Baby Kingdom - 親子王國 香港 討論區 › 首頁 › 論盡家傭› 比著你係我會點做呢?

論盡家傭

收藏本版
發帖
返回列表
跳至頁

首頁
1

尾頁
   0
sammili


大宅

積分: 3841

好媽媽勳章


1#
發表於 04-8-23 01:24 |只看該作者

比著你係我會點做呢?

我印印黎左3個月,各方面都幾好,因我屋企係冇固網電話,所以我一早出左部電話比佢,同埋出左張sim card(低用量)比佢用,月費我比,但之後佢話分鐘唔夠用,叫我在people出過張$138/1100,1000mins比佢,月費佢自己比,咁既然佢自己比錢,我都冇所謂,但上兩個禮拜佢叫我再同佢轉高個plan,$188/1700,1100mins,但我就覺得佢成日傾電話,佢就話每晚入房休息時先傾,但我知我一唔在家佢就勁煲,呢個月佢d分鐘超出哂,要比成$670電話費(佢共超出7xx分鐘),我都唔知幫唔幫佢轉高個plan好,幫佢轉又怕佢日煲夜煲,唔理bb,唔幫佢轉,佢又成日唔開電話(話d分鐘用晒wor),有時想打比佢問o下屋企情況或bb情況都打唔到比佢,其實$138/1100,1000mins都夠哂la,我都用唔到咁多,佢之前仲叫我同佢出$288/3100,1700mins比佢,我唔肯,嘩!成5000mins一個月,點傾ar,咁仲洗湊我bb?
私人傳訊

prettywife


男爵府

積分: 6787


2#
發表於 04-8-23 02:18 |只看該作者

Re: 比著你係我會點做呢?

sammili,
why don't you have a 固網電話?
in case of emergency, you may call home.
it's far more better than giving your maid a cell phone which she would switch it off.

speak to your maid frankly and tell her about your concern.
私人傳訊

tweetybird


男爵府

積分: 5929


3#
發表於 04-8-23 08:42 |只看該作者

Re: 比著你係我會點做呢?

坦白同你的maid講叫她在家時儘量不要講電話，因為她要focus照顧bb，如果她掛住講電話而疏忽個bb，有什麼意外時會點？

還有你為什麼不可以install過land line？
私人傳訊

ii-3


別墅

積分: 761


4#
發表於 04-8-23 09:22 |只看該作者

Re: 比著你係我會點做呢?

如果係我就cut 手提, 裝固網, 仲要係無wireless果隻, 她無得在房傾.

私人傳訊

晟媽


大宅

積分: 4653

畀面勳章


5#
發表於 04-8-23 09:32 |只看該作者

Re: 比著你係我會點做呢?

根本裝固網電話同出手提比去都係一樣, 工人要打電話你吾係屋企佢都會一樣照打.

我覺得你應該自己出番錢出張低用量既電話咭比佢, 同佢解釋番個電話只係太太用來同工人聯絡或工人有要事時打比太太, 而吾係佢私人電話. 私人電話只可以係晚上講(休息時段內), 但亦吾可以打太耐, 因為要早點休息明天照顧BB. 你要嚴厲同佢講, 電話只有需要時先可以用, 平日與BB單獨相處時不可私下打電話, 如果佢吾睇實BB, 萬一有意外點算?! 佢地傾親電話實傾到忘哂形, 吾會願收線, 最討厭工人成日傾電話, 我兩個工人都吾敢係屋企傾, 出到都吾會去太耐. 我同工人講, 如果真係有需要, 太太比你係我回家睇住BB時(約晚上九時幾十時), 可以落街打比屋企人, 比佢最多30分鐘. 因為我屋企無IDD. 佢都聽話, 只係打過一兩次. 其餘儘量係放假先打電話.

電話咭係你出, 你可以CHECK BILL睇番佢有冇聽你講, 成日掛住煲粥既工人已經吾駛恨, 我媽見過個工人係惠康掛住傾電話, 吾理個BB, 由得個BB四處走, 萬一吾見左BB點解, 工人只會講"SORRY", 但乜都補救吾到!!!

如果你WARN佢都吾聽, 可以炒得. 等佢返老家慢慢傾, 有排佢傾都得.
私人傳訊

bbviola


複式洋房

積分: 138


6#
發表於 04-8-23 10:00 |只看該作者

Re: 比著你係我會點做呢?

