自由講場今日: 101|主題: 1352406

收藏本版

發帖

返回列表

跳至頁

查看: 591 | 回覆: 8

而家經濟好好, 點解比錢買野都要比人鬧?? [複製鏈接]

Cloudy007

複式洋房

積分: 455

1^#

發表於 08-12-22 18:01 |只看該作者 |倒序瀏覽 |打印

今日入左間鞋店, 諗住買返對boots, 點知就一肚氣! 其實間shop唔係好大, 當時有6-7人喺度揀鞋, 我揀左一對之後, 就叫sales幫我攞size, 點知個sales聽完我講, 望左我一望(無應我, 又唔知有無望清楚係咩款), 就繼續話: 唔該試左款先好叫攞size!
隔左一陣, 我怕個sale唔知有無幫我攞(因為由頭到尾佢都無應我!), 於是我就話: 唔該, 想問對boots係咪攞緊??

點知, 個sales就即刻連珠發炮: 攞緊啦! 啡色boots吖嘛! 得一個人做嘢乍(得佢睇shop, 然後另一個男人去攞size!), 個個都要等架啦! (呢個時候, 我已經好嬲, 我問一句啫! 駛唔駛咁多嘢講? 但我都無出聲!) 之後佢繼續: 淨係你一個人喺度等, 呢度個個人都喺度等緊啦, 你估d鞋一攞就攞到咩! 係要等架啦.......

終於, 我真係忍唔住, 話番佢: 我問一句啫! 你駛唔駛咁多嘢講呀?
sales: 我係話比你知要你等啫!個個都等緊啦啦!
我: 我無話唔等, 我只係問下你係咪攞緊啫!
sales: 你駛唔駛咁嬲呀?
我: 我緊係嬲! 我只係問你一句, 你就"e e our our"咁耐, 我又無話可以等!
sales: 係你喺度嘈乍, 你問下呢度d人!!!我已經答咗你話攞緊啦, 你仲喺度嘈!!!
(跟住個攞鞋的男人出及來, 問咩事, 佢仲同個男人講話: 佢(即是我)話要佢等喎!!!!

呢個時候, 我已經嬲到一肚火, 我話唔係我嘈, 我只係問左一句嘢啫, 亦無嫌要等, 你唔好將自己的忙發洩喺d客的身上!

sales: 係你喺度嘈乍! 你駛唔駛咁嬲呀??

跟住我就嬲到即刻走, 臨離開前, 有位睇鞋的小姐拍拍我, 然後背住個sales用口形同我講: 係佢唔啱!! 叫我唔好理佢!!!!! (證明, 公道自在人心!)

離開後, 我喺度諗, 咩而家d經濟好成咁, 買嘢都要比人鬧??? 而且, 我知呢個sales(中年c9)最多只係做左幾日(因為我成日都經過呢間shop), 咁對客, 佢唔怕被人炒左之後無嘢做???