夫婦情感 今日: 0 | 主題: 42799

積分: 161

1^#

發表於 04-8-18 16:03 |只看該作者

我好唔開心,我朋友做了別人家庭第三者.

今日,從我好朋友口中,得知佢她做了人地家庭的第三者.
平時,佢幾任性我都唔會話佢,但今次,佢同一個有婦之夫搭上.
我朋友其實失戀好多次,佢話已經對感情絕望.唔會再奢望可以得到一份真摰的感情.
她和這個人一起,只是想玩玩而已,但對方家庭已經有一個6個月的bb.
其實她是認識他太太.但不喜歡他太太為人.
我朋友說不會放感情於這男人身上.但我太認識我朋友,她會不自覺地投入,最後只會受傷.
況且,她好可能會破壞別人家庭,自我價值更加降低.而且,佢有嚴重憂鬱症.

我已經話過佢,請問有沒有一些辨法令她回頭是岸.
Thanks.

私人傳訊

SUSANNA

伯爵府

積分: 17464

好媽媽勳章 BK Milk勳章

2^#

發表於 04-8-18 16:45 |只看該作者

Re: 我好唔開心,我朋友做了別人家庭第三者.

叫佢找社工或心理醫生求助吧, 否則害了兩個家庭.

私人傳訊

maggiechow

積分: 2616

3^#

發表於 04-8-18 17:07 |只看該作者

Re: 我好唔開心,我朋友做了別人家庭第三者.

我個波友都你第三者，仲要攪大左個肚，別人玩火，你只可以觀戰，其實都你玩者自負啦！唉。

仔仔06-12-2003出世

私人傳訊

maxims

積分: 2707

4^#

發表於 04-8-18 17:16 |只看該作者

Re: 我好唔開心,我朋友做了別人家庭第三者.

介紹另外一個男人比佢,要好過le個.

私人傳訊

ClementBB

積分: 154

5^#

發表於 04-8-18 18:11 |只看該作者

Re: 我好唔開心,我朋友做了別人家庭第三者.

點解佢太太0岩0岩同佢生左個BB都仲要出去攪3攪4?
係咪個個男人都係咁?唔安於現狀? :-( :-( :-(

私人傳訊

愚人

積分: 161

6^#

發表於 04-8-18 19:05 |只看該作者

Re: 我好唔開心,我朋友做了別人家庭第三者.

我朋友話呢個男人因為攪大左佢老婆個肚,先同佢結婚.
個男人都好衰. 好唔負責任.

我好唔想我個朋友再一次受傷,所以好擔心.
我更加唔想佢攪到人地變單親家庭,好無陰功 :cry:

私人傳訊

積分: 87514

7^#

發表於 04-8-18 19:14 |只看該作者

Re: 我好唔開心,我朋友做了別人家庭第三者.

我個case同你差唔多,都係我最好的朋友做左人第2者,但唔同的係佢個bf未結婚,但有一個拍左6/7拖的半同居gf,其實,我朋友同個個男人一齊個段日子,佢一d都唔好受,但我係絕對唔會因為佢係我的好朋友,我就對第3者改觀,我始終覺得做人第3者係好唔要得的行為~~~
但起碼我比以前清楚左個d第3者的心態,我朋友初初都只係話唔會破壞人地,甘心比佢bf用黎攝時間,當佢無約會佢gf時,先至會約會我朋友,而且,我覺得我朋友同呢個男仔一齊好委屈,我朋友一定要知道佢bf無約會佢gf先可以打電話比個男仔,馮節日都一定唔會有bf陪,因為佢bf一定會同佢gf一齊度過,而且好多時星期六/日,我朋友都會留係屋企,等佢bf好夜的時候先約佢,當佢bf個gf懷疑佢地時,就直情唔可以見面添,其實,聽落好似好可憐咁,但我覺得呢d都係佢自己攞黎既,漸漸日子耐左,我朋友個bf向佢提出要雙方冷靜的要求,因為佢gf已經起左疑心,盡量少見面少通電話,我朋友就開始唔服氣,仲係我面前大鬧佢bf個gf,又話佢咁鍾意霸住個bf,仲話好有衝動想打比個女仔,等佢地散,破壞佢地~~~
雖然我朋友始終都無咁做,但可以睇到做人第3者的一方係初初開始時同耐左之後個心態的確會轉變好大,開始時佢地可能真係無諗過破壞人地,只係諗住有時間就陪下我咁的心態,但日子耐左佢地就會唔甘心~~~

私人傳訊

積分: 87514

8^#

發表於 04-8-18 19:32 |只看該作者

Re: 我好唔開心,我朋友做了別人家庭第三者.

