其實如果同我傾過計既 BK MA MA 都略略知道我同我老公既問題,我老公係呢個月佢既電話費比係上一個多咗差唔多有成千五分鐘,終於係琴日我上綱cheuk 咗我老公既通話紀錄,我發現有一個電話佢係日日都會打,每日都打最少２,３次,而每次既通話時間亦有長有短,短既可以係數十秒,而長既足足有成一個鐘,我試過打過嗰個電話，接聽係一把女仔聲,係個一刻我成個人即刻跌咗落谷底,我個心知道我老公佢不嬲都有乜朋友,更加唔會有女性朋友,就算有,咁佢哋有冇需要每日都傾呢?我唸極都唸唔通,於是我打電話比我老公個後母,都係我奶奶,佢又問我點解會有端端走去cheuk 佢,問我有咩令到我覺得佢呢排有唔妥,於是我就講比佢知,佢ｄ電話問題,重有近呢個月佢久唔久都會失蹤唔見咗人,佢都覺得佢好有問題,如果係真係普通朋友有點解要日日傾,重要傾咁耐呀?我奶奶問我唸住點做,佢話我應該要為自己同個仔打算一下,唔可以再依賴佢,我點解要同佢講呢?係因為我老爺同我老公都係同一種人,所以我唸佢會明白我既感受,所以我會同佢講!我想佢教下我,我應該要點做好?但佢都比唔到答案我,佢話去到而家咁都唔知可以做到ｄ咩，因為問個死佬佢一定會死口唔認，到頭黎只係會比佢惡人先告狀，到時想知道多d野都好難,我唸咗好耐,我終於打比個女人,我一開口就話"我係xxx個老婆,我想知你同我老公有咩關係,點解要日日傾咁多電話,咩事要傾咁耐?................."雖然佢話佢哋只係好普通朋友,我問佢佑唔知佢有老婆同仔,佢話佢知,佢又暗示話我老公對佢有野,又講到佢對我老公冇意思,又同佢冇關係,只係我老公有問題!我同佢講完之後,我一路忍住啖氣,點知又谷到自己塊面都紅晒,連呼啖氣都係熱,我又走去探熱,真係即刻又發燒,係個一刻我真係明白咩叫面紅耳赤!（請繼看續下集）
發表於 
返回列表
