夫婦情感

收藏本版
發帖
返回列表
跳至頁

首頁
1

尾頁
   0
beepaul2007


大宅

積分: 2298


1#
發表於 08-12-31 18:18 |只看該作者
唔知點解,我覺得同我老公感情越來越淡,成日都好似好想同佢分開下過一些新生活咁,但其實我的家是好完整的,同老公拍拖5年之後結婚,結婚9年後今年剛生咗一個囡囡,依傢她3個幾月大,我同老公都好踢佢,由拍拖,結婚,到生bb佢對我都好好,佢怕我辛苦都駛多d錢比我係仁安開刀生,生完又擺成10圍滿月酒,身邊亦好多親戚朋友買嘢比亞b,一浪接一浪嘅開心,有時都覺得好幸福,重諗住過2年生多個,但最近有幾件事加加埋埋令到我好唔開心,成日個心好唔舒服,成日覺得唔想再理我老公d嘢,好想放生佢,同埋好似好多嘢我唔想同佢溝通咁,重好想過一些新生活,覺得依傢好辛苦,我唔知係咪有產後抑鬱呀,最近尼d感覺好強烈,好想哭...
(1)我一向都唔要求我老公送生日禮物,情人節禮物等...因我怕佢買咗d唔等駛嘅嘢,我唔鍾意嘅嘢浪費金錢,我亦唔鍾意驚喜,所以最近尼幾年我都係叫佢比錢我,,到我有嘢想買時,我自然會買,再講,佢做嘢好忙,唔想佢浪費時間諗買咩比我,係聖誕節,我諗住佢為咗我生bb都用咗唔少精神,時間同金錢,所以我都有買禮物比佢同亞b,諗住比驚喜佢,但佢收到後,係超平淡,我唔覺得佢係開心,我唔明,我都無禮物收啦,我都唔介意,佢有得收都唔比d好嘅反應我,我好down 同唔開心 呀 !
(2)一向我地協議咗唔可以借錢比人,無論家人定朋友,因之前我老豆想借佢都唔借,但係半年前,佢話有個(生意上嘅朋友)同佢借錢用來生意周轉,借幾萬蚊分6個月時間還,照銀行息比我地,都係得一千幾佰咋,我都唔恨,因我唔想用幾萬嚟博一千幾佰,到時無得還點算,佢講咗幾次,我都決意唔淮佢借,但佢話如果唔借會影響佢地係生意上嘅合作(佢地係判頭關係),佢又實牙實齒話人地係幾間舖嘅老闆,唔會唔還,我知佢都係要面子,所以講明今次借咗,一有遲還或者差池,以後都唔駛指意,點知第2個月已經遲還錢,我就比壓力我老公,佢反而吵返我轉頭,"同你借錢真係慘",我聽到火都嚟埋,天呀呢個咩人嚟傢,手指向出唔向入嘅,之後佢仲話叫我唔好理佢d嘢喎,自始之後我成日好想同佢分家賣咗層樓,分一人一半,以後佢鍾意點就點,我唔想理,我都唔明,我都係為佢好者,佢之前已經試過借幾次都係無得收返,佢就話我依傢已經唔係以前嘅我,重成日話我提佢以前,但係事實比我睇到佢係同以前無分別,人地遲還佢都唔敢追人,
依傢仲有2萬尾數未還,原本係新年前要還哂,依傢又話有d問題要新年後喎,又唔知玩咩啦,我對佢好心灰,心疲倦.
(3)一向老公d衫都係我同佢買嘅,一向都好地地,
近排佢成日好話我點解全部衫都係 V 領,因佢係like 著白底衫打底,可以吸汗喎,所以我果d V 領衫就傘唔到佢D底衫,咁事實我覺得依傢好多型衫都係V領傢啦,仿且V領著得個人型格D,佢偏偏話V 領衫好似基佬衫喎,
我聽完好嬲,叫佢唔 LIKE 全部燒哂佢啦,唔好再煩我啦,
我已決定以後唔會同佢買衫,我一心想同佢執正D,
佢都唔令情,我真係唔想再理佢D嘢.
(4)好多時我去邊都好,我老公都想接送我,通常如果要過海或好遠我先叫佢,但真係唔知點解次次我唔約佢,佢就好得閒,佢一約咗我要接我,佢D電話就排住隊嚟,突然間佢D客又要找佢做嘢(佢係做工程嘅),次次都係咁橋傢,我知老公唔係找藉口唔接我,但因為咁我成日就要係條街到等佢1頭半個鐘,我等佢我都已經唔介意,因我可以街下街睇下嘢,因為佢次次咁橋,攪到佢次次好趕,好緊張,佢就成日呻,次次約我都係咁,趕頭趕命,又怕我閙佢耐,越趕時間個客就越多要求喎,做到個人都忟哂,
大佬我都唔想傢,所以依傢我去街都唔想同佢講,亦唔想佢嚟接我,我覺得好辛苦,任何事都唔想再指意佢.
(5)由於工人要揍囡囡,佢又初嚟幾個月唔識買餸,平日我要返工,星期日我同老公都要揍B,唔方便去買餸,所以我只好星期六,一個女人拉架買餸車去買一個星期餸,
講真,我一個人去買真係好辛苦,好多時街市又好人,
我又要拉車仔,好唔方便,有時撞到人又比人閙,一個星期餸+日用品都幾重傢,初時我老公都會同我一齊買,
依傢我見佢咁忙,都唔敢叫佢,諗住我自己辛苦D都唔緊要啦,咁都要食傢,唔通日日出街食咩,但係又係好多時佢諗住果日得閒D可以同我去買,就偏偏又有突如奇來嘅電話,又買唔到,所以我依傢唔會期望佢得閒,我自己買,唯有同菜檔熟D,我可有地方落腳,唔駛拉架車仔四圍走,但菜婆同豬肉婆成日見我買咁多餸都無人幫,有時諗返人地都唔知會唔會以為我無老公,好似好陰公咁,
總之好多嘢,近排加加埋埋,我真係好唔開心..
我唔知係咪真係有抑鬱証定係我有問題....
私人傳訊