我表哥係好多年前又係搞婚下情 :evil:
聽我媽咪講搞到我表哥離婚個個第3者,係識得我表嫂既,仲有出席我表哥同表嫂個婚禮添,佢初初同我表哥一齊的時候,佢只係要求我表哥每個星期同佢食一餐飯已經足夠,咁男人聽落實會覺得呢個女人好抵鍚,唔痴身,又唔會比手尾佢,叫佢黎就黎,叫佢走就走,而有需要的時候咪揾下佢囉,呢d就係男人咁鍾意個d第3者的心態,亦係個d第3者的手段~~~
當然日子耐左,個d第3者就會越採越過架喇,最後比我表嫂知道左,搞到要離婚,其實,唔係我表哥要求離婚,係我表嫂要求既,終於,我表哥仲娶埋個隻狐狸精添,仲生左兩個女女,但我姨媽就非常唔like佢,一黎覺得佢係第3者,二黎佢之前好識扮野,係我表哥面前扮哂野咁,原來佢係一個好攻心計的女人,後來仲搞到我表哥同我姨媽鬧大交,仲搞到佢地斷絕來往添呀,依架已經無聯絡好耐喇,我姨媽傷心左幾耐呀,總之就恐佈喇!!!
所以我成日都話做人第3者個d賤精小心修尾個兩年呀

私人傳訊

crystaltochan

積分: 6296

9^#

發表於 04-8-18 20:40 |只看該作者

Re: 我好唔開心,我朋友做了別人家庭第三者.

嘻嘻..小manman點解你身邊d人咁多呢d野?..講笑.

http://tn5.cn3.yahoo.com/image/3f7/b41fbbff9e4a8ee75e.jpeg

私人傳訊

積分: 87514

10^#

發表於 04-8-18 20:45 |只看該作者

Re: 我好唔開心,我朋友做了別人家庭第三者.

crystaltochan 寫道:
嘻嘻..小manman點解你身邊d人咁多呢d野?..講笑.

我都唔知點解呀 ?-( ?-( ?-(

私人傳訊

xixi1218

別墅

積分: 705

11^#

發表於 04-8-18 21:34 |只看該作者

Re: 我好唔開心,我朋友做了別人家庭第三者.

當自己是人地老婆時，就會覺得第三者是很要不得的行爲，當自己是有老公有仔時，就覺得第三者是好衰！！不過我們作女人的，又不能不信任對方，因爲這樣，作男人的反而會更叛逆！ :wink: :wink:

私人傳訊

大頭蝦

積分: 7342

12^#

發表於 04-8-18 21:50 |只看該作者

Re: 我好唔開心,我朋友做了別人家庭第三者.

crystaltochan >> 其實未必係小 manman 身邊多人敢樣, 只係佢知道得多 D, 因為有 D 人做第三者係唔會話比人知的

我都識得有個朋友, 佢又係第三者, 但係佢係不知情的, 開頭識果個男人時, 佢話佢自己沒有女朋友沒有老婆, 但係同我個 FRIEND 行左一個月多 D, 我個朋友開始懷疑佢係結左婚或者有同人同居的, 因為佢晚晚都要在 12:00 前交人, 又成日神神秘秘敢傾電話, 後來我個 FRIEND 問佢, 敢個男人就認左, 話自己已結婚, 原來係因為個老公大左肚, 所以佢出來搞搞震, 之但係又話係真心鍾意我個 FRIEND, 唔係只係想同佢上床....結果佢地拖拖拉拉左一兩個月, 我個 FRIEND 堅決話要分手, 因為佢唔想傷害個男人果個大住肚的老婆同埋即將出世的 BB...

