吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 奶奶, 外母, 一定係唔好

婆媳關係今日: 0|主題: 27759

收藏本版

發帖

返回列表

跳至頁

查看: 2640 | 回覆: 16

奶奶, 外母, 一定係唔好 [複製鏈接]

stevetso

複式洋房

積分: 290

1^#

發表於 09-1-4 15:28 |只看該作者 |倒序瀏覽 |打印

我發現我同老婆互相指摘互相媽媽不是.

i.e. 我話老婆阿媽不是. 老婆話我阿媽不是.

因為剛生左BB, 呢老位阿媽都係有問題的.

我又要返工, 又要理屋企野, 仲要處理外母, 真係好煩.

好似外母成日話我唔識湊BB, 我心諗"你食x啦:. 我同老婆上足BB護理班, 我有幫餵奶, 掃風, 換片, 沖涼....(重點係我有請工人, 有好多野我可以選擇俾工人做).

我阿媽就成日話要睇BB, 仲要係突然上黎, BB訓緊, 佢返屋企同我細佬話好唔開心, 只係見到BB訓覺. 我叫佢中午左右上黎, 因為中午係BB沖涼時候未可以見到BB張開眼lor. 講又唔聽, 話又唔開心..

好鬼煩同辛苦, 上黎申下..^_^

0 0 0

私人傳訊

Leomummy

男爵府

積分: 7723

2^#

發表於 09-1-4 16:09 |只看該作者

屋企多咗小朋友，老人家通常都會係咁，好鐘意搬返幾十年前既湊仔經驗出嚟教訓後背，但又記得d唔記得d，最重要係當年佢哋咪又係乜都唔識慢慢咁去學，又唔知佢哋當時又係唔係咁猛咁俾人批評呢？算罷啦，佢有佢哋講，你哋有你學習點樣照顧 bb，唔駛理咁多﹗兩公婆最緊要係互相體諒，好似我同我老公咁，我都會批評佢媽，佢亦一樣，總之對方呻既時候，耐心 d 聽吓，等大家有得宣洩吓，感情都和諧 d ﹗

私人傳訊

麟媽媽

王國長老

積分: 87305

好媽媽勳章王國長老

3^#

發表於 09-1-4 16:28 |只看該作者

bb 出世身邊一定好多人比意見，
你外母同亞媽都係緊張個孫啫，
佢地講左咩野你應左就算，
唔使咁上心，最緊要學習點好好照顧BB。

私人傳訊

stevetso

複式洋房

積分: 290

4^#

發表於 09-1-4 16:35 |只看該作者

原帖由 麟媽媽 於 09-1-4 16:28 發表
bb 出世身邊一定好多人比意見，
你外母同亞媽都係緊張個孫啫，
佢地講左咩野你應左就算，
唔使咁上心，最緊要學習點好好照顧BB。

我成日都串我外母, 因為佢响親戚背後講我唔識湊BB.超, 佢黎幫手咪都有野唔識.

私人傳訊

蜜棗

子爵府

積分: 11426

睛靈勳章畀面勳章 BK Milk勳章

5^#

發表於 09-1-5 13:04 |只看該作者

steve
其實我同你面對同一問題,想同你分享吓.
唔同在於..我唔鐘意我奶奶,我老公唔鐘意我亞媽
其實..我好唔開心
我出院第二日已經喊住搬返自己屋企.(我奶奶迫到我就嚟顛)
返到屋企媽咪都好幚我.但揍到11月突然開口resign通知期都唔比.我同我老公真係企咗喺度,搞到我哋宜家佢睇bb早上,我就負責晚黑(大家返工時間有別!工人要2月中先到)

我好憎佢亞媽,我坐月嗰時成日喊.身邊人全部要我去睇醫生,覺得我產後抑鬱.我唔肯睇.我要堅持..但原來要寬恕一個人係好難..真係好難.我唔想再見佢亞媽,亦都唔會比我個囡見佢.
我老公又同我一樣,唔準我個囡再見我媽咪

其實我有諗過唔好再憎佢(我奶奶)但我做唔倒,真係做唔倒...
我亦冇要求過我老公唔再嬲我媽咪

呻吓..

