夫婦情感 今日: 10 | 主題: 42704

積分: 3

1^#

發表於 04-9-16 10:18 |只看該作者

心痛

本人結婚幾年,有二女,最近知道老公在大陸有一女人已四年,而且還大肚,老公想要,但他說我的生活一樣,會待我好,
但有一問題係他要我離婚同那女人結婚才可給bb名份,
可不可以話我知大陸法律是不是這樣的?
如你是我又會點?如那女人得到名分又會點(因她早知他已結婚)?

私人傳訊

may_chan_

複式洋房

積分: 234

2^#

發表於 04-9-16 10:54 |只看該作者

Re: 心痛

sadwoman1
你老公緊係痴上腦，點解你要為左呢個女人既ｂｂ同佢離婚呀，我係你就nononononononox9億萬次，你好諗定自己既後路添呀，呢ｄ一腳踏兩船既男人，唔死都冇用呀！！

私人傳訊

mayiiis1025

積分: 8

3^#

發表於 04-9-16 10:56 |只看該作者

Re: 心痛

sadwoman

首先我想問一問...妳絕對不介意老公分一半給人嗎??
但重點是分分鐘妳連一半都冇份...因如果妳老公同大陸
個女人結婚生仔第日咪可以申請佢地母子到香港定居....
還有間中個女人申請到香港自行2個月住在妳家..妳又
點忍呢??? 還有還有...相信大家做媽咪都知道..產後老公
特別緊張個bb&老婆...這時候一定會減少對妳的愛...但佢
地不知幾好一家3口開開心心...妳真係不可太心軟接受
妳老公意見"離婚" 因妳老公實在太自私....
妳問下佢一句如果妳在香港有第2個男人還有了第二個男人骨肉(bb), 跟住妳說妳這一生這一世都很佢.....問佢得唔得.
妳叫妳老公將心比己....唔好那麼自私...現在應該想一想是否要與大陸個女人分手...根本個女人一早知道妳老公有結婚..
現在大了個肚..佢自己要承擔這個責任. 不是要妳作犧牲品.

私人傳訊

靚靚媽媽

積分: 5088

4^#

發表於 04-9-16 11:25 |只看該作者

Re: 心痛

咁你自已本身想分開定繼續同老公一齊，如果分開你就要諗下自已跟住既路應該點行，如果你仲想同你老公一齊就要你老公做決定，要你同兩個女定要大陸個女人（如果揀你你就要收起回鄉證，或者定時要報到等），千其唔好俾老公享齊人之福！

政直明月耀安康
南極星輝照長蕎

私人傳訊

liwoodma

子爵府

積分: 13356

5^#

發表於 04-9-16 11:31 |只看該作者

Re: 心痛

你老公簡直離晒譜, 你都係諗定將來怎打算好d啦!

[img align=left]http://www.pau.com.hk/liwood/IMG_0764.gif[/img]Liwood Ma Ma [url=liwood.pau.com.hk/gallery]MyBB Album[/url]

[email protected]

私人傳訊

garytai

積分: 2920

6^#

發表於 04-9-16 11:34 |只看該作者

Re: 心痛

你老公真係咁衰既, 我覺得自己做錯野仲要要求呢d, 太過份啦, 一d都冇理你既感受, 好令人氣憤

睇下你仲想唔想同佢一齊啦, 我覺得你今次順得佢, 佢下次就會話申請埋個女人落黎香港, 一齊住???咁咪仲得了既!!!

真係千祈唔好俾你老公享齊人之福呀!

私人傳訊

ho_mama

珍珠宮

積分: 37752

醒目開學勳章

7^#

發表於 04-9-16 11:42 |只看該作者

Re: 心痛

Sadwoman1,

請恕得罪! 我覺得你老公跟本就係 "tum" 你落搭, 等你自願同佢離婚, 一來可以正式要大陸果個女人, 唔駛怕你告佢重婚, 二來佢又可以慳翻筆膳養費, 一舉兩得, 到果時我估佢就逃之夭夭, 仲會彩你咩! 嘩! 佢都算衰囉, 話唔定係果個女人教佢添呀! 我係你, 緊係死都唔制啦, 起碼等佢地兩個唔駛正式響埋一齊得咁易, 而且你先至係元配, 係法律上亦只會承認你, 保障你, 他朝 touch wood 分開時, 只有你可以分佢一半身家, 要佢日後比膳養費你地3母女.

