其他親子社群 今日: 0 | 主題: 1218

積分: 3489

1^#

發表於 07-10-14 22:44 |只看該作者 |倒序瀏覽 |打印

唔知道大家鐘唔鐘意去冒險樂園玩呢? 我以前拍拖會去另一間執左既'XX天地'玩,不過之後就越來越少去,但自從囡囡一歲後,我每次經過冒險樂園門口,囡囡都要拖我入去,就算唔玩,行下睇下都好,佢見到D哥哥姐姐玩,已經開心到又叫又笑.

去得多左我覺得悶悶地於是又開始換少少錢玩,點知我一開始玩掉金幣'彩虹',就中左綠色(二獎) 跟住又再換多D錢玩,見到入會有金幣優惠又有其他優惠卷,就入左會,之後每個星期都有買金幣優惠,我就忍唔到手,越買越多幣,越玩越耐,一發不可收拾,雖然我知道'蠃粒糖,輸間廠'的道理,不過當局者迷,所以每次玩的時候,見到差少少就中,又忍唔住再'入錢',唉!...好在囡囡暫時只識入錢,唔識玩,所以正好俾佢入錢,然後由我控制點玩.

我想大家分享下玩game既心得,最勁鸁過D乜野禮物,最新有乜'積分禮物'扺換? 交換下'小禮物'咁,我有D小禮物可以交換或出售,歡迎有興趣既靚媽去睇下相

按此睇相--->http://hk.f2.page.auctions.yahoo.com/hk/auction/b6834275?u=gillianchanlee

0 0 0

私人傳訊

積分: 3489

2^#

發表於 07-10-16 23:12 |只看該作者

好開心呀!

今日我又去玩拋彩虹,第一個拋出既金幣已經中左’綠色二獎’,本來大部份人都會揀要’票’,不過我都唔知要D飛換乜野好,(只夠換隻膠杯) 而且今日D公仔好靚呀!我見囡囡咁鐘意'安安佳佳',所以換左隻’熊貓女’俾囡囡,不過睇睇下又好似另一隻靚D,於是換左另一隻’粉紅色豬頭魚身’既公仔,真係好得意架!我囡囡都好鐘意,之後我再拋左十幾廿個,中左四次’紅色細獎’,拎左幾張 ‘20票’既飛,因為我唔想換零食俾囡囡,跟住我拋埋最後3個,竟然又俾我中多左一次’綠色二獎’,嘩!D’觀眾’都讚我:勁呀! 今次我換番隻’熊貓女’俾囡囡,咁就可以一人一隻喇!

下次有機會俾D公仔相大家睇下喇!

希望大家都可以分享下玩game既心得,你地最勁鸁過D乜野禮物呀?最近有乜'積分禮物'扺換? 我地可以交換下D'小禮物',我有D小禮物可以交換或出售,歡迎有興趣既靚媽去睇下相

按此睇相--->http://hk.f2.page.auctions.yahoo.com/hk/auction/b6834275?u=gillianchanlee

私人傳訊

積分: 3489

3^#

發表於 08-8-25 23:37 |只看該作者

前排我又帶囡囡去'樂園'玩,到最後見玩淨兩個幣,見到'升降台'有隻美妮公仔幾靚,咪隨手入左玩下囉!諗住無咁易中,因為之前都玩過幾次,升完兩,三格,最後又會降番一,兩格,好難升到'五格'拎到禮物,點知一按已經升兩格,再按又升兩格,第三下按仲勁,有三格呀!立即仲左個公仔,囡囡同我勁開心呀!

之後都會留番6個去玩下,試下運氣,都再仲多兩次,但最近我發玩'樂園'既遊戲加晒價,'升降台'由2個加到3個幣,連'推小玩具'既機都由 6個加到8個幣,嘩!小數怕長計,要贏到想要既禮物真係越來越難lu.