beepaul2007


大宅

積分: 2298


2#
發表於 08-12-31 18:53 |只看該作者
~繼續~
(6)佢成日都想投資,又話想買唐樓分租,又可等政府收樓時,有得賠,又話想買寫字樓收租,總之佢有好多諗頭,咁多年嚟我BAND 咗佢好多次,因我個人係好穩陣,唔鍾意博,更何況之前我地重係供緊樓,又未生BB,所以我好反對佢拿積蓄嚟投資,負資產點算,佢就成日話我阻住佢發達,樓價升時佢又話如果我聽佢講依傢就賺幾多幾多,大老佢次次都用最低買入價減去高峰期嘅價梗係賺啦,到你買咗時,又會唔會係最高價時買得出呀,好似依傢咁底迷,又唔諗下如果之前真係入咗貨,而大貪無放到依傢咪做蟹囉,佢唔識咁諗傢喎,我最憎聽到佢話我阻住佢發達,我話你唔比唔係我,你可能已經無哂D錢呀,超心淡,我都話唔係你錢唔入你袋,唔好恨.
(7)我依傢星期六,日,放假都係要揍囡,個人完全無哂娛樂都唔緊要,最緊要係老公明白我,但係我覺得係完全唔明白我囉,我個心諗咩,佢係唔知傢,重成日懶係了解我,點之係諗錯哂,我真係覺得我地越來越大距離......
私人傳訊

