自由講場今日: 2319|主題: 1353682

收藏本版

發帖

返回列表

跳至頁

查看: 34143 | 回覆: 113

12 3 4 5...6

積分: 6956

1^#

發表於 16-6-6 10:49 |只看該作者 |倒序瀏覽 |打印

分享下我經驗係知道有呢個皮膚問題係好慘好慘....成日啲人話心情都好影響病程，但塊臉咁都唔知點樣心情好。。次次照完鏡都發老公脾氣。。我老公都好慘。。

其實我依家未好番晒，但我都急住想分享。。

事緣嗰時讀書唔夠瞓加上感情問題困擾。。心情好差。。所以兩年半前有呢個病但係今年年頭先確診。。就算確診都無用，醫生話無得醫。。好灰。。食過四環素，搽膏都無用。。我最慘係只係鼻，口周圍超紅，同眼眉中心。。一食熱野更紅，上個月開始惡化，一焗就成臉都紅。。紅到一撻撻好恐怖。。

然後一次舊同事聚會介紹左個中醫比我。。呢個中醫真係幾得。。佢話佢醫好左兩個玫瑰挫瘡，但初時我都唔諗住去睇佢。。點知有個星期我食左南記既少辣粉就爆紅左幾日。。我仲要全身好熱好興。。之後逼不得已仆左去睇呢個中醫。。第一劑真係估佢唔到。。臉上啲紅係即刻降低晒。全身無咁熱。食西葯都無咁快。。嗰刻好ａｍａｚｉｎｇ。。。。個中醫人又好（仲好似馬明ＸＤ），但點知食完一星期有好大進步後。。我又走去食南記。。又爆紅。。第二個星期醫生可能啲葯無咁勁。。。禁唔到啲紅。。不過之後都慢慢退紅。。但就無第一劑咁快。。最後我發覺可能自己唔夠瞓。。。因為一唔夠瞓我就好紅。。呢個中醫佢提到一點係我現在係血管發炎，咁我上網搵下發炎既資料，發覺亞麻籽油裡面既omega 3 and 6係可以幫助發炎...我咁啱屋企有枝。。。因為之前食布緯療法但唔得。。可能自己有奶敏感，油拔都試過。。頭一星期好似得。。但之後都無咩反應。。奇蹟既事發生左，就係我自己煮左啲菜連埋湯加一湯匙flaxseed oil,早晚食一次，早上再加條蕉，晚上食蘋果。。夜晚一定要夠瞓。。我平時一定要十點幾瞓。。早上六點幾起身。。結果便便好暢通（我其實不褸都暢通，但食左更通ＸＤ）。。皮膚降左紅好多好多。。表面似番少少正常人了。。同埋我點解食蕉同蘋果係因為醫師講過植物雌激素對血管發炎有幫助，我上網睇話豆類，香蕉，蘋果都有雌激素。。我覺得flaxseed oil除左幫助便便暢通，仲有效修復皮膚問題，所以現在我keep住睇中醫調理同食呢個我自己諗既饍食，呢個中醫都提到其實戒肉戒海鮮係唔科學，佢話除非你自己本身有皮膚敏感唔食得海鮮。。聽完佢講之後我就無特別戒肉。。不過我本身好鐘意食菜同生果，所以現在早晚半碟菜加香蕉同蘋果都幾夠。。平時再食少少肉。。但若果出街食飯。。就咩肉都食。。。不過有個重點係唔好食糖。。特別係西餅蛋糕嗰啲，因為尋日我食左一件。。之後感覺皮膚有點熱我又知瀨野。。因為西點通常用白糖做。。仲要係好多好多白糖。。之後我即刻食番啲中葯，再食菜加flaxseed oil..又退左啲紅了，所以食野真係要好小心，我好覺得肉類反而唔駛戒但一定要戒甜。。好在我生完阿囡之後完全唔食甜都得，因為我未得阿囡前我本身好鐘意食糖。

各位jm如有呢個問題都可以一齊試下，大家分享下，希望有呢個問題既人包括我自己都可以快點重過新生活！！