懷孕前後今日: 0|主題: 330508

收藏本版

發帖

返回列表

跳至頁

查看: 5741 | 回覆: 48

[剛生了][長文感想]經常出血又早期穿水嘅我

[複製鏈接]

12 3

sg51244

子爵府

積分: 10187

1^#

發表於 16-12-22 09:03 |只看該作者 |倒序瀏覽 |打印

本帖最後由 sg51244 於 16-12-24 20:05 編輯

好多謝大家支持！！
啱啱生左阿B了。。。
雖然輕左少少，但我會繼續努力湊到佢肥肥白白!!
Thanks all!!

呢一胎，我真係好大感受，
終於等到聽日入院催生。。。
希望一切順利，最重要最重要BB健康

呢一胎我等左1年先中左，
所以都好開心，諗住終於唔駛成日諗住
但係，輕鬆開心日子唔太長。。。
10wk嘅某一日，出血了

第一次經歷，所以好緊張咁衝去急症室，
好彩醫生話冇事，只係叫我返屋企休息，
總算有驚無險。。。
但係原來呢個只係開始，
相隔唔夠2星期，我又再出血流啡
又衝去急症室，又係搵唔到原因，
冇事離開醫院。。。

然後嘅日子，
每隔10日8日就會出血或者流啡，
有時一流就流幾日，又有時只係幾條血絲
總之就令我每次去廁所都好驚，
每日都好想快啲到捱到生BB個日。。。

然後，到了26w出血，
雖然仍然係搵唔到任何原因，
醫生都建議我先打強肺針，
因為怕經常出血容易早產。。。
住左幾日醫院，已經覺得身心俱疲。。。

到左28w4d當日，
我感覺好似有水走出黎
同平時感覺有唔同，心慌之下又去了醫院
不停希望今次同以往一樣，可以冇事離開醫院。。。
但結果係，醫生證實我真係穿水，
不幸中之大幸係，對BB仍然冇任何影響
照超聲波下嘅胎水仍然正常
但面對只得7個月大嘅BB
我好驚咁不停喊。。。
好擔心前路好難走。。。

當日好彩冇事發生，冇作動，宮頸冇開，
醫生說要繼續觀察發炎指數，
如果發炎指數上升，就要立即生BB
醫生嘅目標就是捱到34w，
望住個月曆，距離34w仲有差唔多2個月嘅時間，我覺得好困難。。。
抱住捱得一日得一日嘅心態。。

(下續)

0 0 0

私人傳訊

sg51244

子爵府

積分: 10187

2^#

發表於 16-12-22 09:16 |只看該作者

回覆：[長文感想]經常出血又早期穿水嘅我

住左院只係2日，發炎指數就上升，
好唔開心只可以捱到2日，
後黎我知道左，
原來發炎指數CRP係身體任何地方有發炎，
都會影響數字上升。。。

咁啱個時我肌肉酸痛，
我覺得個數字係因為呢個原因，
但醫生唔敢冒險，建議我都係立即開刀，
雖然好唔開心，但我都接受了
當我同老公都接受左呢個咁難接受嘅事實後。。。

醫生竟然話NICU(BB深切治療)太full
建議我地去另一間醫院生
真係晴天霹靂！！！
竟然仲要我去另一間醫院！！
當時我真係覺得好難過，但係。。。
life must go on。。。
好辛苦咁接受左醫生建議之後，
醫生就立即同其他醫院聯絡，
結果等到夜晚，醫生又話冇醫院肯收留我，
所以冇得走。。。
最後打算睇多一日發炎指數先再決定。。。
放鬆了一口氣。。。
可以留返係度。。。又捱多左一日。。。

然後第二日，我啲肌肉酸痛開始好，
冇之前咁痛，發炎指數結果冇上升!!
醫生決定繼續觀察!!
真係好喜出望外！！
估唔到事態發展突然扭轉！！

之後幾日，數字一日一日咁跌，
我啲肌肉酸痛都好返了。。。
住左十幾日醫院，醫生有一日就同我傾，
佢話我情況穩定，就比我返屋企休息，
只要keep住經常返黎醫院檢查就可以了

好開心終於可以返屋企，
可以見下屋企嘅小朋友，
冇見十幾日真係好掛住佢!!!

然後就定期返醫院檢查，
很感恩之後嘅每一次嘅檢查都好正常，
捱到差唔多34w時，
醫生建議我一到34w就生，
但我仍然好唔情願。。。

正正因為最後呢段日子非常平安，
冇血冇啡冇水，乜都好正常，身體狀況都好好，我就好想可以捱到足月，
當然醫生都冇強迫我，有同我解釋風險，
但最終我仍然決定要捱到足月37w

(下續)