吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 結婚睇清邊個係朋友

心聲留言今日: 1|主題: 17505

收藏本版

發帖

返回列表

跳至頁

查看: 7458 | 回覆: 24

結婚睇清邊個係朋友 [複製鏈接]

flowerboo

大宅

積分: 4878

1^#

發表於 16-9-28 18:47 |只看該作者 |倒序瀏覽 |打印

搞婚禮真係好多感受, 仲可以睇清身邊邊D先係朋友……. 好想講下我既經歷, 因為係堅唔開心, 亦都好失望, 不過好長………

小妹幾個月前結左婚, 早於15年年頭, 日子定左之後, 我已經問定D fds 做我姊妹, 其中一個係B小姐

B 係我既中學同學, 識左十幾年, 佢結婚時我都有份做佢姊妹, 佢當時亦都一口應承左……… 到今年1月我揾到間喺尖沙咀賣姊妹裙既舖頭, 就叫d姊妹去度身又或者比個body measurement 間舖. 一早已經講明3月中前要度好晒身, 去到今年3月, 其他姊妹都度好晒除左B, 因為佢3月尾要去出差2星期, 我就問左佢幾次幾時去度身, 次次佢都係答"你想我weekday 定weekend? 你陪唔陪我去定我自己去? " 但無一次答實幾時去. 有次我忍唔住同佢講"差你一個咋!你大約幾時去?你遲下又要出差" 佢又係問返呢2個問題, 我話如果你好唔得閒可以比body measurement 間舖. 佢答話"其實我想去架!但怕你忙唔敢煩你" 我心諗我成日咁吹你又唔煩!!! 但最後佢都係無答到幾時去.

0 0 0

私人傳訊

flowerboo

大宅

積分: 4878

2^#

發表於 16-9-28 18:48 |只看該作者

到某一日我忍唔住問佢"其實你係咪唔想做? 係我可以揾個第二個, 我有朋友都可以幫手. 如果你唔得閒真係唔緊要, 你老實講."佢竟然答我"原來你想揾個第二個, 你係新娘你決定啦!我無所謂呀!一係咁, 如果你朋友唔得閒我先"頂上"." 我一聽到"頂上"呢兩個字真係火都嚟, 明明係你唔想做, 你仲要將個波拋比我. 我話唔係呀!我一早係揾你, 頂咩上呢!?咁你諗住幾時試呀? 佢就up一大輪廢話, 話咩佢個仔仆親, 要照顧個仔, 所以呢排無時間. 我心諗我寧願你直接推我, 好過你講咁多廢話!!! 無時間, 可以2月時同我出街食飯, 可以約我下星期去high tea 同夜晚去飲野, 平時你都係交低個仔比你呀媽/比工人湊, 我1月已經叫你試, 港島去尖沙咀真係咁難?就算你真係無時間都可以自己度身, 我喺英國既姊妹, 同另一位啱啱一月先生完既姊妹, 人地都攪掂啦! 我同佢講我真係好失望, 你唔想做出聲啦!佢仲要答我"傻啦! 我同你識左咁多年, 點會唔想做呀!但我.......... (下刪100字)."真係難聽過粗口囉! 我自問做佢姊妹嗰陣都無比麻煩佢, 佢叫我做咩就做咩, 做好本份呀!點解到我結婚時佢要咁樣對我呀!!! 之後傾過幾次仍然係試唔到又佢自己又唔度身又無話唔做, 同老公和朋友商量完, 大家都話結婚已經好多野煩, 揾個真心想幫你手既姊妹好過啦! 最後我換人

臨結婚前一個月左右, 我已經問佢老公去唔去, (我無諗過佢老公會唔去, 一來大家都係中學同學識左10幾年, 又唔係唔熟, 二來年幾前佢知我結婚已經話會嚟). 佢話佢老公未出更表唔肯定. 結婚前兩星期我再問多佢一次佢都係無覆, 所以我張帖先寫先生夫人. 到臨結婚前一星期, 佢話佢老公要返工嚟唔到, 試過調更但唔成功.

