吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 其賁係咪我錯晒？？？

心聲留言今日: 0|主題: 17533

收藏本版

發帖

返回列表

跳至頁

查看: 1631 | 回覆: 9

其賁係咪我錯晒？？？ [複製鏈接]

晴天雨天

民房

積分: 3

1^#

發表於 04-11-11 11:51 |只看該作者

其賁係咪我錯晒？？？

7年前我18歲,同左一個男仔一齊﹙即現任老公﹚,當時他有女朋友,但又追求我,又話同個女朋友唔適合,我天真地以為只要我同左他一齊,他就會同那個女仔分開,所以我答應做他女朋友,點知唔係,他只想一拖二比較下！

一路一齊他都拖住我,自己又細個唔適想,仲比埋第一次他,一年後我有左,問他點算,他叫我落左個BB,他唔會負責,當時我好傷心好難過,亦決定離開他！手術後同他分開左成年,期間他又來找我,又話會同個女仔分開,又話會好好對我,當時自己又心軟,又原諒左他！

4年前,我再有左BB,今次他都係唔想再負責任,咁我就同她阿媽講,她阿媽同他講左好耐他先肯負責任,如果當時我唔係有左BB,我真係唔會再理他！我地攪結婚時好唔開心,不過為左個BB,我忍。

點知結婚後第二日個BB無左,我好唔開心,不過他安慰我同好錫我,所以我先好過D。

第二年我再有BB,係我大肚時他又再出去攪3攪4,我好唔開心！到BB1歲他先同那個女仔斷絕來往！

私人傳訊

晴天雨天

民房

積分: 3

2^#

發表於 04-11-11 11:57 |只看該作者

Re: 其賁係咪我錯晒？？？

結婚咁耐,他有比錢他阿媽,但從來都無話到要比錢我阿媽！

結婚初期,我成日都要幫他找卡數,他又比3000家用問我拎番5000,所以我都無錢比阿媽！

有事時就識叫我問阿媽借錢幫他,無事時就成日話應酬,無間間上來食飯！

7年以來成日都搵唔到人,到我生BB時都係搵唔到人,話他就話收唔到,電話無電,開緊會咁,玩到半夜2點先返,都無個電話打番家,好似唔記得自己有屋企咁！

我覺得我好似做錯晒咁,選左個咁的老公,成日激親媽媽,我好不考,如果我當初唔係咁行,我媽媽就唔駛成日擔心,又唔駛嫁女嫁到咁寒酸,又唔駛成日貼錢買野比我地,又唔駛有女好似無女咁,我真係覺得我自己好不考呀！

私人傳訊

creamsoda

別墅

積分: 877

3^#

發表於 04-11-11 12:11 |只看該作者

Re: 其賁係咪我錯晒？？？

晴天雨天,

你冇錯,係你個時細個,唔識諗~
錯的係你老公....我唔明點解男人可以有老婆仔女都可以搞三搞四,唔通男人同女人既構造真係差咁遠..?
唔通男人真係可以來者不拒??
唉,我有少少覺得自己行緊你條路.....

我而家又係18歲.....
路你已經揀左,但你仲可決定自己將來的命運 :exclaim:
你而家係為左小朋友先繼續同佢一齊定係其他原因,我唔知道,但我諗你自己最清楚

做媽媽的永遠最心痛係見到個囡咁,所以我知道你媽媽有幾痛心,因為我媽媽都係咁...
我就會為小朋友而繼續傻落去,你呢??
要堅強呀~!!我支持你

過去的留不住, 未來的難預測, 守住現在,當下即是~

私人傳訊

slk

大宅

積分: 2763

4^#

發表於 04-11-11 18:02 |只看該作者

Re: 其賁係咪我錯晒？？？

晴天雨天,
首先無謂諗以前係咪行錯,路已經行咗出來,過咗去嘅就無得改.要諗就諗將來.
我有啲唔明,你既然知道佢咁差,從冇改過,更變本加厲,點解仲要同佢一齊,你仲好愛佢?就算係都應該學識心淡.你為個仔有個完美家庭?你認為佢可以做到咩,要做已經做咗.只怕佢第日又再攪女人而唔要你兩母子咋.到時就白白捱咗咁耐,可不洒脫啲呢?佢咁樣只會教壞個仔.點可以俾個咁嘅爸爸佢啫?反正有等於冇.睇你亦唔係要依靠佢生活呀,何苦呢?做人一定要學識一樣嘢,就係底線.就係因為你冇呢樣嘢,所以佢咁對你,你永無此景咁付出係無用架,離開佢,可能會仲開心,起碼唔使再咗為呢段唔似婚姻嘅婚姻而再傷腦筋呀.

