吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 純分享懷孕同坐月期間做過啲人地話唔應該做既野 ...

懷孕前後今日: 8|主題: 330519

收藏本版

發帖

返回列表

跳至頁

查看: 2823 | 回覆: 24

純分享懷孕同坐月期間做過啲人地話唔應該做既野 [複製鏈接]

mandz

複式洋房

積分: 328

1^#

發表於 17-2-14 21:11 |只看該作者 |倒序瀏覽 |打印

生完兩個幾星期，諗返大肚個時真係無咩禁忌，可能另一半唔係中國人，所以無咁多唔做得，so far我成個孕期都幾健康同舒服，肥肚唔肚身，行得快過無大肚既人！

首先食方面，當然生冷野唔會喪食啦，但係都會間唔中食啲，雪糕，汽水，奶茶，芒果⋯樣樣都食啲；

而住呢，個個話大肚唔好搬屋，我4-5個月個時就搬屋，仲要係兩個人同朋友幾個人搬，一搬就搬左兩個星期，自己搬完再幫朋友搬，但係就盡量唔好搬重野；

而寵物呢回事，屋企有三隻大狗，係初期有啲鼻敏感，中後期已經無事，放狗放到入醫院個朝。

最後個仔出世都有七磅，痛左36個鐘之後順產，落返病房無耐就落床周圍走。

我諗大肚好睇個人體質，唔好樣樣野都太擔心，樣樣食小小，量力而為，保持開心既心情最緊要，咁樣就應該好好啦！

到依家坐月期間，繼續做好多老人家話唔好做既野，沖涼洗頭日日做，放狗，落街買野，上天台曬太陽（唔講唔知有人話係唔得架！），洗凍水⋯⋯暫時黎講仲係身體健康呀！

咁多位媽媽，我諗世界上無一套實岩既方法，搵到岩自己去方法，而自己又覺得舒服就得，唔一定要死跟傳統既！

0 0 0

私人傳訊

mytaktak

大宅

積分: 1324

2^#

發表於 17-2-14 21:18 |只看該作者

mandz 發表於 17-2-14 21:11
生完兩個幾星期，諗返大肚個時真係無咩禁忌，可能另一半唔係中國人，所以無咁多唔做得，so far我成個孕期都 ...

非常認同，我宜家20w, 除魚生雪糕驚有菌外，汽水辣嘢薯片朱古力乜都食，日日攬住我隻狗仔瞓

私人傳訊

dinosaurmum

水晶宮

積分: 59284

3^#

發表於 17-2-14 21:49 |只看該作者

有時係屋企老人家呢樣規定果樣規定，所以食都係偷偷食

私人傳訊

gtg435i

大宅

積分: 1804

4^#

發表於 17-2-14 21:56 |只看該作者

食medium-rare嘅牛扒，食tiramisu(有生雞蛋), 食零食, 熟海鮮, 飲咖啡, 茶,汽水, 著高争鞋, 跑步,

私人傳訊

mojoho

別墅

積分: 837

5^#

發表於 17-2-14 22:01 |只看該作者

食沙律牛扒雪糕薯片其他照做

私人傳訊

seaman1982

水晶宮

積分: 51853

牛年勳章好媽媽勳章醒目開學勳章畀面勳章環保接龍勳章大廚勳章

6^#

發表於 17-2-14 22:01 |只看該作者

回覆：純分享懷孕同坐月期間做過啲人地話唔應該做既野

我壞事做盡。
其實我唔介意人傳統，大家相信既論點都唔一樣，冇必要爭論對錯，唔好煩我就得。
我自己覺得，懷孕更加咩都要食，日後BB食物敏感機會先會低。懷孕更加要多活動，日後先易生。懷孕先要去街玩，因為BB出世有排唔得閒。懷孕更加唔好暴飲暴食，咪以為食得多B就會肥。懷孕咪立亂食咁多補充藥丸一大堆，講到尾都係化學野，現金社會資源豐富根本唔會唔夠營養。
我BB都兩個幾月，母女健康，幾個鐘就生左，生完幾個鐘已經走左去買早餐。

私人傳訊

EstrellaDamm

水晶宮

積分: 55381

7^#

發表於 17-2-14 22:11 |只看該作者

mandz 發表於 17-2-14 21:11
生完兩個幾星期，諗返大肚個時真係無咩禁忌，可能另一半唔係中國人，所以無咁多唔做得，so far我成個孕期都 ...

根據呢度好多人嘅標準，我根本冇坐月，不過我生完嗰個月雖然係自己湊B，但過得開心同精神。我覺得好大原因係我冇跟所謂坐月嘢。

我大肚時同普通人差唔多，一樣旅行行山，就算後期都經常四圍去唔使人陪。孕期亦冇跟中式戒口。

其實好彩我媽媽同老公都唔理傳統禁忌，所以我唔使聽咩說話。奶奶傳統啲，不過因為唔同住，所以唔使點理。