kawing210


複式洋房

積分: 334


3#
發表於 08-12-31 19:19 |只看該作者
純粹我個人意見~吾岩可以吾理~
其實我覺得問題未必系你老公度丫~
1)送禮物個度~你老公冇反應吾代表佢系吾開心~可能佢個心好sweet~吾會表達出黎姐~人大左就可能系甘~或者佢好"支力"呢~我老公都系咖~我送聖誕禮物同生日禮物比佢佢都一d反應都冇甘~但我同你做法吾同啦~我會問佢:(做咩丫~家下收到禮物都吾開心咩)佢都系答反我:(吾系丫~放工反黎"支力"之麻~我好中意份禮物)~其實只要講清楚就冇野~我仲嬲啦~我又冇禮物~佢明明話送咖~點知又冇送 ~聖誕我地買左盆植物~我問佢我份聖誕禮物呢~佢話盆植物就系~個陣我仲好嬲~:;pppp: 不過最緊要系佢陪住我姐~最衰就系送左比我老公份禮物佢巳經整爛左少少
2)其實都借左啦d$~算啦~吾好甘啦~可能佢日開始就做錯左~但系都冇辦法~你嬲佢都冇用~同埋我覺得你吾好追佢老公追人還~其實佢可能有追人還只系個個人吾還~甘都吾關佢事~或者佢知道人地吾肯佢自己都吾開心知道自己衰左~我都試過好似你老公甘~我老公又系系甘迫我追人還$$~其實我個陣都覺得我老公好煩好黑人憎~我知佢為我好~但系問題系個個人都吾還~吾關我事~或者呢d野等佢自己解決啦~
3)我知你系錫你老公~但系可能佢真系吾中意v領呢~而且又傘唔到佢d低3~甘你做咩好似迫佢著v領3甘~ ~可能佢真系吾中意又覺得似基佬呢~呢個問題吾系佢度啵我c人覺得~你之前買3比佢佢一向都冇問題咖~甘你咪買反佢之前著開個d囉~佢冇理由要迫自己就你中意既野咖麻~而且佢仲要系覺得似基佬~佢吾中意咪算囉~佢又吾系吾中意你幫佢買3~只系吾中意v領3姐~你吾好甘介意啦~
4)公事呢d野甘岩都冇計咖~我都知吾系你吾等佢~只系佢多野做姐甘岩~下次你咪自己搭車囉~佢吾系特登甘講野既~只系佢好趕好辛苦又吾想你等得耐姐可能或者你體諒下佢~
5)佢甘多野做都冇計= =我老公都系甘~我以前都會嬲佢咖~但諗深d丫~佢吾系特登吾陪我買佢真系想陪我買~點知突如奇來嘅電話令佢陪吾到你~其實系會嬲既~不過諗真d如果系工事咪由佢囉~話哂佢都系為公事吾系為左去玩~系咪?? 睇開d啦~甘樣你都會舒服d~或者你放多d心機系女女度你個人都會開心d呢~
產後抑鬱我就真系吾敢答你~因為我真系吾識~如果擔心都系睇下e生
其實我e+有系有左bb~bb未出世~我之前又系成日吾開心~我都以為自己產前抑鬱~仲成日自己喊~成日諗埋一邊~但系當我冇甘執著~同老公傾多d計~我又舒服好多~最緊要識放開
私人傳訊

kawing210


複式洋房

積分: 334


4#
發表於 08-12-31 19:34 |只看該作者
6)呢個問題我真系吾識答你~只可以講你地諗法吾同~但你既出法點系為佢好~
7)我都好憎人懶係了解我甘~我老公之前都系甘~但我話佢會同佢傾~其實我個心吾系甘諗~你要話比佢知~你要叫佢比d時間出黎聽下你點諗~其實2個人一齊最緊要溝通~既然佢系諗錯哂你就梗加要話佢知~等佢吾好懶醒~同佢傾多d啦~如果吾系你地關系只會愈來愈差~吾一定要找一日傾成日計~或者訓之前系張床到傾幾句~我琴晚都有同我老公傾計~個問題我吾開心左好耐~同我老公傾完我舒服哂~仲後悔點解吾一早同佢傾~
慢慢黎啦~你甘樣單方面系甘諗冇用~呢度既人只會開解你比建議你~但真正要解決問題既就要睇你自己行吾行出第一步

私人傳訊

chencholeung


洋房

積分: 35


5#
發表於 08-12-31 20:45 |只看該作者
個人覺得問題出喺妳身上 妳有D自我 從自己角度睇問題 覺得人地做既嘢妳唔認同 都喺錯既
私人傳訊

anita0725


大宅

積分: 1250


6#
發表於 08-12-31 21:53 |只看該作者
其實做人有時都幾煩, 有時講出嚟, 怕佢無心情/時間聽, 如果唔講,佢唔會諗/估, 咁你會話佢唔理你 ...
要將每樣嘢都放開D去諗, 唔好擺係心度 :
-我以前有同老公買T-shirt, 有一次, 佢話D T-shirt 咁嘅...我笑住話你估D T-shirt 我做ga, 仲差呀! 跟住有兩次佢叫我再同佢買T-shirt, 我跟本無打算買, 過咗幾日, 我同佢講d貨同之前個d一樣, 過兩日同你過去買, 咁以後, 我地有excuse去行街
-借錢呢家嘢..., 如果借比你老豆, 佢唔記得還而late咗, 點開口? 有時在工在私, 需要借錢, 無可避免, 咁人地要借10k, 你咪同老公講 - 5k 啦, 話晒而家有細路, 開支大咗, 大把reason唔借, 但借less. 咁佢唔會無face...
唔好將d 嘢shoulder 係你度, 大家share 啦. 咁你會好d.
私人傳訊

lalamike


侯爵府

積分: 20604

大廚勳章 好媽媽勳章


7#
發表於 09-1-1 00:35 |只看該作者
坦白說，我覺得你是超級幸福的。
只是，你是太從自己的角度出發，又不明白男士根本的性格，令自己自尋煩惱吧。

1. 有時送禮對女士來說很重要，男士就不會太着緊。所以你先生對你送禮沒甚表示，也不表示不滿啊！你也犯不着為此唔開心。

2. 有時男士睇錢是比女人疏爽的，亦由於面子關係。雖然你地之前承諾過不向外借錢，但既然現在已借出，你就由你先生自己去解決吧。如果佢收不到錢，你還要加上怨言，那他豈不更不開心，而你地的磨擦只有加深呢。