不過, 既然你老公竟敢咁樣同你開口講, 佢個心響邊處相信你都已經好明白, 你最好都係要為自己同兩個女既未來打算下, 睇黎你老公都係靠唔住架啦!

私人傳訊

GELGEL

積分: 1155

8^#

發表於 04-9-16 12:02 |只看該作者

Re: 心痛

我都好讚同ho-mama的講法, 其實你若果今次忍佢, 唔代表佢唔會有第二orxxxx次架, 又或者更離譜的要求, 所以我覺得你應該問自己想點, 係咪一定要靠佢, 你自己有冇野做呀?

私人傳訊

該用戶已被刪除

9^#

發表於 04-9-16 12:24 |只看該作者

Re: 心痛

提示: 作者被禁止或刪除內容自動屏蔽

私人傳訊

tuenyima

積分: 3713

10^#

發表於 04-9-16 12:27 |只看該作者

Re: 心痛

你只要拎出你地o野結婚証書,就可以上大陸告佢! 問題係你係咪仲愛你老公,愛到可以同佢離婚成全佢同個女人. 呢種男人唔駛恨!

[img align=left]http://onfinite.com/libraries/487250/185.jpg[/img]

我愛小端宜 :-D

私人傳訊

annlee

侯爵府

積分: 24939

母親節2025勳章 2025勳章蛇年勳章 2024年龍年勳章 2023年兔年勳章牛年勳章 2018復活節勳章開心吸收勳章最關心BB問題熱投勳章畀面勳章

11^#

發表於 04-9-16 12:28 |只看該作者

Re: 心痛

han@happyforever 寫道:
sadwoman1﹕
點樣都好~!!~依家最梗要保障自己同2個囡囡先...離婚連唯一保障都冇埋嫁喇~!!~佢話會對你好...到時點都冇人知?!?!

如果你唔離婚...大陸bb就冇戶口...祇可以跟個女人戶口...變左係私生子...但係佢係大陸住都冇影響...除非佢要申請2母子黎香港...但係依家個bb都可以驗dna申請過黎...祗不過手續麻煩少少...要申請實申請到落黎...所以你可以唔駛理!!!

如果你唔離婚而佢自己搵律師幫佢做張"寡佬証"係大陸再結婚...你即時可以告到佢"甩褲"!!!

所以...千其唔好離婚住...如果唔係真係冇野可以保障到你同囡囡...除非你地傾好晒以後既生活費(搵律師見証)...千其唔好佢把口話點就點......

很認同講法，你試想一下，當初結婚我想佢都有承諾對你好，依家佢已投向別人懷抱，你還相信佢對你作出的承諾嗎?

私人傳訊

yane

複式洋房

積分: 232

12^#

發表於 04-9-16 12:28 |只看該作者

Re: 心痛

sadwoman1
你知唔知你老公系想你离然后拿張寡佬紙返去大陸合法結婚呀.
你認為你老公會不會回頭呀..不過回頭也難保無第2次...
你知不知個女人個肚有几個月呀.如果仲細..你可以報警(公安)因為她無結婚..被包做二奶怀孕犯法架..
拉到要落左拒架,仲要坐監..最好問下大陸個邊點講..
不過要想想后果你..我覺得最好暗地調查.報警..
我想個女人坐左監..應該唔會返轉頭啦呱...

私人傳訊

Khas

積分: 3441

13^#

發表於 04-9-16 12:43 |只看該作者

Re: 心痛

sadwoman1
大家都係女人,我都好明白.相信而家心情又恨佢但唔捨得離婚.但是佢都開左口離婚,愛你都有限o拉.如果係我我會傷心一陣之後就要死心.然後收拾心情計劃以後3母女生活既o野.因為就算第日佢可以唔要個大陸女人,我都唔會再同佢一齊.所謂一次不忠百次不容,今次就去到講離婚既地部,好番之後下次又黎過傷得幾多次喎.況且一齊以後心裡都有條剌.自己又辛苦,一樣都會影響到囡囡.不過咁,我都唔會益佢o地要有名分咪等幾年先law,唔會離婚,只會分居.重要佢比生活費.記得搵律師攪.連埋囡囡撫養權做埋清清楚楚,免第日煩o拉.成件事係佢o地錯無理由要你承擔咁多ma!

