美容扮靚今日: 12|主題: 138239

收藏本版

發帖

返回列表

跳至頁

查看: 2890 | 回覆: 10

在黑店 Super Nail名甲經歷 [複製鏈接]

Mabelline

洋房

積分: 79

1^#

發表於 16-12-16 12:46 |只看該作者 |倒序瀏覽 |打印

話說我一年半前walk in入荔枝角宇晴軒'Super Nail名甲'話要修腳，因為修完之後我覺得麻麻，所以諗住幫襯一次就算...點知佢居然唔俾我走，係咁sell我買12次套票，我錢都拎咗出嚟，佢點都唔收，sell我12次唔到就sell我6次...結果我無奈join咗佢先俾我走。我之前不嬲喺對面海修開腳，幾間修腳都好專業，但搬咗嚟四小龍又見樓下有咁多間就諗住試吓，其實當初見Super Nail嘅所有店員都係講野唔正嘅'新香港人'我已經好無期望，但估唔到佢哋係唔專業到居然喺我面前講其他客是非(其中一點係話個客好麻煩)，做野又求求其其，最過份係呢一年半以嚟我打去book五次，五次都話fully booked..早幾日我終於book到，我見佢食緊飯佢話要食完先我都唔介意等吓，點知佢食完竟然喺我面前同其他店員同顧客吹水都唔幫我修腳...修完甲我問佢點解無磨腳皮佢要我加五十蚊先肯磨！我話你上次都有磨點解今次要加錢？我個package 唔係包埋嘅咩？佢問我你package俾咗幾多錢呀？我叫佢自己去睇，佢睇完發現我俾嘅價錢包磨皮就改稱: 已經同你搽咗甲油，而家磨唔到㗎喇，除非你加錢啦！
我問佢點解加咗錢就搽咗甲油都可以磨，佢話我修腳前無講明要磨皮，我話咁你抹咗啲甲油囉，其實我唔介意花㗎，反正我係揀透明色！
佢死都話要我加錢先得，我就燥咗，同佢講: 我未坐低已經俾咗張會員卡你，係你自己嘅責任去睇清楚我join咗咩package, 你無，然後就將個責任推俾我屈我加錢，我上次嚟都無講明，你又識得幫我磨皮？
然後佢死死地氣拎塊磨沙板好粗暴咁刷幾吓就當交咗功課。
番到屋企，啲死皮仲喺度不特止，對腳仲紅哂，兩邊腳眼嗰度仲俾佢磨損咗...
我平時去開其他磨腳皮，人哋係好好心機，又有刮刀有啲仲有小儀器...
呢間店簡直係黑店，我唔明點解仲會有咁多人幫襯.....