點知一分左手無耐, 佢就發現自己有左, 開頭諗住落, 日子都約好埋連 book 手術室的 deposit 都比埋醫生, 跟住好衰唔衰轉轉接接敢比個男人知道左, 佢就去求佢, 真係當街當巷 "柜" 係度求我個 FRIEND, 叫佢唔好敢做, 話會認頭, 真心鍾意我個 FRIEND, 唉, 結果係點, 我諗大家都估到啦, 咪係個男人金屋藏嬌, 租左間屋比我個 FRIEND 住等生囉, 到宜家, 我個 FRIEND 個女已經接近 4YRS 了, 個男人都係每晚上去佢度食飯, 供給晒日常需要比我個 FRIEND 同個女, 我個 FRIEND 仲沒有出去做野, 但係每一晚都係得我個 FRIEND 同個女一齊訓, 佢從來一晚都未試過在我個 FRIEND 間屋度過夜, 大時大節就更加係 no show 啦, 可以話係佢自己 "羅" 來的, 唔抵可憐, 但係另一方面, 我覺得佢地大家都好長情 !

<div><a target=_blank href=http://www.pregnology.com/pregnancy/02/14/2012><img border=0 width=450 height=185 src='http://www.pregnology.com/preggoticker2/FF00CC/330000/My%20pregnancy/02/14/2012.png' alt='Pregnancy%20ticker'></a><br><a style=font-

私人傳訊

minna12

積分: 2583

13^#

發表於 04-8-18 23:37 |只看該作者

Re: 我好唔開心,我朋友做了別人家庭第三者.

xixi1218 寫道:
當自己是人地老婆時，就會覺得第三者是很要不得的行爲，當自己是有老公有仔時，就覺得第三者是好衰！！不過我們作女人的，又不能不信任對方，因爲這樣，作男人的反而會更叛逆！ :wink: :wink:

ｍｅ too :-x

私人傳訊

crystaltochan

積分: 6296

14^#

發表於 04-8-19 11:01 |只看該作者

Re: 我好唔開心,我朋友做了別人家庭第三者.

大頭蝦[可以話係佢自己 "羅" 來的, 唔抵可憐, 但係另一方面, 我覺得佢地大家都好長情 !]

所以唔係話幫住第三者,有時兩個人之間的感情,在旁人的角度來睇真係好難明.

http://tn5.cn3.yahoo.com/image/3f7/b41fbbff9e4a8ee75e.jpeg

私人傳訊

積分: 87514

15^#

發表於 04-8-19 18:42 |只看該作者

Re: 我好唔開心,我朋友做了別人家庭第三者.

大頭蝦:
我覺得你個fd好似好可憐,就好似我個fd咁,我個fd初初都唔知佢有gf架,又係拍左1/2個月我個fd就懷疑,咁問個男仔,個男仔咪認囉,但我個fd比你個fd好彩,就係我個fd無有左,但一方面我又覺得佢地好衰,始終點講佢地都係第3者,破壞人地,當然個男人就更衰更賤喇,呃女仔話自己無老婆無女朋友,擺明氹女仔落搭

咁其實你個fd咁樣就一世架喇喎,成世做一個唔見得光的女人,值得咩???過時過節最難忘又最想同自己鍾意的人一齊度過的日子,就要將自己鍾意的人拱手讓人,而自己又唔出得聲,咁的日子比我人都癲呀!!!每一晚一諗起自己心愛的人同另一個女人訓埋一齊,而自己就要孤伶伶咁,呢種感覺真係好似心如刀割咁,你個fd甘心咁樣就一世咩???
我都明白感情的野有時真係好難用平常人的角度去睇,愛得對方有幾深就只有佢地自己先知,一開始左就好難離開,但一世做一個唔見得光的女人,永遠都無人知道佢的存在,諗到呢d野就真係好登你個fd可憐,只能夠嘆句"佢遇人不淑"~~~

私人傳訊

大頭蝦

積分: 7342

16^#

發表於 04-8-20 01:37 |只看該作者

Re: 我好唔開心,我朋友做了別人家庭第三者.