祝你將來比現在更幸福 :-P 努力呀,支持你架

[email protected]

私人傳訊

小草

王國長老

積分: 56825

15週年勳章親子王國15週年勳章王國長老 BK猜猜猜慶中秋好媽媽勳章醒目開學勳章畀面勳章大廚勳章

5^#

發表於 04-11-11 20:51 |只看該作者

Re: 其賁係咪我錯晒？？？

我覺得你應該諗下將來既路，你估佢仲會改咩? 而家唔止你自己煩，仲牽連到你媽咪，唔係話不唔不孝問題，做父母既永遠都關心仔女架啦，但你諗下離開呢個男人會唔會令你同媽咪都生活得安穩D呢(起碼精神上)? 除非你愛佢愛到可以接受佢一切，包括佢可能唔愛你!

私人傳訊

babytszkin

侯爵府

積分: 22703

6^#

發表於 04-11-12 02:51 |只看該作者

Re: 其賁係咪我錯晒？？？

其實我感覺到您老公根本都不太喜歡您可能重一點都唔愛您添!您真的要好好想清楚您同他之間的關係因為感情係兩個人的事唔可能只有您努力付出他甚麼都不做的~您現在才20多y重好後生後悔都重可以有大把機會唔需過目前這樣的生活日日都唔開心咁我想您早點離婚都未必係壞事羅~唉~我又多事了~~sorry~~但是您真的要好好想清楚同多點愛yourself咁先係做人的目標

私人傳訊

Ling_yeung

洋房

積分: 189

7^#

發表於 04-11-12 13:54 |只看該作者

Re: 其賁係咪我錯晒？？？

自作孽....

[img align=left]http://yip.lui8.com/Q.picture/hanami.gif[/img]

私人傳訊

stkyo

象牙宮

積分: 206249

牛年勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

8^#

發表於 04-11-12 15:00 |只看該作者

Re: 其賁係咪我錯晒？？？

恕我直言~

一開始你已經係錯，你揀錯男朋友，你信錯咗佢，分開之後錯在心軟又係番埋一齊，再錯多次有BB，竟然仲錯到借用佢媽咪既壓力去結婚，又再錯多次有BB，你竟然會選擇一個無信用既人做老公，選擇一個唔負責任既人做你BB既爸爸，既然你已經錯咗第一步，往後既日子你更難行，唯一解決既辦法係離開呢一個男人。

個男人都有錯，不過最錯既係你揀選咗佢。

私人傳訊

Fatrix

大宅

積分: 2443

9^#

發表於 04-11-15 00:31 |只看該作者

Re: 其賁係咪我錯晒？？？

都恕我直言

我覺得你二公婆都有錯.
各自對自父母,仔女,社會毫無責任感...你可能都重係7年前的18歲無知少女.(當時冇e+咁多例子)
但如今像你的人都大有人在.如今18歲都唔可以叫係無知.電視日日買廣告,學校,社工,甚至父母..都日日提醒

我個人覺得,有此行為的人,只係個人欠缺責任感..重要找咁大個籍口話自己細,唔識諗.

e+有d年青人,自己f5會考唔好,又話政府唔比出路你地去讀書,咁政府都比咗9年免費教育,咁都科科肥.問心,(有冇盡力都唔好講啦)自己有冇少少付出過先.

d 大學生,未做嘢就唔知幾多咭數,話唔夠駛錢洗.. 緊係啦,一年唔知換幾多部電話,mp3.. 再唔係又話去邊去邊食嘢,落d,咁緊係多多都唔夠.

唉!唔知現今的年青人要幾時先唔好再同自己揾咁多籍口?香港的前途,真灰....

我都係呻吓...你e+咁樣,都係好好照顧你個bb.. 呢個男人,佢有一日回頭,咪當賺咗,唔回的話,咁就同bb好好生活落去..