到拉麵店，職員話只可食到10：20，我哋話好，一坐下就一直黑面，我哋快速食15分鐘走人。有幾間店舖、便利店員工好無禮貌。