都話D工人唔駛對佢咁好架啦!得1想2,得寸進尺!只要唔虐待佢就OK!其他要求Noway!!! :evil:
私人傳訊

BB爸爸


複式洋房

積分: 274


7#
發表於 04-8-23 11:08 |只看該作者

Re: 比著你係我會點做呢?

你可以問電話公司lor個call record, 話俾佢聽唔可以係日頭湊bb個陣傾咁多私人電話,不過你個工人似乎已經係得寸進尺,縱壞左,希望『救』得返...
私人傳訊

PINKAVA


男爵府

積分: 7534


8#
發表於 04-8-23 11:20 |只看該作者

Re: 比著你係我會點做呢?

sammili

我工人初初黎做時, 我都係出手提比佢用, 有一個月特別貴, 工人話佢比番錢, 但我都去了出份report睇下係咩鐘數打電話, 唔睇無咁嬲, 睇完打鬼火, 叫工人企定定比我鬧, 問佢黎做野定煲粥, 我比2個選擇佢:-

1. 馬上番印尼屋企日打夜打
2. 我按個report 既 list (我show埋份report 既電話號碼比工人睇) 打比你咁多個工人朋友既太太, 問佢地係咪請個工人來香港打電話唔使做, 如果對方太太都同意你地班朋友係唔使做既, 咪以後你地打電話啦! 講完呢個point, 嚇死我個工人, 因為佢擔心黑累埋朋友, 以後都無再煲粥。

你唔可以比個工人話事, 佢日後有排作反。 即使夜晚都唔可以傾得多過10分鐘 (我個直頭唔傾添), 有咩放假先講, 再唔係比d紙個工人寫下信。
私人傳訊

mymelody2003


男爵府

積分: 8641


9#
發表於 04-8-23 12:26 |只看該作者

Re: 比著你係我會點做呢?

如果係我個工人, 我一定會轉番用固網電話, 因為如果工人只係在家湊bb, 冇理由一個月用咁分鐘, 實係成日講電話不理bb; 轉用固網電話(一定不可給她用無線的)後, 重要收番買比佢的手機, 我亦都會同佢講: 如果你真係好鐘意傾電話, 我就送你回印尼等你慢慢傾.
好多時工人會得一想二, 千萬不要就佢, 因為變壞左好難會變番好的.
私人傳訊

kittybuzz


子爵府

積分: 10010


10#
發表於 04-8-23 14:06 |只看該作者

Re: 比著你係我會點做呢?

你呢個point 真係絕呀! 好野!

不過我想問, 如果佢夜晚(11pm 之後send sms 呢比佢d fd 呢)? 因為佢同我個小朋友訓架? 你地又會比唔比呀?
[quote]
PINKAVA 寫道:
2. 我按個report 既 list (我show埋份report 既電話號碼比工人睇) 打比你咁多個工人朋友既太太, 問佢地係咪請個工人來香港打電話唔使做, 如果對方太太都同意你地班朋友係唔使做既, 咪以後你地打電話啦! 講完呢個point, 嚇死我個工人, 因為佢擔心黑累埋朋友, 以後都無再煲粥
多謝am 幫我搵個好英o既buzz 呀! 特此鳴謝!!!
私人傳訊

ballpen


大宅

積分: 2119


11#
發表於 04-8-23 14:51 |只看該作者

Re: 比著你係我會點做呢?

kittybuzz,

要同小朋友訓嘅工人,理應唔畀佢鎖門的,所以你要經常半夜三更走入去,睇吓個小朋友,同埋睇吓個工人會唔會唔訓覺,掛住用電話,如有發現就一定要炳,因為當佢哋日頭瞌眼訓時,佢哋一定唔會話自己夜晚掛住傾電話唔訓覺,佢哋一定會話你有好多嘢畀佢做,又要湊小孩,無得訓覺,所以無精神,因此絕不能容許個工人在利用訓覺時間掛住用電話.
私人傳訊

sammili


大宅

積分: 3841

好媽媽勳章


12#
發表於 04-8-23 15:02 |只看該作者

Re: 比著你係我會點做呢?

我就係諗就算申請固網電話佢都係一樣傾,不過我係全職mama,好多時都在屋企,見佢有時bb訓晏覺時會傾,不過一見我入房睇bb就收線,同埋夜晚bb訓左時會傾,但有時我出左街就一定勁傾,頭先佢又叫我同佢轉plan,我話你成日傾咁多電話唔理bb,佢話:唔會la太太,我係夜晚做完野先傾。跟住我冇出聲,我諗住同佢講話先生唔比,唔鍾意佢傾電話,因佢較怕先生,唔係太怕我。
私人傳訊

ballpen


大宅

積分: 2119


13#
發表於 04-8-23 15:09 |只看該作者

Re: 比著你係我會點做呢?

sammili,

你唔應該同個工人升plan架,你應該由始至終都出張有面值嘅電話咭畀佢,仲要聲明張咭只可以用來打畀你,或者你打畀佢,不可以畀佢私用,張咭仲要用完後,就出過第二張,即唔同電話號碼.

