論盡家傭今日: 1|主題: 134040

收藏本版

發帖

返回列表

跳至頁

查看: 1827 | 回覆: 4

長文慎入終於送走公主...... [複製鏈接]

PrettyKelly

複式洋房

積分: 444

1^#

發表於 17-1-17 09:39 |只看該作者 |倒序瀏覽 |打印

長文慎入
終於送走公主....

公主名： DAMEXXCO SHERXXLN TUTXX

佢有機會係香港或澳門搵工，我主要想將佢嘅工作表現同大家分享。希望各位留意，講真我唔支持你哋請佢，如果你想請工人做家務嘅話，你有大把嘅選擇。如果請佢照顧老人家，或者BB小朋友呢我真係堅決反對你，因為呢個人只會偷懶，疏忽照顧，累人累物。
工作表現細列如下：
1./ 長期冇記性 - 永遠都係第一日返工個靈魂係火星肉體去訂購一日都要捉住佢手睇住佢做行開一陣就即刻入房玩電話完全唔理
2./ 做錯事永遠唔覺得自己錯 - 係其他人唔啱，一句道歉都冇，亦都唔會改正。繼續我行我素，話佢就擔天望地，之後仲走咗去。無禮貌，唔尊重！
3./ 大嘥鬼 - 日日洗自已衫，連抓毛外套都洗。之後我限制洗衫次數，先減少左屋企嘅水費同埋洗衣液嘅用量。
4./ 懶惰 - 經常要坐，坐低就要食。食完早餐兩個鐘頭後又要食其他嘢，午餐後又要坐低食下午茶。一日起碼用5小時時間去煮食嘢。
5./ 叫佢放狗，根本就係佢出去休息喺出邊坐，坐夠時間先返嚟，當然唔少得玩電話。有次我突撃檢查，要佢唔好玩電話，要拎住狗袋行，佢可以發我脾氣話我癡線！
6./ 零愛心 - 見到老人家跌倒，唔識起身，佢竟然冇反應走咗去。出入見到老人家同小朋友都唔會主動開門，旨意人哋開門俾佢。
7./ 工作態度散漫 - 經常要重做，指派工作，如抹窗熨衫洗衫，睇少眼都出事，今日抹窗，唔乾淨，惟有聽日再抺過，啲衫洗得唔乾淨同熨衫皺唒之後要再做多次。試過件衫俾佢手洗，點知件衫裝飾甩色一達達，我問佢點解佢話係你件衫質量唔好所以會咁。我話之前另一個工人洗件衫都冇事，點解你洗先有事呀，佢話咁係我嘅問題唔關佢事，真係俾佢激死。
8./ 極度依賴 - 咩都旨意另一個工人幫佢做。我無提供食物，俾伙食費，佢咪老馮食人哋，又叫人幫手買米，唔使自己拎重嘢。
9./ 當正自己係公主，經常披頭散髮。逼住訂明每日要扎頭髮，如果唔係呢，就全日披頭散髮工作，亦都影響工作。
10./ 妹仔大過主人婆 - 覺得自己啱晒，自己大晒。佢高級過主人，我同佢講嘢，佢用背脊對我。完全冇尊重過我！
11./ 工人通病一定講電話 - 夜晚講電話講到唔願瞓覺，第二朝唔願起身。下午坐喺廚房偷懶瞌眼瞓。
12./ 洗頭指明用頭髮隔，因為頭髮長會令去水位淤塞。多次發現頭髮淤塞渠道，多次提醒亦冇改善。
13./ 呢個係佢私隱，不過要留意佢身體係有長期病患。佢亦都經常借意話自己好攰需要休息，啲工作拖得就拖或者盡量留俾第二個工人處理自己唔使做。
14./ 勁無禮貌，見到主人從來唔會講早晨，逢年過節「聖誕快樂」「新年快樂」全部都唔講。農曆新年更加唔會同你拜年啦⋯⋯

15./ 嫌棄主人，屋企雖有2個洗手間，但如果我用緊主人房，我先生就會用客厠。佢嫌我先生用完污糟，佢入去之後即刻出去，留返帶狗落街先去。等我另一個工人見到先清潔。自己唔會處理。
16./ 可能你會問有沒有打斧頭，係無。因為無俾錢佢保管，有咩叫佢買都單單清，無過夜。但另一個工人試過在家唔見錢，只係$20。同埋經常向其他工人借錢。

17./ 清潔馬虎 - 淸潔主人物品求其，hea做就算。連洗碗唔乾淨都照擺碗櫃。

當初請佢，因為上手僱主有推薦信，純粹個人原因解僱，工人表現不錯。

唉！點知瀨嘢！

Agent 叫我照寫信去入境處，佢亦唔會介紹工俾呢個工人。我知佢去咗中環一帶介紹所搵工。