爆愛車縫作

私人傳訊

莎莎莉莉

伯爵府

積分: 17389

好媽媽勳章

6^#

發表於 09-1-6 10:26 |只看該作者

原帖由 麟媽媽 於 09-1-4 16:28 發表
bb 出世身邊一定好多人比意見，
你外母同亞媽都係緊張個孫啫，
佢地講左咩野你應左就算，
唔使咁上心，最緊要學習點好好照顧BB。

其實唔好話bb, 有d人係鍾意少少野都要俾意見
係果d自己認為啱晒的意見

私人傳訊

麟媽媽

王國長老

積分: 87305

好媽媽勳章王國長老

7^#

發表於 09-1-6 11:27 |只看該作者

係吖！BB 細個時旁人好多意見，
點餵奶啦、點掃風啦、點煲飯仔啦.....
到個仔一路大，上到小學，
仍有好多人會比意見，
話管得太嚴又有、話你管得太鬆又有！
學業上有意見、運動上有意見、
什至飲食習慣都可以有意見既，死未？！
所以，有道理就聽吓，
無聊聊既>>左耳入右耳出！！

原帖由 莎莎莉莉 於 09-1-6 10:26 發表

其實唔好話bb, 有d人係鍾意少少野都要俾意見
係果d自己認為啱晒的意見

私人傳訊

Cat1218

大宅

積分: 1690

8^#

發表於 09-1-6 11:53 |只看該作者

原帖由 麟媽媽 於 09-1-6 11:27 發表
係吖！BB 細個時旁人好多意見，
點餵奶啦、點掃風啦、點煲飯仔啦.....
到個仔一路大，上到小學，
仍有好多人會比意見，
話管得太嚴又有、話你管得太鬆又有！
學業上有意見、運動上有意見、
什至飲食習慣都可以有意見既，死未？！
所以， ...

無錯呀~99同自己媽咪俾多意見,佢地始終係我地親人,幾唔鍾意佢都好.我試過有次係e院陪bb打針,等緊期間bb瞓著左,突然間有個女人行過指住我話"你唔識揪bb呀,瞓左都唔幫個仔盖被,一陣凍到佢發燒呀!!!!!!"嘩~我當場呆左,佢老板呀!!!!!!同佢非親非故大大聲聲話我,真係好興,隔離d人都睇唔過眼指住個女人搖頭,我老公去完洗手間番過來見到我呆左,我講左俾佢聽,點知我老公仲興,想起身衝過去爆個8婆,我話算啦,呢度係e院,跟住我老公係咁係度鬧個女人..

私人傳訊

maggiechow

大宅

積分: 2616

9^#

發表於 09-1-6 15:34 |只看該作者

湊得幾好都有說話聽！

原帖由 麟媽媽 於 09-1-6 11:27 發表
係吖！BB 細個時旁人好多意見，
點餵奶啦、點掃風啦、點煲飯仔啦.....
到個仔一路大，上到小學，
仍有好多人會比意見，
話管得太嚴又有、話你管得太鬆又有！
學業上有意見、運動上有意見、
什至飲食習慣都可以有意見既，死未？！
所以， ...

仔仔06-12-2003出世

私人傳訊

stevetso

複式洋房

積分: 290

10^#

發表於 09-1-6 22:26 |只看該作者

原帖由 Cat1218 於 09-1-6 11:53 發表

無錯呀~99同自己媽咪俾多意見,佢地始終係我地親人,幾唔鍾意佢都好.我試過有次係e院陪bb打針,等緊期間bb瞓著左,突然間有個女人行過指住我話"你唔識揪bb呀,瞓左都唔幫個仔盖被,一陣凍到佢發燒呀!!!!!!"嘩~我當場呆左, ...

我都會鬧個D女人, 個女人係乜水呀, 我點湊關你x事, 你可以提點, 唔可用有語氣咁話我老婆.

私人傳訊

sharonhwyc

珍珠宮

積分: 35570

好媽媽勳章畀面勳章

11^#

發表於 09-1-6 23:44 |只看該作者

如果真係同一句野講得多,
比我會回應佢：
係啦，你講左好多次啦！
你呢個情況或者可以再加多句：
第一次係咁上下架啦！

因為真係好鬼煩，
有次我９９係咁叫我仔剪頭髮、剪頭髮
我頂佢唔順，惡惡地咁答佢：
鬼唔知咩！
佢即刻冇聲出～
唔出聲佢仲以為自己好有權威～～

郁D就起晒鋼, o係論壇好難生存架, 學下大方d接受人地建議, 唔好咁小家!