3. 買衫呢樣野就真的有點說不過去。你知道先生習慣穿白底衫打底，你買v領衫比佢，佢又真係點着呢﹖着衫是個人喜好，如果佢着得唔開心，就算幾型的衫穿上身都不自然吧。

4. 如果你先生真的好忙，體貼的太太應主動同佢講不需要接送，以免佢太趕。你亦可以毋須在街呆等吧。

5. 可否一周分2次買餸呢﹖那重量會減輕一點。另外，你亦可以在日用品將用盡前數天/一星期約定你先生，說一周後(甚至數周後)要買點重的東西，請佢抽2小時比你。咁你果日就可以買油、洗衣粉等重物。而平時自己去買，就買點輕的日用品。

6. 男士天生愛博，你先生想投資亦無可厚非。不過，如你真的覺得先生唔認清大勢，空有理想，你不妨自己進修下先，有時不妨在先生面前「揚」下d書。佢如果真係有興趣，就會主動睇，此時你先加入自己意見，當互相切磋下，你此刻下的意見也會比較中聽吧！

7. 你覺得先生唔了解你，但你又何嘗了解你先生的想法呢﹖多點溝通，別老是從自己角度想，大家才有共識啊。

希望新一年來臨，你地一家三口開開心心，別再鑽牛角尖了，你先生即使沒有100分，也有90分了。祝福你！


原帖由 beepaul2007 於 08-12-31 18:18 發表
唔知點解,我覺得同我老公感情越來越淡,成日都好似好想同佢分開下過一些新生活咁,但其實我的家是好完整的,同老公拍拖5年之後結婚,結婚9年後今年剛生咗一個囡囡,依傢她3個幾月大,我同老公都好踢佢,由拍拖,結婚,到生bb ...

[ 本帖最後由 lalamike 於 09-1-1 00:38 編輯 ]
私人傳訊

lampopo


等待驗證會員

積分: 907


8#
發表於 09-1-1 01:28 |只看該作者
beepaul2007：我好明白你的心情，因為以前的我都係咁，由結婚到未生BB前佢都好錫我架，連生BB時佢都陪我入產房，所以我成日覺得生咗BB之後應該要對我同BB著緊啲，但係自己就覺得佢好似越嚟越對我唔緊，我都有喊過同怨過，之後同老公傾計，先發現原來係我自己鑽牛角尖。你嘗試企係你老公個邊諗：
一)你話佢收禮物時無咩表情，可能佢唔識表達呢！
二)借錢比人，我老公都係做判頭的(三判)，佢成日都要借錢比啲二判的科文，我都有話佢，唔好咁笨，但係佢都話若果唔借,下次就唔會比生意佢做，有時出得嚟做嘢都係身不由己，所以我老公借比人的錢好多都收唔番或者成年先還晒，但係唔好理，佢啲生意又真係一單接一單，我唯有諗我老公好心有好報。
三)買衫呢樣嘢同你一樣，我買親的衫佢唔合佢心意，初時我唔知，仲係度諗點解唔著我買比佢啲衫，有一次我問佢，佢先話比我知，我買的衫唔合佢心意，以後啲衫會自己買番，因為我買比佢的衫係後生款，但係佢話要返工同見客，要買啲老實款，唔係咁啱返工用，咁佢又講得有道理喎！所以買衫由佢自己負責番，我自己最多比吓意見囉！
四)其實你老公緊張你先會咁忟，佢唔想你係條街度咁耐，其實佢都好想快啲接你架！佢咁趕都要嚟接你喎！有時我老公接我個時，由上車個刻佢係度同啲客講電話，直至我落車佢都係講緊電話架！咁佢忙緊咪唔好阻佢，所以有時若果無咩必要都唔會係佢返工時間搵佢，咪自己同仔仔撘其他車車囉！
五)我無工人，所以答唔到你！
六)其實你可以將你的憂慮話比你老公聽，坦白講你哋供緊樓，而家又有個BB，最好的理財方法緊係穩穩陣陣啦！但係你唔講，佢又點會知呢？
七)你話最緊要係老公明白我,(你唔講，你老公點明白你呢？)但係我覺得係完全唔明白我囉,我個心諗咩,佢係唔知傢(做兩夫妻係要溝通架，唔好以為佢係你肚入面個條蟲),重成日懶係了解我,點之係諗錯哂,(係你一直以為你老公了解自己，點知出咗咁多唔合你心意的事，所以你咪覺得係佢錯囉！)
最後，我想同你講的係：溝通好重要，唔好成日「我以為佢知我諗咩」「我以為......」。
當你識得同老公溝通後，你的不快就會消失。
祝福你們這一家開心喜樂！
私人傳訊