不如大家分享下,各分店有冇好玩既新game,有乜野靚靚禮物丫?
我去過幾次旺角火車站'新世紀',見到'掉彩虹'既藍色既大奬好靚架!係中型既迪士尼既公仔,米奇,美妮,維尼,史迪仔,綠色既二奬都有細既胡迪,巴斯光年....靚過其他分店既'不知名'既公仔好多,就算中唔到,囡囡都睇下都開心

私人傳訊

積分: 12333

好媽媽勳章

4^#

發表於 08-9-1 16:05 |只看該作者

提示: 作者被禁止或刪除內容自動屏蔽

私人傳訊

積分: 16277

好媽媽勳章

5^#

發表於 08-9-2 17:05 |只看該作者

我最近都少去左好多咯~
因大囡細囝學校都好多活動, 好多時兩間學校d 活動都撞晒期(幸好唔同時間), 所以都無時間去玩.
不過, 佢地搞左個好學生計劃, 我都覺得幾好. 不過有d 分店既staff 就唔係好想做, 成日呢樣reject, 個樣reject. 搞到好無癮

私人傳訊

積分: 3489

6^#

發表於 08-9-2 23:18 |只看該作者

happy168~

好多謝你回覆我呀! 我終於唔駛好似傻婆咁自問自答

多謝你讚我犀利呀!我之前都好少去玩架!係囡囡兩歲時先'入會',尼年半,大約中過兩次'藍色',十二次'綠色'彩虹,(因為我每次都係換公仔,所以一數就數到

) 每次大約去玩 $50-$100,最多一星期一次,因為每星期都有 $50- 五十幾個幣既優惠券嘛!咪帶囡囡去坐下車仔/動物仔,玩下'升降台',睇下好唔好彩中個公仔/玩具,到最後餘下廿個左右就去'掉下彩虹,一碰下運氣,好過玩其他game,總係差少少先'中奬',越玩越多幣,但通常'追'多一百幾十都無奬,所以我每次都係一次過拎晒五十幾個出黎,要自己玩晒手上既就走,唔會再買,如果唔係,多多都唔夠玩呀!

嘩!你仲勁喇!起碼玩 $500先走?咁你鐘意玩d乜架?有乜特別既奬品呢? 你個小朋友幾大喇? 到時一齊去玩,你要睇住佢,就冇得俾你玩得咁開心喇!我囡囡每個星期去都勁興奮,要拖我四圍去,唔肯俾我自己坐低玩架!

原文章由 happy168 於 08-9-1 16:05 發表
嘩.......你都好犀利喎, 我未生時同老公都成日去玩架, 宜家就少咗好多, 但如果一去親就起碼HK$500先走得

私人傳訊

積分: 12333

好媽媽勳章

7^#

發表於 08-9-3 17:36 |只看該作者

提示: 作者被禁止或刪除內容自動屏蔽

私人傳訊

積分: 12333

好媽媽勳章

8^#

發表於 08-9-3 17:39 |只看該作者

提示: 作者被禁止或刪除內容自動屏蔽

私人傳訊

積分: 3489

9^#

發表於 08-9-4 09:30 |只看該作者

hi! Doraemon_ng~

差d漏左覆你添!果日留完言俾 happy168~ 之後,想再留俾你,就自動關晒所有'bk',嚇死我呀!第一次咁咋!所以冇留言俾你囉!而家補番呀吓!

好多謝你回覆我呀!有理你入黎傾計就好喇!唔駛傻婆我自問自答,你係咪會去藍田果間玩呀?有機會約埋去玩下丫!

我去親老公鋪頭,都會順便帶囡囡去玩下,雖然間鋪細細地,不過唔會太多人,而且夠晒光,唔似得其他鋪,又黑又嘈,仲勁多人,一個唔覺轉個身,連小朋友都唔見埋,有排搵

我知有'好學生計劃'不過冇參加呀!覺得囡囡唔夠醒,而且我估應該唔會咁易拎到奬囉!廢事煩喇! 咁你兩個小朋友最後有冇報名呀?