私人傳訊

Cat1218

大宅

積分: 1690

12^#

發表於 09-1-7 00:39 |只看該作者

原帖由 sharonhwyc 於 09-1-6 23:44 發表
如果真係同一句野講得多,
比我會回應佢：
係啦，你講左好多次啦！
你呢個情況或者可以再加多句：
第一次係咁上下架啦！

因為真係好鬼煩，
有次我９９係咁叫我仔剪頭髮、剪頭髮
我頂佢唔順，惡惡地咁答佢：
鬼唔知咩！
佢即刻冇聲出～
唔出聲 ...

私人傳訊

josephts16

洋房

積分: 90

13^#

發表於 09-1-7 11:53 |只看該作者

婆媳關係當中, 我覺得做老公既, 中間人既角色真係好緊要.
我自己成日同我老婆講, 你同我媽有d咩唔啱, 唔好自己同佢嘈, 有咩事記得同我講左先, 始終我係佢個仔, 就算同佢點嘈都好, 兩母子唔會有隔夜仇, 同埋反正我不嬲都係反叛開果個, 等陣你同佢撐, 大把說話你聽啦.
所以, 有d咩事, 唔係好大鑊既話, 我老婆都會聽佢講左先, 有d咩事唔會理既, 同我講左, 跟住我放工返到屋企, 就會做返場大龍鳳, 跟住有d咩咪等我講左算囉. 尤其關於阿b既野, 跟住佢最後會講句, "但阿媽話點點點點點...." 跟住我就會話返佢一句, (其實係順便話埋比我媽聽的

) "咁而家邊個係佢老豆呀?" 跟住就咁完場... 咁樣, 又可以達到我地想點, 又可以避免左婆媳大戰, 兼且又可以比我媽覺得我老婆同佢係同一陣線.

同埋我覺得, 有時錢解決到既問題, 就唔好鬼慳果d錢喇, 尋晚食飯, 我媽話想商量, "好唔好唔同個工人續約, 家頭細務等我老婆做?" (我老婆當時唔在場, 因佢而家全職湊仔, 無做野...) 跟住我同我老豆都異口同聲話: "緊係唔得啦!" 我話, "媽, 我想返到屋企有啖飯食下, 有碗湯飲下乍, 你搵你新抱搞, 即係想大家無啖好食姐..." 我老豆就話, "佢一個人邊搞得掂呀..." 事實上我老婆就係果d夠膽死煮晒餸都未煮飯果d人來的. 跟住我話, 最多佢份人工我夾大份d囉... 如是者又搞掂. 講真, 作為男人, 我都好想享受下三代同堂果份天倫之樂, 同埋返到屋企安安靜靜唔駛煩咁多野既...

私人傳訊

catlover2001526

大宅

積分: 1871

14^#

發表於 09-1-7 14:31 |只看該作者

你果然好識做，你老婆真幸福!
我就慘喇!
我老公多數會同我講﹕阿媽話咁，唔通我話唔好咩?????
我就黎谷爆，真係遲早炒一鑊!

原帖由 josephts16 於 09-1-7 11:53 發表
婆媳關係當中, 我覺得做老公既, 中間人既角色真係好緊要.
我自己成日同我老婆講, 你同我媽有d咩唔啱, 唔好自己同佢嘈, 有咩事記得同我講左先, 始終我係佢個仔, 就算同佢點嘈都好, 兩母子唔會有隔夜仇, 同埋反正我不 ...

私人傳訊

ChanEmma

別墅

積分: 588

15^#

發表於 09-1-7 14:45 |只看該作者

樓主, 呢個家係你地兩個人的, 試吓大家企響同一個立場去面對對方亞媽, 有咩就自己開聲同自己亞媽講, 你老婆唔滿意你亞媽, 你就要負責開聲同你亞媽講, 你老婆都係一樣, 佢亞媽有咩問題, 就叫佢同佢亞媽講, 咁樣會好d..
例如, 你外母話你唔識揍B, 你老婆就應該要出聲話佢亞媽 "呢個年代唔同, 我覺得老公揍得仲好過我"
你亞媽話你老婆, 你就要出聲 "唔係呀, 我覺得佢做得啱呀, 我都會咁做"
至於你亞媽唔聽話, 係都要響BB瞓覺時間先上黎, 你同佢講, 佢唔聽, 你咪同家人單聲, 如果佢再同其他人呻話見唔到 BB 醒, 就叫佢地出聲提議BB沖涼時間先黎睇... 如果屋企有個比較有牙力的人就更好... 佢唔會再講野...