傻BB


禁止訪問

積分: 5363


9#
發表於 09-1-2 03:24 |只看該作者
提示: 作者被禁止或刪除 內容自動屏蔽
私人傳訊

christy0604


禁止發言

積分: 3097


10#
發表於 09-1-2 10:26 |只看該作者
提示: 作者被禁止或刪除 內容自動屏蔽
私人傳訊

CYK


大宅

積分: 4240


11#
發表於 09-1-2 10:44 |只看該作者
>>唔知係咪產後抑鬱<<

beepaul2007,

你講的問題,真係似有...個人有"抑鬱",本身係唔發覺,只會覺得全世界的人唔明白自己,亦唔知點解自己會咁辛苦,好似困在一個籠內,走唔出...

產後抑鬱,有時會在產後一段時間至出現,我都試過類似情況

現在你個BB都係3個月大,你又要返工,唔好講你有無"產後抑鬱",單係要適應由2個人生活,到要應付4個人的生活都夠辛苦,奶粉尿片唔可以話到無曬至買,BB衫又要成日買,因為BB大得快,多左個工人,要煩的事都好多下,生完身體未必復完得咁快,以前做到的,現在再做都感到吃力...日日做到無停手都做唔完...

你講的point 1-7,其實係小事,1-2年後你再睇番這個topic,你都唔知點解現在會睇得這些咁大,你試下同有BB的朋友/同事講下,你就發覺個個做媽咪都係有苦自己知,有時,要求求其其D,唔可以用以前的標準來做...

你有無親人幫你睇住個工人/湊個BB?你要搵下時間出外輕鬆,一個人又好,同老公一齊拍下拖又好,唔好成日個中心係個BB咁,你就好快無咁唔開心啦...

祝你好快開心番...
私人傳訊

beepaul2007


大宅

積分: 2298


12#
發表於 09-1-2 11:33 |只看該作者
多謝咁多位嘅回覆,我依傢好D啦,因為係星期三晚食飯時,
我老公突然話"我有個客想話找一日約埋我一齊食飯(女性係熟客嚟嘅)"我問,點解,佢話個客話"你老婆一定係好幸福嘅人,有個咁好嘅老公,想見下我喎",之前都有2個太太都係咁講,依傢佢地幾個一到節日都好踢亞b,成日買嘢比佢,我大肚時佢都有買有益嘢比我食,雖然直到依傢我都未曾見過佢地,因我好怕應酬,但佢地嘅關係已經好似朋友咁,節日會互相送禮,唔知係咪我老公好有女人緣,佢係做工程嘅,佢多數幫D闊太攪新屋或新Office 嘅嘢,即係果d亞太買咗間屋或者寫字樓返嚟後,就由我老公一手一腳,設計,找判頭做工程,訂料至添家俱都係佢發板,所以佢成日個客一call 就要夾嘢.
唔好意思越講越遠添,咁果晚我就剩機同佢講:我係咩都有,但唔代表我開心傢,跟住佢就話,你已經好幸福傢啦,你睇下你身邊邊個fd 好得過你 ? 我話:睇你好嘅定議係咩者? 跟住佢話:咁你講出嚟聽下,你有咩唔滿意?
我就全部嘢同佢講哂,雖然每樣嘢佢都係有得解釋(藉口),
但講咗係好d嘅,而可能真係好多時係視乎我點諗,
如果我放開d,就會大事化小,小事化無,所以我先懷疑我有產後抑鬱証囉,果排真係好灰,好無心機,仲諗過分開添,所以好多時人,一時諗唔開就好易出事,果晚我地食完飯後都有出去倒數,佢問我有咩原望,我第一時間就話,要老公你對我再好d,佢話好呀!
係喎已經係新一年啦,係度祝各位新年快樂,身體健康!
多謝大家陪我度過唔開心嘅時間及回覆.
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見