依家我都覺得你已寵壞左你個工人了,你一於check record啦,睇吓嚇唔嚇到佢,如果佢已經膽生毛嘅,就炒左佢啦,無謂畀佢喺度教壞其他工人.
私人傳訊

birdbird


水晶宮

積分: 61335


14#
發表於 04-8-23 15:42 |只看該作者

Re: 比著你係我會點做呢?

Sammili,

我同好多媽咪ge睇法一樣, 你真係唔應該幫個工人upgrade 個plan 架. 個工人同你講唔會在日頭打, 真係唔好信呀, 邊個人肯話比老闆聽自己一有空檔, 就吞pork 架. 你都係
(1) stop o左個plan, 轉番一張有面值ge card or low usage plan (你比錢, 唔好再由得個工人比),
(2) 申請埋個call records,
(3) 你講明部手機係for 你 call 佢, 佢唔應該用黎打私人電話, 要打, 就要問過你.
(4) 部手機就擺o係大家都見到ge地方, 個工人冇得拎入房勁煲同勁send sms.

個工人只係黎o左幾個月, 你要楂緊d呀. 太鬆, 第2時就唔係電話一樣o野你要煩, 陸續有黎呀
私人傳訊

mcdullyiu


珍珠宮

積分: 41474

2025勳章 2025勳章蛇年勳章 醒目開學勳章 畀面勳章 環保接龍勳章 BK猜猜猜慶中秋 親子王國15週年勳章


15#
發表於 04-8-23 16:14 |只看該作者

Re: 比著你係我會點做呢?

sammili,
我都覺得你應出張電話卡比她,剩係可以打比你和你打比她,
你要每次查下用左幾多分鐘！
另收番她個電話,只係你出街時先比她,你一回家就要收返,咁她夜晚就無得煲粥！你係全職媽媽,相信都好多時會在家看住她！

如果她唔肯的話就話她可以選擇在香港做工定係番屋企煲粥！

你仲要話對她的工作態度好失望,今次收番個電話希望她有改善,唔係的話就唔駛係你到打工！

工人的野好衰,得一就想二！你要小心！
此生無悔入華廈，來生願在種花家！
私人傳訊

Ansonbaby


大宅

積分: 1107


16#
發表於 04-8-23 18:49 |只看該作者

Re: 比著你係我會點做呢?


我覺得點樣限制個工人講電話都係其次, 最重要係响佢冇電話講而又得佢同細bb响屋企時, 會不會將啲不滿發洩响bb身上.

因為之前你已比佢講咁多電話, 一旦唔比佢講, 可能會覺得你這個mom唔好, 佢就又冇心機做野同對你bb唔好.

我之前個工人又係成日講電話, 我响屋企固網電話check番啲電話numbers, 同佢講若佢再响我哋返哂工時講電話, 我會跟啲電話打番比佢啲friend嘅主人. 佢當然話唔再講啦, 但之后多咗啲不知名的手機numbers, 問她就話打錯電話, 最終比我知道佢對bb唔好就炒了她.

所以若果真的太難搞, 都係親早換個工人.
私人傳訊

sammili


大宅

積分: 3841

好媽媽勳章


17#
發表於 04-8-24 01:24 |只看該作者

Re: 比著你係我會點做呢?

之前我出$出張低用量card比佢,佢話唔夠用,之後話自己出$,想出高用量d,咁我覺得都ok,我屋企冇電話,佢一個月先放一日假,平時我都唔比佢落街,好似與世隔絕咁,所以先出比佢,但我今次決定唔會同佢轉plan,聽日取張詳細電話費單,再照o下佢肺,因為肯定好多call都係日頭打,其實我d friend個個都話做我工人好嘆,不過佢算湊我d仔女幾好,唯一唔好就係鍾意煲粥同埋佢直頭係一個電視迷,我晏晝起身佢一定係抱住bb睇緊電視,夜晚我睇莫探員時,仲笑得大聲過我,又成日問我d劇情點解咁點解咁,煩到死,又唔知點話佢好,因佢呢d時間通常已洗哂碗,做哂野,話佢又怕佢對bb唔好...
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見