Baby Kingdom - 親子王國 香港 討論區 › 首頁 › 嬰兒食譜› BB 粥仔食譜

嬰兒食譜

收藏本版
發帖
返回列表
跳至頁
BB 粥仔食譜 [複製鏈接]

首頁
1

尾頁
   4
abbey1229


別墅

積分: 657


1#
發表於 08-11-21 12:11 |只看該作者
BB 粥仔食譜

淮山廋肉粥仔
呢味粥可以健脾,用淮山磨成粉, 一匙羹淮山粉,凍水連米連紋碎肉一同落, 煲好就食得.

蜜棗粥仔
一至兩粒蜜棗, 洗乾淨, 凍水同米一齊落, (食味架咋, 蜜棗唔駛俾bb食), 煲好就食得. 呢味粥仔可以去痰火, 如果bb 岩岩起啖又或者傷風尾有幾聲痰聲, 食呢味都幾好. 亦都可以加入龍牙百合,先洗一洗D百合,然後浸佢半個鐘與蜜棗同下

雞蛋粥仔
可以配一d蔬菜, 六個月大o既bb 只可以食蛋黃, 九個月之後先可以試食蛋白. 先將雞蛋烚熟, 去殼去蛋白, mashed 左d 蛋黃, 到d粥仔差唔多煲好, 就加入蛋黃. 九個月大之後, 可以先用四分之一隻蛋白, 加入蛋黃, 攪云, 到粥仔差不多煮好, 就可以加入準備好D雞蛋, 再煮, d蛋花都熟哂就食得架喇.

芝士粥
都係九個月大之後先開始試, 煲好左o既粥仔 (肉類加菜o既粥仔), 加入一粒笑牛牌芝士 (原味), d 芝士會溶入d粥仔到o既. 又食得喇.

鴨腎or鴨心粥
鴨心or腎都有去奶積o既功效, 又係食味唔食材料o既, 洗鴨腎要去哂d黃衣, 洗鴨心要去哂d血, 用鹽黎洗就最好架喇.記住要過清哂d鹽喎

三文魚粥仔
先用大滾水焯熟d 三文魚弄碎三文魚備用跟注煲粥仔(連埋D魚油bow因為d魚油對腦部發展好好嫁). 粥仔差唔多ok 時放埋d 弄碎三文魚落去, 滾吓佢
咁就搞定啦!!

節瓜蓉碎肉粥
先張節瓜切碎, 粥仔連肉碎一齊煲, 到7成熟再放節瓜碎, 煲好又食得喇!
(此粥正氣, 對BB腸胃好)

薯仔、蕃茄、大眼雞魚+ 牛肉粥
先張蕃茄用熱水燙燙起皮備用, 跟注就滾起薯仔連蕃茄一齊滾湯, (如比BB食、大眼雞就先蒸熟後執肉同一齊滾湯如不會就直接落水一起滾便可)
待湯煲好就用作煲弼仔, 最尾煲到8成熟就加埋牛肉, 又食得喇。

牛奶粥
將米放入鍋中熬成粥加入3調羹奶粉，攪拌均勻即可。
蛋黃粥
放入鍋中慢熬成粥。將雞蛋煮熟，取雞蛋黃研成粉末，加入粥中混合均勻即可。煮好的雞蛋白可直接給BB吃。
青菜肉碎粥
米熬煮半小時左右。將青菜洗乾淨，放入開水鍋內煮軟，切碎備用。再將瘦肉洗淨切成薄片，加少許精鹽，入鍋中，水開煮10分鐘，取出切成肉碎。然後，將肉糜和青菜加入煮好的粥中。
臘八粥
花生10克，黃豆10克，薏米仁50克，紅豆10克，糯米10克，紅棗10克，蓮子10克，桂圓肉10克，糖適量，水10杯。
花生、黃豆、薏米仁、紅豆洗淨浸泡5小時左右，然後加水10杯，將之煮至軟熟。再加入糯米和紅棗，繼續煮25分鐘。最後加入桂圓肉，煮20分鐘。入糖煮開即可。
海鮮粥
米加慢火熬成粥狀。將蝦仁蒸熟，切成小粒，放入粥內，加入少許鹽，熬5分鐘。芹菜末加入粥內即可。
豬肝泥粥
米小火慢熬成粥狀、取豬肝少許切片，加少許鹽和米酒炒熟，去腥調味，然後放入攪拌機中打成泥狀，拌入粥中，繼續煮5分鐘即可。
魚粥
米小火慢熬成粥狀。魚整條蒸熟去骨，挑出適量魚肉切碎，拌入粥中，加入少許鹽，熬5分鐘即可。
香韭蛋粥
待米粥至九成熟，將韭菜切成小段，將雞蛋打散、調味、炒熟、弄碎，然後將韭菜和炒蛋一起加入米粥中，繼續煮至爛熟即可。

雞肝胡蘿蔔粥
白米熬成粥狀。雞肝及胡蘿蔔洗淨後，蒸熟搗成泥狀，加入粥內，加鹽少許，煮熟即可。
私人傳訊

Truffle


別墅

積分: 635


2#
發表於 08-11-21 12:32 |只看該作者
Thanks for sharing


原文章由 abbey1229 於 08-11-21 12:11 發表
BB 粥仔食譜

淮山廋肉粥仔
呢味粥可以健脾,用淮山磨成粉, 一匙羹淮山粉,凍水連米連紋碎肉一同落, 煲好就食得.

蜜棗粥仔
一至兩粒蜜棗, 洗乾淨, 凍水同米一齊落, (食味架咋, 蜜棗唔駛俾bb食), 煲好就食 ...
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy