自由講場今日: 1976|主題: 1361360

收藏本版

發帖

返回列表

跳至頁

查看: 1598 | 回覆: 35

頭先搭火車...... [複製鏈接]

咕b

伯爵府

積分: 16040

好媽媽勳章畀面勳章

1^#

發表於 08-12-6 22:55 |只看該作者 |倒序瀏覽 |打印

頭先係旺角搭火車....因為假期實多人, 咁我哋習慣如果係旺角上車, 就先由旺角搭去尖東, 唔落車, 坐原車返粉嶺, 咁就實有位坐....

係旺角頭等卡就只有我同老公同個仔3個人等車, 車到就上啦, 係關車門之際有3個女人衝上車, 佢哋係衝....一手推開 + 撞開我老公.....就係咁, 啱啱新買嘅聖誕掛門裝飾就比佢哋撞爛咗, 雖然係唔貴, 亦唔係爛得好緊要, 但都幾慶.....

之後車去到尖東, 我老公就習慣出去月台睇清楚架車係唔係返粉嶺 (因有時只會去到大埔), 嗰3個女人就以為要全車人落哂車, 咁佢哋又衝落車, 之後見我同阿仔冇落車, 我老公出咗去又返入嚟, 佢哋就死跟, 跟都唔緊要, 最衰係佢哋又撞過, 又推過, 今次我老公堂堂一個大男人, 仲要係幾重秤架, 都比佢哋推開, 我老公成個人退後咗兩步, 另一個女人(港人)見到佢哋嘅舉動都呆咗, 咁我哋梗係火滾啦, 我老公就怒啤佢哋, 佢哋仲要話(全國語) :
阿A :"佢做咩望住我哋呀? 咩事呀佢?"
阿B :" 你頭先撞到佢呀"
阿C :" 係呀, 你真係撞到佢"
阿A :" 係咩, 我唔知喎, 我見你 (阿B) 入咗嚟, 我咪即刻衝入嚟囉, 我推吓佢之嘛"
之後佢哋就當冇事, 繼續睇佢哋嘅戰利品.....
跟住有個掃地職工好大聲同佢哋講, 話佢哋D車飛唔係頭等飛, 叫佢哋唔好再坐呢度, 話比佢哋知比人捉到要罰錢, 仲叫佢哋唔好博, 博唔過, 叫佢哋快D落車轉返普通等坐, 但呢3個女人唔理佢, 唔落車, 仲要話.....
阿B :"你睇吓, 人哋細路仔都咁坐啦, 你估佢會肯比多D錢咩?"
阿A同阿C望吓我哋跟住唔出聲, 又當冇件事, 繼續高談闊論.....
我火都滾埋, 你唔撞我哋, 你唔整爛我嘢, 我都算當睇唔到當唔知, 但你辣慶我, 我就冇可能算, 仲要睇到我哋同你一般見識, 以為我哋同你哋一樣咁貪小便宜 (我D仔搭親頭等都一定照比足, 亦唔會呃位坐, 一定一人一個位)......我就真係滾哂

即刻打去車站投訴, 叫佢哋搵人嚟查飛截佢哋, 後尾去到大學站, 即刻有人上車問邊個投訴, 發生咩事, 我咪即刻同D職員講, 隔離呢3個女人由旺角上車坐到去尖東, 再由尖東坐到嚟大學, 都係冇比頭等(係旺角站只有我3個 +佢哋3個, 月台部頭等機好大聲, 有咇一定聽到), 加上係尖東站有清潔工已經好清楚提醒咗佢哋, 話佢哋D飛唔啱, 叫過佢哋落車, 但呢3個人唔理囉.....跟住呢3件嘢, 就用一般大陸人手法, 乜都話知唔識, 諗住過骨, 好衰唔衰, 講呢句唔識唔知嘅女人B手上係拎住八達通....即係佢唔係第一次落嚟啦......最後查飛職員一見佢手上張八達通, 就話 :" 你跟我落車先, 查一查飛先啦" 3個大陸貪小便宜 + 勁冇禮貌, 冇秩序嘅女人, 就係咁比人捉咗, 成惠位位500大元