私人傳訊

mini1204

翡翠宮

積分: 79224

3^#

發表於 16-9-28 18:51 |只看該作者

"你想我weekday 定weekend? 你陪唔陪我去定我自己去? "

咁你點答佢?

私人傳訊

flowerboo

大宅

積分: 4878

4^#

發表於 16-9-28 18:51 |只看該作者

最後佢一個嚟, 封左$1000人情, 呢$1000 我真係好大感受. 佢結婚時, 我無拍拖無做野一個人去都封$1500 (大家都係擺酒樓), 雖然佢老公最後無嚟, 但我張帖係寫先生夫人. 結婚已經夠煩佢仲要係我結婚前2個月先話唔做姊妹, 依家仲要扣返我$500, 佢比我感覺係對自己做過既野無內疚過囉!同埋我好肯定佢有寫低, 因為之前同過佢飲佢講過要睇返人地之前做左幾多比佢先. 仲有想當日佢生B, 我同老公已經買左coupon 去探佢, 到佢個仔扒房攪百日宴, 我無去你無成本我都照做$300人情, 到今年2月食飯, 佢上年11月生日即使我上年生日佢無同我食飯慶祝仲要隔左咁耐我都照請佢食嗰餐飯+睇戲補祝佢生日, 淨係餐飯都$5xx. 我唔係計較錢, 如果佢係有困難既你唔做我都唔介意, 但我知佢唔係. 我有外國朋友嚟飲, 佢地問我中國人結婚賓客要送咩, 我一句都無講過要做人情, 佢地亦都無做, 嗰到講緊半圍. 我覺得人地特登由外國嚟飲已經好比面好感動好開心, 有無人情都唔重要.

到最近我生日時, 佢同我講生日快樂, 又問我做咁遲先覆佢 (只係幾個鐘後先覆), 係咪好忙, 去邊到玩? 又話好耐無揾對方. 我心諗有古怪, 結完婚之後都無聯絡, 無啦啦咁熱情唔通因為佢個仔就快開生日會想叫我去 (從朋友處收到風, 但人地係個幾月前已經問佢去唔去), 果然下一句就問我得唔得閒去佢個仔生日會 (果時得返個幾星期). 我心諗我都生日喎!又唔見你話請我食飯同我慶祝既!

我無諗過會因為結婚而睇清一個10 幾年既朋友，其實做我姊妹唔算忙，都係事前開次會+當日幫手，而且好多野都係我自己同最close 既姊妹 plan 好，你唔做唔緊要，但唔好最尾一刻先講同埋照直講囉！

私人傳訊

M.A.C

伯爵府

積分: 17773

5^#

發表於 16-9-28 20:36 |只看該作者

回覆 flowerboo 的帖子

係，結婚絕對係一次睇清楚邊個放自己係心上既朋友，莫論背後有無什麼陰謀論，但積極比反應既，都肯定識做人啦！唔係話介意做人情，而係反應囉！
我都為左班姐妹安排，受左唔少氣。。。
有些原來覺得自己結婚不會大攪，所以而家做姐妹唔駛咁落力，求其出席就代表俾面。

私人傳訊

flowerboo

大宅

積分: 4878

6^#

發表於 16-9-28 20:48 |只看該作者

mini1204 發表於 16-9-28 18:51
"你想我weekday 定weekend? 你陪唔陪我去定我自己去? "

咁你點答佢?