你有兩個係辛苦d架喇!我得一個已經覺得'夠晒數',我諗你除左返工時間之外,一返到屋企d時間一定俾晒佢地喇!學校活動通常都係媽咪參加同幫手,所以如果撞期,你真係要分身先得喇! 咁你老公會唔會參與小朋友既學校活動架? 我老公就冇乜理喇!係去過一次'親子旅行'咁大把!

sorry呀! happy168~ 我要去街喇!今晚再同你傾過喇! cu~

原文章由 Doraemon_ng 於 08-9-2 17:05 發表
我最近都少去左好多咯~
因大囡細囝學校都好多活動, 好多時兩間學校d 活動都撞晒期(幸好唔同時間), 所以都無時間去玩.
不過, 佢地搞左個好學生計劃, 我都覺得幾好. 不過有d 分店既staff 就唔係好想做, 成日呢樣reject ...

[ 本文章最後由 gillianchan 於 08-9-4 09:32 編輯 ]

私人傳訊

積分: 3489

10^#

發表於 08-9-4 22:52 |只看該作者

hi! happy168~

我覺得入錢既'AAA',好似好難中,而且跌既幣又唔多,所以我寧願玩'火車',不過唔係次次都會玩,有時經過見到d 著左4個燈既,就會玩下,希望中多兩個燈,火車到站跌多d幣落黎

通常玩一百個都可以有成千張票架!

囡囡好鐘意睇一個'魔女遊戲' (有兩個女主角,可以儲咭,換衫裙鞋) 不過佢咁細我估佢唔識玩,所以冇俾錢佢玩呀!好在佢又唔會扭計,所以當佢見到'彩虹'有得意既新公仔,咪會玩二,三十個睇下運氣,玩晒就走,好多時都有d'黃色'既細公仔既,間中都會中到'綠色',有兩次仲試過同一日中兩次綠色添! 囡囡同我都勁開心,佢會一次過抱住兩個公仔行來行去,其他玩客都會發出羨慕既目光,仲讚我好勁添!

不過更多既時候係'交學費'送錢俾佢地駛喇!

我通常去將軍澳中心,藍田,九龍灣淘大分店玩,你呢? 去開邊間玩呀?時間夾到一齊去都好喎!我囡囡最鐘意同'哥哥'玩架喇!

原文章由 happy168 於 08-9-3 17:39 發表
唔好客氣, 大家交流吓咋
我彩虹好咋, 玩好多次可能先會中一次紅色"細"獎
我以前就成日玩"AAA", 生咗仔後多數陪仔玩, 玩親"AAA"就真係不斷咁入錢, 所以先會成日玩咁多錢
你通常去邊間玩架? 我哋如果啱時間/地點 join ...

私人傳訊

積分: 12333

好媽媽勳章

11^#

發表於 08-9-5 21:34 |只看該作者

提示: 作者被禁止或刪除內容自動屏蔽

私人傳訊

積分: 16277

好媽媽勳章

12^#

發表於 08-9-10 13:14 |只看該作者

原文章由 happy168 於 08-9-3 17:36 發表
好學生計劃係咩黎架?
點 join?

SORRY, 我都好耐無上來呢度...
好學生係奬D 金幣俾D 有進步既學生.
係分店到攞張FORM, 同埋小朋友既成績表去就得咯~

私人傳訊

積分: 16277

好媽媽勳章

13^#

發表於 08-9-10 13:26 |只看該作者

原文章由 gillianchan 於 08-9-4 09:30 發表
hi! Doraemon_ng~

差d漏左覆你添!果日留完言俾 happy168~ 之後,想再留俾你,就自動關晒所有'bk',嚇死我呀!第一次咁咋!所以冇留言俾你囉!而家補番呀吓!

好多謝你回覆我呀!有理你入黎傾計就好喇!唔駛傻婆我 ...

最後我係打去投訴之後,個位好好先生叫我攞去指定個間分店度報名參加, 最後唔得閒去, 所以無CHECK 度.

我最初去問屯門個間分店時, 佢話要有分數來計進步奬, 又話要有操行分(即A,BCD等), 又話要有出席率......, 仲話幼稚園暨幼兒園唔等於幼稚園喎!

