吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

Baby Kingdom - 親子王國香港討論區 › 首頁 › 懷孕前後› 屯門醫院順產記

懷孕前後今日: 5|主題: 330388

發帖

跳至頁

查看: 1436 | 回覆: 6

屯門醫院順產記 [複製鏈接]

1

積分: 2169

1^#

發表於 16-9-14 14:38 |只看該作者 |倒序瀏覽 |打印

39週6既那夜淩晨既4:00，當我放低部IPAD準備訓教準備訓醒去產檢。忽然有一下大約15秒好似m痛咁既感覺然後feel到卜一下，我跳咗落床，馬上有一灘水流出，由於量小，我未肯定咩事

我拎起電話，係ws啲媽媽gp度講我既情況，佢地建議我馬上入院。
我試過用力咳，都無水出(聽人講穿水用力咳係會有水出啲)
我叫醒老公，我地就馬上換衫入院
到醫院時，肚~又痛了但可以接受既痛。

當我去到A7產前，姑娘幫我檢查但似乎係未生得。然後就話推我入產房比醫生檢查，當我入到產房有五六個姑娘啦，一個醫生，拎住我份排版，講咗堆我唔識聽既英文

跟住醫生放咗啲儀器落我下面話會有小小唔舒服，跟住醫生個樣怪怪的，然後姑娘叫我用力咳，佢地話無水出喎⋯⋯ 醫生再用手幫我檢查，醫生同姑娘講：似係，但又好似唔係，我唔係好肯定喎⋯⋯
（我心諗：姐係點呀？我好驚呀，又好心急）
跟住醫生話要用試紙睇下，（我諗係羊水試紙）一試，醫生講咗句，得啦，可以落產房，姐係我真係穿咗羊水呀

大概5點左右，開始幫我量血壓，駁機，種豆。
我仲係呆呆係床等肚痛，跟住我話想去廁所，姑娘話我穿咗水唔落得床要比個盤我係床痾

到咗七點左右，醫生話我陣痛隔得好疏，不如幫我落催生，我答好，反正都唔到我決定

然後姑娘就比笑氣我。
落咗催生後，真係痛咗密咗，我開始起勢吸，死啦吸到有啲暈，但真係唔得啦好痛，暈就暈啦，繼續吸！
到9點幾，姑娘話我可以打比老公啦！我即刻打比老公叫佢黎，順便幫我拎埋走佬袋

我開始控制唔到自己，我係床典黎典去，又發出啲好淒慘既聲音

姑娘 : 你碌落床啦，你做女人咁耐都係為今日姐！
待續。。。

私人傳訊

積分: 2169

2^#

發表於 16-9-14 14:44 |只看該作者

其實我好想話佢，但我已經講唔到野思考唔到，到十點老公黎啦，我係咁捉住佢隻手，但我已經打唔開眼望住佢
我不停講，我好急屎呀我要去廁所痾屎！
姑娘話岩架啦，BB黎架你痾啦，你捉住你老公隻手無用架，你捉返住個手柄啦。
我一路生，一路聽到。。
醫生:太太你要望住我架你唔可以合埋眼架
姑娘:太太你隻腳都無力比啲力啦
太太你要hold耐啲，至少10秒！
最終，我都係無力生，醫生話要幫我吸出黎，就趕走咗我老公嚕

用咗吸，幾下就生咗⋯⋯跟著拎埋胎盤出黎，我見到醫生幫我聯針

我連佢剪我都唔知？
由可以痾到生咗BB出黎，其實都係十分鐘內既事但陣痛時，一分鐘好似十年咁。。

最終BB,10點半出世嚕

祝各位媽媽同BB 身體健康

私人傳訊

積分: 191

3^#

發表於 16-9-14 14:59 |只看該作者

avachristy 發表於 16-9-14 14:44
其實我好想話佢，但我已經講唔到野思考唔到，到十點老公黎啦，我係咁捉住佢隻手，但我已經打唔開眼望住佢 ...

恭喜曬。謝謝分享。今日我都39週5仲未有任何徴像。催生係咪好痛架。我上胎係見紅生。好驚要催生。祝你同bb健康快樂。

私人傳訊

積分: 2169

4^#

發表於 16-9-14 15:43 |只看該作者

留言中發表於 16-9-14 14:59
恭喜曬。謝謝分享。今日我都39週5仲未有任何徴像。催生係咪好痛架。我上胎係見紅生。好驚要催生。祝你同bb ...

催生加快咗個速度，快啲痛可以快啲生

你要加油，祝BB準時出世

私人傳訊

積分: 268

5^#

發表於 16-9-14 17:01 |只看該作者

回覆樓主:

恭喜樓主

私人傳訊

積分: 11389

6^#

發表於 16-9-14 17:49 |只看該作者

congrats!!!!!

私人傳訊

積分: 14552

7^#

發表於 16-9-14 18:05 |只看該作者

回覆樓主:

d 医生几好，肯比催生药
恭喜晒！

私人傳訊

1

跳至頁

上一主題 • 下一主題

© 2025 Baby-Kingdom.com Limited.

網站：聯絡管理員廣告查詢私隱政策使用條款免責聲明使用意見