懷孕前後 今日: 25 | 主題: 330512

積分: 51853

牛年勳章好媽媽勳章醒目開學勳章畀面勳章環保接龍勳章大廚勳章

1^#

發表於 16-12-12 13:22 |只看該作者 |倒序瀏覽 |打印

响度睇得人地分享多，我都想作出少少供獻，比各位靚媽參考下，我响4/12生左B女，法國順產，埋單4萬，醫生係旺角馮建剛醫生。
1，先講醫生
馮醫生係一個唔多野講既人，但有問必答，如果你希望醫生會勁溫柔，同你數手指腳指，生產時係咁讚你叻叻豬，佢唔係你杯茶。產檢收900蚊一次，機唔算清，但我不太介意，每次只要佢話一切健康正常我就安樂。我對佢感覺幾好，佢從來冇比我覺得係想搵我錢，佢知我有政府產檢，都叫我唔駛搵佢咁密，全部檢查都話政府有就政府做，唔駛錢。我唔要求既話，也不會開藥比我。唔難Book，Book左亦唔駛等好耐。接順產。
2，講法國
舊係舊D，電視都冇，但唔緊要啦瞓果兩日又唔係長住。我本來想要大房，但去到話滿得三人房，但我明明見大房都係有位，都唔知係咪呃我。產前房唔清楚點，因為我係直入產房。產房姑娘照顧唔錯。一直都陪住我，又教我咩姿態先會開得快，檢查得都好密。我曾經要求無痛，佢係咁話萬幾蚊好貴，事實上我又未真係覺得好痛，所以最後都慳左呢萬幾蚊。之後病房姑娘都好友善，我生後嘔左兩次，要佢地半夜換床單，我好唔好意思，佢地都係咁話唔緊要。我第一胎冇得比較，但我感覺都ok啦，冇咩唔開心。唯一唔好係餐廳D野太難食。
3，剪會陰
好多人都好怕呢一件事，包括我。我事前都問過醫生，佢都話佢一定剪，仲話又唔係好痛，幾日就好番啦。事實上佢真係冇呃我，唔知係佢手勢好定點，剪時我當然唔知，聯時亦唔痛，當然有打止痛針。聯後仲塞粒止痛藥响我PatPat，我只係頭兩三日有少少扯住痛，坐响度就辛苦少少，行同瞓根本就唔痛，生完幾個鐘我已經走去餐廳食野。到今日為止（8日），已經完全冇事一樣。所以，真係唔駛驚。
4，蜜糖水
傳說作動後飲杯杰撻撻既蜜糖水會開得快同冇咁痛，我覺得試下冇壞，入院前飲左。我入院已開4度，之後4至10度响唔夠3個鐘開左，唔知算唔算快。生B係痛，但我又覺得唔係十級咁誇張，唔知關唔關事。
5，止痛
我有用笑氣同止痛針，但真心係廢，笑氣聞到我頭暈眼花，事後仲嘔兩次，阻住我抖氣呀！個死佬仲驚我唔死係咁質落我塊面（佢話姑娘叫），差D想還手。止痛針打左等住冇打，如果有下次，我兩樣都唔會用。因為之後會作嘔。
6，作動過程
朝早9點左右見啡，唔痛，繼續瞓，10點零有D急屎，起身屙完屎，個肚有少少搞，好輕微，叫死佬番工唔好理我。因為我覺得作動應該冇咁自在。中午1點左右，煮麵食洗埋，盆骨痛肚唔痛，打電話問下生過既姐妹作動係咪屎忽痛，佢話唔係，咁我估BB落盤啫，唔理。5點左右仍然屎忽痛，有時幾個字痛下，有時幾分鐘痛下，我心諗都唔規律既，一定未係。果種痛，就好似瞓黎頸咁，但响個盤骨度。但呢個時間心知都係呢兩日，所以都執執野，沖涼先。死佬放工番黎，我招供有痛（之前呃佢唔痛，怕佢捉我入院呆等），比佢捉我入院，我左搞右搞終放8點零出門口，但我仲堅持响樓下食個麥當當先。到醫院登記已9點幾。檢查下已開4度，我都好愕然，姑娘都問我做咩咁變態4度先入院，我仲一直問，乜唔係肚痛係屎忽痛咩？唔係話經痛咁咩？入到產房已經10點，我話想要無痛，姑娘話你4度都咁正常仲要咩無痛，轉頭生得啦！無痛要貴萬幾㗎。當時我的確覺得仲忍到，我就話，咁我忍下先，但如果一陣我好痛就要比我呀！佢話好好好。之後兩個零鐘開晒，我其實覺得痛都係咁上下，可能有加強少少，但會越黎越密，唔痛時，我仲同朋友whatsapp，5度喇，6度喇，7度喇咁。我大約7度時穿水，呢個時候我都唔記得左無痛呢樣野。醫生早已通知，但姑娘話到8度先叫醫生黎，我心諗咁趕？佢住隔離㗎？結果不得不佩服佢地時間可以咁準，醫生一分鐘都冇浪費，黎到就打止痛針响會陰（唔痛，打好淺，蟻咬咁），剪會陰，叫我出力，兩個姑娘突然跳上我身齊齊推我肚，醫生响下面唔知拉咩，生左，聯針，講恭喜，88。醫生出現左一個鐘左右=_=。我12點幾生左B女。
7，感想
其實真係唔係想像中咁，痛到生不如死，我覺辛苦係，唔識點用力，又用唔到力，痛我可以忍，但又要痛又要出力就困難少少。痛緊點用力，點極諗唔明。有姐妹講過，好想屙，但唔比屙好辛苦，一話可以屙巧開心，但我冇呢種感覺，我唔係好想用力屙。同埋我真係最後都只覺盆骨痛，完全唔止經痛囉。姑娘最後答我因為阿B唔知責住我邊度令我盤骨痛，而盤骨痛大過肚痛所以我唔肚痛，真唔真就唔知。
8，溫馨提議
產後多飲水同食菜食水果。產後第一篤屎真係最大挑戰，雖然我傷口唔係好痛，但始終都有心理陰影唔敢屙屎。但一唔屙就大獲了，因為會越黎越硬。所以奉勸各姐妹，唔好忍，急就屙。如果唔係，會陰唔痛屎忽都痛。咁硬。