但你知啦!而家幼稚園教署規定左, 攞學券個D , 係無分數麻~ 至於操行, 以文字來表達, 咁啱我呢間學校係無計出席率的. 咁佢地咪樣樣REJECT我咯~
我最後仲問呢間分店既人話: 如果小朋友已經係上學期係考第一, 科科滿分, 咁下學期, 成績同上學期一樣的話, 咁咪即係無進步, 係咪無得攞進步奬? 點知佢話: 係 (簡直離譜

)

之後我咪打去投訴佢咯~ 個位先生好好人, 佢話, 小朋友已經考第一, 仲要考咩名次? KEEP住第一名, 已經係好叻啦~ 咁仲唔係好學生??? 之後佢仲答左我好多問題, 又叫我去另一間近我公司既分店度交表.... 真係好多謝佢.

其實兩個小朋友, 真係好忙架~ 大囡K2, 細囝育嬰院大組. 兩間學校既活動, 好多時撞埋同一日, 好彩有時時間唔同.但變左要走兩場, 都好辛苦架~

我老公都有參與學校活動, 有時佢得閒, 都會跟我返學校幫下手, 做下義工tim. 其實咁都好架! 可以俾小朋友知, 父母係同佢地一樣, 都要返學. 亦要主動咁幫人.....

私人傳訊

積分: 3489

14^#

發表於 08-9-24 23:41 |只看該作者

好開心呀!星期六去左'掉彩虹',用左三十個左右,己經俾我仲左4次紅色細奬,一次'過三關' (有八百張票), 最後仲埋大奬藍色添!

平時我會揀要'公仔'架!因為覺得抵d,不過果日d公仔唔係好靚,而且之後仲要同囡囡去街,唔想拎住公仔四圍走,所以揀左要1500張票囉!三十幾蚊就有二千幾張票,係我既'最佳紀錄'呀!

happy!

hi! Doraemon_ng~

雖然係麻煩少少,但你投訴完,有位好好先生,叫你去另一間交表.咁都算成功丫!我囡囡學校都係'乜野'都冇列係成績表,所以我都怕煩,過左期都冇去交表!

你仔仔真係幾叻喎!等我都讚下佢先,希望佢可以keep住咁叻仔喇!

你老公都有參與學校活動,得閒跟你返學校幫下手,仲肯做下義工tim.真係好難得喎! 你講得o岩呀!家長參與學校既活動,小朋友同父母既關係都會好d!

原文章由 Doraemon_ng 於 08-9-10 13:26 發表

最後我係打去投訴之後,個位好好先生叫我攞去指定個間分店度報名參加, 最後唔得閒去, 所以無CHECK 度.

我最初去問屯門個間分店時, 佢話要有分數來計進步奬, 又話要有操行分(即A,BCD等), 又話要有出席率......, 仲 ...

私人傳訊

積分: 16277

好媽媽勳章

15^#

發表於 08-10-2 11:44 |只看該作者

原文章由 gillianchan 於 08-9-24 23:41 發表
好開心呀!星期六去左'掉彩虹',用左三十個左右,己經俾我仲左4次紅色細奬,一次'過三關' (有八百張票), 最後仲埋大奬藍色添! 平時我會揀要'公仔'架!因為覺得抵d,不過果日d公仔唔係好靚,而且之後仲要同囡囡去街 ...

好叻喎! 我以前都好鍾意玩 '掉彩虹'. 但後來, 發現自己次次都唔中, 就無玩咯~

叻個個係大囡, 佢而家雖然k2, 但已學緊小學既課程. 而細囝最叻, 係蛤家姐. 佢恃住家姐錫佢, 就咩都搶家姐既野. 不過最近好好多咯. 少左搶家姐野.

呢排都好唔得閒, 都無去個度玩好耐咯~

私人傳訊

積分: 3489

16^#

發表於 08-10-11 22:44 |只看該作者

多謝你讚賞! 我都唔算叻,只係好彩o者!我每次都係最多掉廿幾三十個,玩完就算,覺得咁樣仲好,唔駛好似玩其他機咁,見到差d'中奬'又忍唔住買多一百幾十個幣去玩,我只係當試下果日好唔好運?始終 '掉彩虹'都係運氣緊要過'技術'.