我咪答佢我無所謂呀！你想weekday or weekend 都ok
我陪你或者你自己去都得
如果真係唔得閒可以自己度身

不過答左幾次佢咪一樣無答實幾時去

私人傳訊

熊貓小姐

男爵府

積分: 5785

7^#

發表於 16-9-28 20:48 |只看該作者

係！我老公有個廿年朋友，去過旅行，對佢個女既禮從不缺小，我老公未結婚嗰時都俾大利是佢個女，佢地唔係無錢，咁多年朋友，經濟情況都知啦，佢地生活仲好過我，最後2公婆+女，做2000！我擺5星酒店，唔好倫我擺邊，廿年朋友，口口聲聲好朋友，3個人做2千，全場最小佢地！

私人傳訊

flowerboo

大宅

積分: 4878

8^#

發表於 16-9-28 20:50 |只看該作者

M.A.C 發表於 16-9-28 20:36
回覆 flowerboo 的帖子

係，結婚絕對係一次睇清楚邊個放自己係心上既朋友，莫論背後有無什麼陰謀論，但積 ...

有同感

有時等人回覆個心都好忐忑

不過同時都有意料之外既
有d朋友耐無揾但好想佢嚟
唯有厚住面皮問
點知人地反應好正面
嗰下真係好感動

私人傳訊

魔女Miya

複式洋房

積分: 474

9^#

發表於 16-9-29 08:05 |只看該作者

講真！睇得清楚係好事！都好過一直都唔清唔楚

私人傳訊

gg_candy

侯爵府

積分: 20584

2018復活節勳章

10^#

發表於 16-9-29 11:16 |只看該作者

係, 搞結婚事真係好睇清邊個係真朋友.
亦都係件好事.

私人傳訊

queeniesuen

男爵府

積分: 5121

11^#

發表於 16-9-29 16:49 |只看該作者

flowerboo 發表於 16-9-28 18:51
最後佢一個嚟, 封左$1000人情, 呢$1000 我真係好大感受. 佢結婚時, 我無拍拖無做野一個人去都封$1500 (大家 ...

Sorry, 我反而覺得你計較得滯... 你之前做左幾多錢人情，好似要人地做番幾多錢人情先啱數咁....好彩我真心朋友中無咁計法。

私人傳訊

flowerboo

大宅

積分: 4878

12^#

發表於 16-9-29 16:54 |只看該作者

queeniesuen 發表於 16-9-29 16:49
Sorry, 我反而覺得你計較得滯... 你之前做左幾多錢人情，好似要人地做番幾多錢人情先啱數咁....好彩我真心 ...

人情只係一小部分
講真
佢生日我請佢食飯或者佢個仔出世我都唔止做呢個數
我比兄弟姊妹既利是都唔止
每次我做姊妹人地比我既利是,我都喺人情再加返晒比佢地
佢做左咁多野之後，我完全唔覺得佢有唔好意思囉！咁樣都叫朋友咩
係你只係著眼左錢嗰部分 jei

私人傳訊

queeniesuen

男爵府

積分: 5121

13^#

發表於 16-9-29 17:02 |只看該作者

flowerboo 發表於 16-9-29 16:54
人情只係一小部分
講真
佢生日我請佢食飯或者佢個仔出世我都唔止做呢個數

因為係文中多數涉及$
如: 淨係餐飯都5XX我無同佢計, 又例如: 我外朋友黎飲無做人情(成半圍)我都唔介意....
你講好多野都涉及錢，但原來你唔係講緊錢，sorry，我誤會左。

點評

good_pig

發表於 16-10-1 00:56

私人傳訊

20150618bb

珊瑚宮

積分: 108130

2024年龍年勳章虎到金來勳章牛年勳章 2018復活節勳章開心吸收勳章

14^#

發表於 16-9-29 19:16 |只看該作者

queeniesuen 發表於 16-9-29 16:49
Sorry, 我反而覺得你計較得滯... 你之前做左幾多錢人情，好似要人地做番幾多錢人情先啱數咁....好彩我真心 ...

我同意呢位講的話,有的人士唔中意交際,就算佢係公關經理,私下生活係唔多中意多人地方.

私人傳訊

Aprilacm

大宅

積分: 3645

15^#

發表於 16-10-2 08:38 |只看該作者

queeniesuen 發表於 16-9-29 16:49
Sorry, 我反而覺得你計較得滯... 你之前做左幾多錢人情，好似要人地做番幾多錢人情先啱數咁....好彩我真心 ...

