Re: 有無人試過FUNKY DANCE?
我曾經有跳過兩個月。都幾好呀! 啑?!佢網址上有登price & course 既資料架喎!可能你留意唔到。
$540 - 4堂
$900 - 8堂
$1100 - 12堂
(所有堂數限定於開course計一個月內完成。）
重有$1300/$1500既course架~不過,我唔記得。因為我o係今年4､5月玩既,而家有冇變動就唔知喇!由於我另外有其他course要上，所以實在再難抽時間去玩。最好打去問清楚。
不過,佢既運動量真係好大!第一次跳可能會好累,跟唔上,因為我當時亦見過一o的新加入,跳唔夠半個鐘就走佐。但佢既動作都好全面o下! o的動作分佈得幾好,又真係減到肚腩,手臂咁呀!不過,跳完最好唔好食野啦(2個鐘內),否則,會勁吸收呀~磅數可能唔會點落，但ｄ肉會實ｄ，反而吋數變動得較多。&佢o個Dancing Room係冇冷氣架！所以，跳時最好帶備毛巾､內衣褲＆衫褲替換。亦因為冇冷氣既關係，所以出汗又真係勁多，變佐修身都快ｄ！有好有唔好啦∼不過，最唔好就係冇得沖身．．．．！我係非常大汗既人，所以都幾麻煩下，唯有每次入toilet 抹身，再換過晒內衣褲＆衫褲！
p.s. 佢有唔同既老師，不過，我覺得victor較好。
（唔好意思，唔係好記得佢叫victor/vicky定係。） happyvv 寫道:
剛剛睇完有線個休娛大腳板介紹好似好好玩,個tutor叫林佩佩,但係我上個佢個網都無寫幾多錢,唔知貴唔貴呢?我o係she.com度睇到o的comment又話佢o個度好多人學,所以好迫,唔知係咪呢?
真係好想試呀!
「真正的快樂---不是擁有得多,而是計較得少。」 :wave:
發表於 
返回列表