好似前日放假,我地一家三日去玩,平時我老公玩極都唔中,掉二三十個都可以連紅色獎都冇個,但今次佢用左十個幣左右,佢就中左兩次綠色二奬

(換左2個公仔) 而我就用十幾個幣,中左2次紅色,一次黃色三奬(細公仔),終於俾佢威番次

你大囡而家k2,但已學緊小學既課程.咁勁?真係好叻喎!咁你平時點教佢架? 好細個開始教? 有冇用乜野教材輔助? 咁佢咪科科一百分? 佢學校有冇分'名次'架?你覺覺佢邊科最叻呢? 會唔會係'資優生'呀? 帶佢去check下 IQ,EQ....好喎!

你細囝最叻,恰家姐. 咁都代表佢聰明丫!諗到點恰家姐,咁細個就知邊個錫佢,相信佢大小小一定會錫番家姐既.係一對感情好好既姐弟

我都幾忙架!不過平日係阿媽幫我湊囡囡,我少見佢,'公公婆婆'又唔會帶佢去玩,我咪盡量每星期帶佢去玩一次,順便用埋每星期'$50- 52個幣'既優惠券囉! 如果再玩多d錢既話,真係冇錢開飯喇!

mouth:

原文章由 Doraemon_ng 於 08-10-2 11:44 發表

好叻喎! 我以前都好鍾意玩 '掉彩虹'. 但後來, 發現自己次次都唔中, 就無玩咯~

叻個個係大囡, 佢而家雖然k2, 但已學緊小學既課程. 而細囝最叻, 係蛤家姐. 佢恃住家姐錫佢, 就咩都搶家姐既野. 不過最近好好多咯. 少 ...

私人傳訊

積分: 3489

17^#

發表於 08-10-31 22:42 |只看該作者

我今日去藍田分店玩,見到'掉彩虹',送既藍色大奬係一系列迪士尼既萬聖節公仔,有米奇,美妮,維尼,史迪仔....全部都魔鬼打扮好靚好得意架! 可惜我同老公玩左$50都冇個掉得近,得兩份'紅色細奬',同兩份'黃色二奬'咋! 最後又係順囡囡意,換左兩包'脆卜卜'(零食) 同兩個細公仔,因為覺得拎 240票冇乜用,都係俾囡囡拎實物好d

上個星期去玩,就好d, $50 中左4隻'黃色奬',剛剛好有一套4隻萬聖節細公仔(南瓜,鬼鬼,木乃伊,蝙蝠) 都幾得意架!

私人傳訊

積分: 16277

好媽媽勳章

18^#

發表於 08-11-3 17:49 |只看該作者

原文章由 gillianchan 於 08-10-11 22:44 發表
多謝你讚賞! 我都唔算叻,只係好彩o者!我每次都係最多掉廿幾三十個,玩完就算,覺得咁樣仲好,唔駛好似玩其他機咁,見到差d'中奬'又忍唔住買多一百幾十個幣去玩,我只係當試下果日好唔好運?始終 '掉彩虹'都係運氣緊要過'技 ...

其實大囡係佢一歲八個月時, 去參觀個bk 搞既bb展後, 佢自己同嫲嫲四圍行, 四圍試d 教材, 俾佢搵到個啱佢心水的. 就係咁, 買左套english time 俾佢用.
so far 咁耐, 佢都好自律, 自己攞出來學. 我當初都無諗住迫佢d 咩. 只係諗住俾佢習慣, 要每日溫學校d 書. 所以由n1開始, 我食完飯都會同佢溫一溫, 到佢k1開始, 便教她寫字等. 而家k2, 咁梗係教d 深d 啦~

細囝佢真係好叻, 佢咩都收埋落個心到, 好多英文都識, 只係佢想講時, 就會俾個驚喜你. 其實佢都好錫個家姐. 只係有得俾佢蛤, 佢就蛤啫~

私人傳訊

積分: 16277

好媽媽勳章

19^#

發表於 08-11-3 17:50 |只看該作者

原文章由 gillianchan 於 08-10-31 22:42 發表
我今日去藍田分店玩,見到'掉彩虹',送既藍色大奬係一系列迪士尼既萬聖節公仔,有米奇,美妮,維尼,史迪仔....全部都魔鬼打扮好靚好得意架! 可惜我同老公玩左$50都冇個掉得近,得兩份'紅色細奬',同兩份'黃色二奬'咋! 最後 ...

你好叻啦~成日都中奬．．．．

私人傳訊