少年成長今日: 0|主題: 16043

收藏本版

發帖

返回列表

跳至頁

查看: 2225 | 回覆: 0

真係可以冇功課做？ [複製鏈接]

csir3290

子爵府

積分: 12196

1^#

發表於 17-11-12 11:41 |只看該作者 |倒序瀏覽 |打印

前幾日聽到新聞講話有兩間學校試行喺假期嘅時候唔使畀功課啲學生，做等佢哋可以有多啲時間自主學習，得出嚟嘅結果好受小朋友同埋家長嘅歡迎，效果好似好好。但係係咪真係可以唔使做功課呢？其實做家長真係好矛盾，當然我哋想小朋友有一個開心嘅童年唔使有咁多功課壓力，但偏偏係香港呢個制度入面，如果想讀上去的話，就要面對好多公開考試到頭來都係要讀書同溫習。香港真係好奇怪嗰班官成日就話叫啲家長同埋學校唔好畀咁大壓力啲小朋友，什麼求學不是求分數，什麼愉快學習，其實都係得個講字，因為到頭來全部嘢都係要睇學業成績先至可以。其實我好認同間嗰兩間學校喺假期唔使啲個學生做功課呢一政策，學生冇壓力之餘家長亦都少咗啲負擔，但係除非呢間學校所有學生都唔使面對升中，如果唔係其他學校嘅學生都做緊功課都溫習緊，當面對升中嘅時候，佢哋就會知道自己其實係蝕底咗。坦白講我冇能力送對仔女去外國讀書，對仔女要喺香港面對呢個制度，就要按呢個制度入面嘅遊戲規則去做，喺中國人嘅社會要愉快學習真係談何容易，因為根本呢個社會就係崇尚競爭嘅社會，就算我哋想畀小朋友喺童年嘅時候好愉快，但係當一諗到佢將來要面對嘅環境其實都係擔心，擔心佢哋將來唔夠能力面對競爭，又擔心佢哋將來嘅謀生能力，所以到頭來咪又係要喺佢哋細個嘅時候裝備佢哋。我唔係話贊成細個就要好催谷佢哋，但係點都唔可以完全做到愉快學習，我做家長唯有盡量喺學習同埋遊戲當中盡量令佢哋取得平衡，盡量令佢哋唔好有咁大壓力。坦白講有邊個小朋友鍾意做功課吖？