謝謝觀看，祝各位生產順利。

0 0 0

私人傳訊

QooQooMaMa

別墅

積分: 636

2^#

發表於 16-12-12 13:37 |只看該作者

你好勁，我身邊個個生完都話十級痛，你都話接受到，堅勁！
想問下你，你平時有無經痛？同埋係咪好忍個痛果種？
我平時會經痛，仲會痛到暈、嘔、兼盤骨+大脾麻痹同腳軟，我真係好擔心如果順產，我點搞

私人傳訊

積分: 51853

牛年勳章好媽媽勳章醒目開學勳章畀面勳章環保接龍勳章大廚勳章

3^#

發表於 16-12-12 13:48 |只看該作者

引用：你好勁，我身邊個個生完都話十級痛，你都話

原帖由 QooQooMaMa 於 16-12-12 發表
你好勁，我身邊個個生完都話十級痛，你都話接受到，堅勁！
想問下你，你平時有無經痛？同埋係咪好忍個痛果 ...

後生時有經痛，我估中度啦。唔嚴重既。
後來食左幾年避孕藥，冇左經痛。
我本身唔算十分怕痛，但好驚抽血打針果D。但又唔係完全唔怕痛喎，我腸胃炎都會痛到講粗口㗎喎。我覺得陣痛係痛既，但唔係一直痛丫嘛，痛一陣又停一陣，有時間回氣，所以唔算十分辛苦既。唔駛驚喎。

私人傳訊

bibilan

大宅

積分: 2859

虎到金來勳章

4^#

發表於 16-12-12 14:09 |只看該作者

我都係法國醫院順產，感覺幾好

私人傳訊

natnataktak

積分: 428

5^#

發表於 16-12-12 14:45 |只看該作者

回覆樓主:

congratulations !!! 多謝分享^^

私人傳訊

bigbangbbbb

積分: 223

6^#

發表於 16-12-12 15:03 |只看該作者

謝謝分享

祝bb女快高長大呀~

私人傳訊

Yuki_8866

積分: 459

7^#

發表於 16-12-12 15:12 |只看該作者

seaman1982 發表於 16-12-12 13:22
响度睇得人地分享多，我都想作出少少供獻，比各位靚媽參考下，我响4/12生左B女，法國順產，埋單4萬，醫生係 ...

恭喜你咁順利生B，原來法國無電視機，咁我要帶定I Pad

, 我都打算用無痛分娩，醫生話加一萬，唔知我到時頂唔頂得住，我去產檢時食過佢餐廳食物一般但好彩大堂有間Starbucks❤️

私人傳訊

HubbydeQueen

積分: 285

8^#

發表於 16-12-12 15:37 |只看該作者

QooQooMaMa 發表於 16-12-12 13:37
你好勁，我身邊個個生完都話十級痛，你都話接受到，堅勁！
想問下你，你平時有無經痛？同埋係咪好忍個痛果 ...

埋單四萬咁平，請問醫生費幾錢？
我醫生叫我預6-7萬埋單...

私人傳訊

積分: 51853

牛年勳章好媽媽勳章醒目開學勳章畀面勳章環保接龍勳章大廚勳章

9^#

發表於 16-12-12 15:40 |只看該作者

引用：Quote:QooQooMaMa 發表於 16-12-12 13:37

原帖由 HubbydeQueen 於 16-12-12 發表
埋單四萬咁平，請問醫生費幾錢？
我醫生叫我預6-7萬埋單...

醫生收20000。三日兩夜。三人房。

私人傳訊

Purple_0322

侯爵府

積分: 21613

2018復活節勳章畀面勳章

10^#

發表於 16-12-12 21:54 |只看該作者

回覆樓主:

恭喜樓主呀

ps: 痛緊果陣聞笑氣要儘量控制呼吸，唔係好易嘔，我果陣聞左幾下就想嘔，寧願推走佢

私人傳訊

littlepigstar

大宅

積分: 2995

11^#

發表於 16-12-13 01:12 |只看該作者

seaman1982 發表於 16-12-12 13:22
响度睇得人地分享多，我都想作出少少供獻，比各位靚媽參考下，我响4/12生左B女，法國順產，埋單4萬，醫生係 ...

多謝你分享，黎緊2月到我喇，希望可以好似你咁順利！
你係咪餵母乳呀？如果係，可唔可以分享下生完之後，法國醫院嘅餵母乳安排？
祝你同bb都健健康康！

私人傳訊