論盡家傭今日: 0|主題: 134032

收藏本版

發帖

返回列表

跳至頁

查看: 925 | 回覆: 4

等我分享下先（有啲長） [複製鏈接]

bunnypim

大宅

積分: 2113

1^#

發表於 16-9-19 15:40 |只看該作者 |倒序瀏覽 |打印

因為有咗，第一次請姐姐，我仲要係陀住7個月肚先搵姐姐，本身揀咗一個叫做比較岩心水嘅姐姐，點知臨去agent俾錢前兩日，agent話有未黎過香港嘅新姐姐，問我有無興趣睇下，就係咁，我地就轉請咗一位幾靚、又幾好笑容，第一次黎香港做野嘅菲姐姐。
姐姐黎到時，我岩岩坐完月。頭一星期，主要都係話佢知每日有咩做，每星期/每月有咩要大清潔，但我無刻意整時間表，我由佢自己安排。第二個月開始放手俾佢照顧阿仔，由初初喺身邊幫我手到之後佢做哂，我只係旁邊睇。
我地好好彩，姐姐由舊年7月到宜家都keep住好乖，所有關於阿仔嘅野都非常上心，煮飯清潔都ok（雖然有時會煮嘅奇怪新菜式(emoji)）。我由一開始已經同佢講「有阿仔先有佢，佢主要嘅工作係照顧阿仔，但唔可以縱我仔」so far，我都睇到佢大致上都照我地嘅說話去做，當然有時會有少少縱阿仔，但都接受嘅。另外有一樣野佢真係好好嘅，因為我地兩公婆收工時間都唔定時，好多時都攪到姐姐成10:30先可以休息，佢點都會等我地食埋飯，佢清潔完先休息；我地就算叫佢去沖涼瞓覺啦，我地自己洗碗得架喇，佢都會堅持等埋我地。咁嘅姐姐邊度搵呀！所以我地放假時，一定會自己照顧番阿仔，等佢有時間休息下。
至於我地兩公婆對佢都應該算不過不失卦，咁耐以黎我只大聲話過佢一次，大部分時間都無需要惡對佢；屋企所有食物都任佢食/飲，但佢每次都會問咗我地先食，所以我會每月買佢鍾意食/飲嘅野。我都幾相信「你點對人，人地就會點對你」，當然亦唔可以所有野都放縱佢啦，我都見過佢試我底線架，但我會即刻表明立場，咁佢就會收斂番。
出年7月滿兩年，都幾驚佢會唔續約架。希望姐姐會繼續留低啦。