我都有咁的感覺，雖然個朋友係過分左

私人傳訊

khakisze

複式洋房

積分: 101

16^#

發表於 16-10-2 13:28 |只看該作者

1)边有得計給多少人情去代表朋友的情分.......始終有D人豪氣D,有D人孤寒D....
2)你朋友擺明是沒責任心的一羣一仕,你可必生氣

私人傳訊

vanlina_cream

大宅

積分: 4160

17^#

發表於 16-10-6 20:02 |只看該作者

完全認同，我結婚嗰時都係，啲姊妹勁賤，反而以為唔多見嘅朋友，先係真心想你好。搵錯姊妹，係我人生一個污點，因為在場所有親戚朋友都有眼見佢地幾衰，當晚完左，我抱住老公喪喊左一場，之後，我無再主動搵呢幾個朋友，可以話順其自然地唔再聯絡，呢啲咁嘅所謂朋友，無左無損失

點評

momososo

發表於 16-10-6 22:58

私人傳訊

flowerboo

大宅

積分: 4878

18^#

發表於 16-10-6 22:20 |只看該作者

vanlina_cream 發表於 16-10-6 20:02
完全認同，我結婚嗰時都係，啲姊妹勁賤，反而以為唔多見嘅朋友，先係真心想你好。搵錯姊妹，係我人生一個污 ...

Jm 都好似好傷心喎！不如講出嚟分享下！

私人傳訊

sweetwins

大宅

積分: 2253

19^#

發表於 16-10-6 23:31 |只看該作者

本帖最後由 sweetwins 於 16-10-6 23:35 編輯

其實我都覺得有Ｄ關係, 唔只做姊妹可以睇清一個人, 可能人大左, 自己對朋友又執著....不過樓主講開做姊妹, 都令我唸起D野....
上年我FD 結婚, 我做佢JM, 當日比佢ar 媽串我, 話咁多年你都冇變過, 又係GE, 你份工都冇壓力...(佢合我職位低佢個女好多級), 又話, 唔後生啦快D生個B啦, 你睇下我個姪仔幾得意....
之後, 到左映JM相, 我被安排企係新娘隔離, (好正常大家識左好多年啦), 點知佢AR 媽好凝重咁叫我走開, 叫其他人企佢個女隔離, 當時個個都覺得好怪...我當然好唔開心啦, 我唯一唸到係....因為我早佢一個月結婚, 佢唔想我旺過佢個女.....
咁唸人好衰, 但佢都知我地識左好多年朋友, 我真係唸唔到有咩理由叫我立即行開.......當然,佢之後快有左, 我係米要覺得我當時唔應該做佢JM?

係佢有左小朋友後, 我知道佢周圍同人講我想生B, 佢仲話: 同事A 結婚一個月都有, 我比左樽補品佢, 本來唸住我生完冇用留比你, 點知你...下...(佢望一望我個肚, 意思點知你仲未有B)

人係米自私D勢利D會好? 我之後真係好唔開心, 我覺得我唔應該做佢姊妹, 我太天真....(唔係讚自己, 我對人真係冇戒心) 係LEE件不快事之前, 個朋友其實成日都我私隱做人情, 我人工, 年齡, 我老公職業家底, 住邊, 我唸, 好衰咁唸, 係我FD介紹我入佢公司一刻, D 同事對我已經好"了解"....

我唔明,我唔係D冇口德GE人, 但點解朋友,唔止一個其實, 思想,品行會咁勢力?
上年,我生日,佢地話唔記我買蛋糕比我, OK......算...但佢地生日又唔會唔記得,

風花說朋友係1米真係要有好過冇? 我同佢地果種功利性格唔夾, 係米要為左GATHERING而同佢地GATHERING? EVEN GATHERING大家都冇咩野傾, 食個幾中就走...

講講下都覺得咁公開數佢地好差, 我真係好委屈, 自問我從來唔會咁對朋友, 但佢地反過黎好中意踩你為樂, 唔尊朋友重私隱....