小 manman >> 你講得好岩, 佢真係好令到我好替佢擔心 ! 我成日都好想去邊都預埋佢地兩母女, 可是, 我成日預早約佢, 佢跟本就應承唔到我, 因為佢要等果個男人安排, 假若個男人個老婆和仔仔咁岩星期日有節目, 敢個男人就可以鼠去我個 friend 度, 唉, 呢 D 生活, 我 100% 知道我自己係唔可以接受, 或者我愛到呢個地步, 所以我講得咁實牙實齒, 也許到發生在我身上, 我就唔會咁 sure....我真係唔知點講佢地好....係, 我個 friend 就敢就一世, 但係, 呢條路係佢自己揀的, 我反而覺得真正慘果個係我個 friend 個女, 佢冇得揀 ! 但係就要跟埋亞媽一齊痛苦, 有老豆等於冇老豆....

就好似有一次佢地個女女發燒, 初時唔知係出玫塊疹, 只係知道個女燒得好高同埋兩日都唔退, 去過診所看過醫生又話沒有喉嚨發炎, 中耳炎, 尿道炎等等等等, 總之最大可能引致小朋友發燒的原因都 check 過, 都沒有發現, 只好比 D 普通消炎葯和退燒葯就叫佢帶個女返屋企休息啦, 點知跟住半夜就出事, 個女飲奶又嘔番晒出來, D 奶仲由個 nose 度噴出來, 我個 friend 急起上來就即刻抱個女坐的士去急症室, 發生呢 D 事情, 講真真係會好徬徨無助又擔心到六神無主, 我諗好多媽咪都試過呢 D 滋味, 可憐係我個 FRIEND 身邊沒有老公支持和安慰, 佢仲要唔敢打比佢, 到左第二朝計晒時間 confirmed 個男人返到公司, 佢先夠膽打比佢...唉........

我個 FRIEND 究竟係咪一世都要在黑暗中生活, 都仲係未知之數, 我敢樣講原因我覺得有兩個 : (1) 就係若果有一日比個男人個老婆發現左原來個老公出面有第二個, 仲有要埋個女同自己個仔差唔多大, 我諗佢都幾難接受到....(2) 就係我怕終有一日, 個男人唔再照顧佢地兩母女, 原因可以係因為比個老婆知道左, 下令唔可以再見佢地, 又或者可能佢唔再愛我個 FRIEND 等等, 總之, 我真係好為佢地兩母女擔心, 若果 touch wood 講句有一日個男人唔再理佢地, 佢地兩個都唔知點算....

私人傳訊

DoReMe媽咪

別墅

積分: 638

17^#

發表於 04-8-20 02:22 |只看該作者

Re: 我好唔開心,我朋友做了別人家庭第三者.

其實你好難令她改變的,我有朋友都是這樣,個男人重話會離婚同她結婚.但只是得個講字,重要我個朋友比佢老婆在條街打.我朋友重話唔甘心,所以重要等個男人離婚.你話幾天真呀,現在她終於醒了,決定離開個男人,但個男人依然有找她,想繼續享齊人之福.但我個朋友已經唔想再見她了.

[img align=right]http://www.imagestation.com/members/doreme04[/img]

私人傳訊

喱喱豬

積分: 399

18^#

發表於 04-8-20 11:59 |只看該作者

Re: 我好唔開心,我朋友做了別人家庭第三者.

正所謂當局者迷........我都想講下我好友單野
我都有個要好朋友搭上了有家室的男人已五年有多
初時我好友為了依個麻甩佬放棄了大好姻緣
甘願背著男友跟麻甩佬相好結果其男友知道后主動分手
好友當時好唔開心但我覺得係佢自己作賤自己囉
我好言相勸過佢無數次都話唔聽好啦依家咩都無喇
果個甩麻佬依家又負緊資產無錢享齊人之福在年前更想甩我好友.......但唔明好友何解仲死守響佢身邊....真係百思不得其解唔通佢比鬼迷嗎? 好友跟我同年步向30歲的她人又靚又有學問又有份好工但處理感情事簡直不知所謂....
我好希望佢為下自己打算唔好浪費時間囉
果個男人講到明唔會為佢而離婚結果好明顯啦...

私人傳訊

妹妹媽咪

洋房

積分: 174

19^#

發表於 04-8-20 16:49 |只看該作者

Re: 我好唔開心,我朋友做了別人家庭第三者.

其實我都唔明點解d女仔

MKS

私人傳訊

KiuKiu媽媽