私人傳訊

Mummy

積分: 5874

14^#

發表於 04-9-16 16:02 |只看該作者

Re: 心痛

恕我直言, 你老公係唔會返轉頭架啦, 不過佢唔想攪分居咁耐, 直接離婚會快D, 咁就可以同上面個女人結婚。計我話, 大家關係已經去到講離婚既地步, 你拖落去其實盞雙方痛苦, 不如你叫你老公一筆過比筆錢你, 跟住叫佢消失, 個個月比? 係~ 可能頭果幾個月佢都會比, 之後佢話開支大左好多, 要養佢老婆同BB, 比唔到, 唔比你咬佢食? 同埋我絕對相信佢上面果個女人, 連有婦之夫都攪上的話, 佢下一步計劃就係將你老公同你斷絕關係, 一個崩都唔會比你, 唔好話我話。一筆過起碼挖佢一筆先, 到時有舊錢係手, 你同兩個女霎時間都唔使咁旁惶, 以後日子再作打算, 趁佢而家好聲好氣tum你離婚話會照顧你生活, 你即管開出這個條件, 睇下佢點。

美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE

私人傳訊

朱古力

積分: 5657

15^#

發表於 04-9-16 16:18 |只看該作者

Re: 心痛

sadwoman1,

醒一醒喇!佢未出世既BB要名份,唔通你兩個女就要送個爸爸比人咩.
問清楚佢想點,如果你唔同佢離婚,佢又會點.

私人傳訊

哥頓媽

積分: 121

16^#

發表於 04-9-16 16:19 |只看該作者

Re: 心痛

首先, 大陸一樣可以有私生子, 就算要比錢買個'戶籍'係非常易既事, (有大把事例), 但就算佢依家無話離婚, 個女人遲早比壓力佢, 往後日子唔會好過

的起心肝靠自己諗定後路啦, 仲有兩個女要你照顧, 將來個女大咗都會以你既堅強做榜樣, 有咩唔開心就上黎分享下, 我支持你, 撐住呀!!!!

私人傳訊

monchan

積分: 7751

畀面勳章

17^#

發表於 04-9-16 16:50 |只看該作者

Re: 心痛

sadwoman1,
佢地咁做....巳經係通姦ga la,狠心d返大陸告佢地....一定會坐監...唔好心軟呀！呢d仆街(狗男女)嘅說話信1/3都死呀 :evil:
名份？.....你叫佢地諗都唔好諗呀~喂....一個有老婆嘅男人,你同佢搞埋,都預咗冇結果ga la,而家仲有埋bb....分明係陰謀論 :evil: 你老公咁同你講,分明係tum你落答.....得手咗咯~咪.....自動失踪,人間蒸發lor

到時.....你有你死,佢有佢返二奶屋企 :evil:
千祈唔好應承佢每個月"漸進式過水"呀....佢既然咁對你,你都要為兩個女日後着想.....一於how佢一筆 :evil:
一句講晒......個死佬對你不忠在先,記住~佢講乜嘢都唔好信佢呀.....唔好心軟呀！對佢仁慈,即係對自己殘忍

好好計劃吓以後行嘅路啦.....兩個女都好需要你ga

我相信呢度每位媽咪都會撐你ga

私人傳訊

哥頓媽

積分: 121

18^#

發表於 04-9-16 16:59 |只看該作者

Re: 心痛

我同意monchan, 對佢仁慈等於對自己殘忍, 對兩個女仲殘忍
我親眼見實例, 嗰個賤佬唔單止帶個仔見個二奶, 仲叫個仔稱呼佢個 ' 細媽咪' , 你要幫對女設想喎!

私人傳訊

溫柔