母乳餵哺今日: 0|主題: 85706

收藏本版

回覆發帖

返回列表

跳至頁

查看: 3098 | 回覆: 5

一顆堅定不移的心才是秘訣 [複製鏈接]

joetreemo

子爵府

積分: 14243

1^#

發表於 17-1-24 14:59 |只看該作者 |倒序瀏覽 |打印

本帖最後由 joetreemo 於 17-1-24 15:01 編輯

有兩個朋友，都係同我差唔多時間生Ｂ，但係兩個都已經放棄了。

朋友Ａ係富＆泵媽，每日奶量係可以多過ＢＢ食量，即每日都有奶儲起。因為ＢＢ３，４個大時，外國的家人急病，她飛左去照顧（約２星期啩）。於是就停左。ＢＢ食埋啲儲備就食奶粉。

朋友Ｂ係窮＆泵媽，坐月時只剛剛夠ＢＢ食用，返工後ＢＢ３個月左右，見自己泵唔夠，加上要成日出去見客，就停止了。

見到朋友的cases覺得好可惜。有時都諗，其實係自己在餵奶方面唔知點解有一股傻勁的堅持。　
我兩胎產假時都去過１０日旅行，縱使泵出黎既奶唔要，都要自己keep住泵，返到香港就可以照餵，就算奶量少左，都可以追。
我上胎都係窮媽，返工要泵之後都唔夠阿Ｂ食，但我都照泵。直到１歲，唔想再在公司泵奶，我都仍然堅持晚上埋身，放假埋身的生活，都持續左３個幾月。

其實放棄真係好容易，堅持才需要更大的勇氣。
睇番朋友既case，可能埋身會比泵容易堅持，因為睇住ＢＢ啜果份親密的感覺是可以抵消好多苦楚，幫助媽媽面對困難。

奶媽路真係唔易行，瞓得少，面對既難題好多。多得ＢＫ呢個母乳版，大家分享左好多難題同解決辦法。言談之間，原來朋友Ｂ係無諗過買２sets part，一set放在公司，一set放屋企就唔洗返工放工拎住套泵周圍走！

所以多謝呢度啲媽媽，都鼓勵mothers-to-be多啲刨文。

鏗鏘集　<--- 希望呢套鏗鏘集可以幫到大家堅持！

0 0 0

私人傳訊回覆引用

cyyw

複式洋房

積分: 445

2^#

發表於 17-1-24 15:36 |只看該作者

多謝分享, 我都好感恩可以做全職媽媽所以成功全母乳, 如果要返工, 真係會放棄.

同埋親喂真係可以同bb親密好多, 我bb一出世時唔係好親近我, 講真我對bb亦無話好愛嘅感覺, 甚至頭一兩個月因為好辛苦所以有啲嫌棄佢搞到自己咁辛苦.

但到依家五個月大時, 大家嘅連繫真係慢慢越嚟越多, 我雖然唔係好溫柔服侍得佢好舒服, 但你就開始感受到佢對你嗰種信任, 真係無價.