自由講場今日: 1850|主題: 1352198

收藏本版

發帖

返回列表

跳至頁

查看: 6563 | 回覆: 39

轉自高登--韓國的邪教—活顯帝國教 [複製鏈接]

eeaa

公爵府

積分: 26389

1^#

發表於 16-11-23 12:32 |只看該作者 |倒序瀏覽 |打印

大家最近好熱烈傾緊韓國d邪教野，今日咁岩有朋友send左條link係大陸微博有網民講返以前韓國有套節目係專門拆解不解之迷既案件，有一單係講邪教。咁真心想分享比大家睇下，我知大家一定唔想睇大陸野同殘體字，所以打左出黎比大家睇，我會放d圖，入面有簡體字唔好介意，我都係微博cap低，我會用自己文字去講述個案件，最尾會放埋微博既source上黎。

唔知大家有冇聽過有隊韓國五人組合叫SS501，隊野我以前都聽過但冇留意，SS501前幾年已經解散左。講返重點先，SS501曾經拍過一套野，叫做「SS501的SOS 未解事件檔案」，主要都係講下d未解之謎既case，無記錯佢地只係拍左2個case，一個係講有對家庭比繼父虐打搞到有多重人格，到夜晚會發癲打爛屋企d野，而另外一單就係講緊呢單邪教案件。

開始之前，比少少背景資料先
主要重要人物
1)SS501 負責幫手解開不解之謎
2)真熙 — 家姐
3)善熙 — 細妹
4)勝字 — 中期出現既細路
在
開始入文
有一日，委託人打電話比節目組話有野想要佢地幫手查下。事緣係委託人2年前同真熙行山時，真熙唔小心掉左落山死左。2年後，委託人咁岩要結婚，想邀請班朋友，所以係群組入面send左email。出奇既係，委託人發現死去既真熙係已讀郵件。正常人死左有乜可能會讀到郵件，仲要2年後。委託人懷疑有人偷左真熙既email，請求節目組幫手。委託人帶左節目組去出事既地方睇左，發現根本無可能會掉落山崖，同埋有好多疑點。
第一，條山路唔危險同唔險峭，掉落山既機會好微
第二，真熙無可能會自殺
第三，真熙掉落山果時又無條屍係到，淨係出事地方有幾粒牙齒係到。
節目組為左搵下真熙到底仲生唔生存，所以就追查最後登入email的IP地址，發現係來自一間網吧。節目組就係果到set camera同埋再發email。三日後，個email又係已讀，同埋IP地址又係來自果間網吧，節目組睇返條片，根本搵唔到真熙，但係就搵到同佢身形一樣既女仔。
睇到呢到你可能會覺得佢係整左容。我會答你，係！節目組之後搵左真熙張相同網吧果個同身形女仔張相去比整容醫生睇，醫生好肯定佢係整左容。不過，真熙又唔係特別醜樣，點解要特登洗錢整容，唔通佢想過新生活？不過，真熙邊有可能咁快搵到1000萬₩既手術費呢？節目組推斷佢應該係附近活動，所以係網吧附近進行24小時錄影，終於發現果個女仔（即係真熙）。原來佢係到做雞（妓女），仲影到佢接客過程。