吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 家庭理財› 租樓或供樓

家庭理財今日: 1|主題: 46798

收藏本版

發帖

返回列表

跳至頁

查看: 6123 | 回覆: 36

租樓或供樓 [複製鏈接]

icecream1222

禁止訪問

積分: 4100

1^#

發表於 04-9-22 12:33 |只看該作者

租樓或供樓

提示: 作者被禁止或刪除內容自動屏蔽

私人傳訊

mjzz

別墅

積分: 900

2^#

發表於 04-9-23 05:15 |只看該作者

Re: 租樓或供樓

買樓係必要的, 所謂安居樂業, 試問兩年續一次約又或者搬一次好丫, 定係穩定的一世住呢? 香港我有個經驗係, 如果條件許可, 當然申請公屋啦, 不過有好多人會超額(入息), 所以要面對第一件事就係首期... 兩個人搵20,000計先丫, 如果未有小朋友, 租屋及日常開支約12,000左右, 我用而家細單位租6,000左右, 兩個人一日每人用100蚊計, 都有8,000可keep起, 以120萬二手樓7成按計, 首期要360,000, 除8,000, 即係45個月時間(約4年), 之後供就可以輕鬆好多... 如果好似天水圍呢d區, 80萬以下tim, 24萬首期便可(2年半), 緊記一件事, 你只要捱過呢個首期, 你便可以安心去供層樓, 有人成日講負資產問題, 如果你一早計好數, 又唔係去炒... 呢d根本就係冇意思的.... 我個人26歲買第一層樓, 8年內有好景有唔好... 都供甩了兩層樓.... 辛苦係幾嫁, 不過而家已經唔使再煩同埋平平地租出去又多個收入, 好唔好就見仁見智~ 留意一點, 有d bank供樓可以一個月供兩次, 而且仲可每年+2%或以上供款, 咁樣係會好快同埋相差月供唔係好多~ 可問一問HSBC做個分析~

我們應該感恩神的話語令人清醒

私人傳訊

欣兒Yanyee

大宅

積分: 1394

3^#

發表於 04-9-23 21:15 |只看該作者

Re: 租樓或供樓

我兩公婆月入共五萬多，正考慮買樓，因為現正踏入加息週期﹝近來各謀介不斷大事報導﹞心想銀行唔快d加息、收緊按“掀”都唔得啦

私人傳訊

sara

大宅

積分: 2734

4^#

發表於 04-9-23 21:32 |只看該作者

Re: 租樓或供樓

租樓和買樓係個人取向,最緊要係係自己開心!
有d人死慳爛慳,都唔知為咩,又慳得唔開心就真係唔好諗!
但係有d人天生好慳,無咩興趣同活動,所以唔覺得供樓好辛苦!所以供唔供樓真係up to you.
我比較鍾意有個錢傍身,所以如果俾3成首期,我就一定唔會諗!但係而家俾5%就會諗下......
其實我最擔心都係份工唔穩,如果你話俾我聽我份工一定做到三十年唔減薪,我就一定唔怕啦!供樓唔怕年輕時供唔起,最怕到四十歲左右俾人裁左,真係唔知去邊搵番份高薪厚職既工!
不過最大問題係未真正諗到自己鍾意住邊,遲d阿女讀書,或者會考慮搬出九龍都唔定!
短期既樓市應該會有上升既空間,但係長線來說,都係買d優質物業穩陣d!
香港實在有好多有錢人控制樓市升跌,對於我呢d一世人只可買一層樓既人來說,我地只可以跟隨市況做人.......

mjzz,
搵$20000一個月仲可以儲$6000?? 除非唔洗俾錢雙方父母,如果唔係真係一個仙都儲唔到!

私人傳訊

icecream1222

禁止訪問

積分: 4100

5^#

發表於 04-9-24 11:28 |只看該作者

Re: 租樓或供樓

提示: 作者被禁止或刪除內容自動屏蔽

私人傳訊

該用戶已被刪除

6^#

發表於 04-9-24 15:12 |只看該作者

Re: 租樓或供樓

提示: 作者被禁止或刪除內容自動屏蔽

私人傳訊

joebaby

大宅

積分: 4205

7^#

發表於 04-9-24 23:36 |只看該作者

Re: 租樓或供樓

In my view, buy your own flat is necessary. Can you still have enough money to pay the expensive rate after retired? Who know? If you have your own flat, u just need to pay for the 水電煤+++, less than the rate.

私人傳訊

mjzz

別墅

積分: 900

8^#

發表於 04-9-25 02:27 |只看該作者

Re: 租樓或供樓

sara, 情況取決於自己, 由day 1開始都唔儲備, 呢一世都唔使諗.... 20k作比喻, 其實一個人打工至結婚, 一般都有8~10年時間, 當22歲打工, 30歲結婚, 果8年有人吃喝玩樂, 亦有人用時間去裝備, 敢博o既會做生意, 唔敢o既就小投資, 怕死o既都有個錢.... 到結婚之後, 兩個人都會有計劃, d錢唔會生蛋咁訓醒覺就有.... 所以我眼見好多年輕一代, 佢地會在日後好辛苦.... 不論學識, 機會, 競爭力都略遜一籌, 有晚11:00出旺角, 仲N咁多人週圍行, 冇目的咁在某k場外企晒度睇波...., 香港日後貧富懸殊更加嚴重........

elmo&cookie, 家下有資格申請公屋的話, 環境真係唔係好好, 講真要政府派個單位比你, 你都要扮足2~3年窮人先可能有機會, 仲有N咁多限制...... 你講有富戶, 我相信會有, 不過真係唔會多~

我們應該感恩神的話語令人清醒

私人傳訊

阿早!

子爵府

積分: 11405

好媽媽勳章

9^#

發表於 04-9-25 12:32 |只看該作者

Re: 租樓或供樓

我覺得自己對住既要求亦可以作為一個參考買唔買樓.

有d人對住既要求係要同收入成正比, 如果係咁我覺得租會穩陣d, 起碼有咩事都可以退以求其次. 有d人對住既要求唔高, 公屋居屋都唔介意住, 最緊要平, 儲多個$傍身, 如果係咁買層平d既都唔會對你有太大影響.

我買樓時屋企都告誡我第一次買樓唔好咁貴, 咁後生置業, 好快就會搬. 我地都計過條數只要努力幾年就可以供甩層樓先決定買.

私人傳訊

墨魚太太

別墅

積分: 972

10^#

發表於 04-9-25 19:21 |只看該作者

Re: 租樓或供樓

供樓有期,租樓一生,租到70years都要租,到年老時,又要交租又要生活,重要睇醫生,個仔未必養你,或者未必有能力養你,倒不如趁年輕有工作能力先苦後甜,至於買什麼樓就視乎自己的能力了,最緊要量力而為

私人傳訊

美維

大宅

積分: 2820

11^#

發表於 04-9-25 23:57 |只看該作者

Re: 租樓或供樓

我都覺得買樓係必要~~ 可能十幾年前我o岩落香港時試過冇屋住，o個種感覺我真係唔會忘記，又冇錢，想買樓又冇首期，最後花左幾萬去買間木屋住。到居住香港滿左七年，上左樓，我又嫁左，輪到我冇地方住，97年尾申請居屋時，老公有間注冊公司，不過冇正式運作，但房協要我地交盤數，幸好我覺得麻煩所以放棄左，唔係真係買左貴樓了。之後有左bb十六個星期我地申請公屋，到bb出世後覆查，老公收入超過唔合資格，計返條數租樓要俾錢，層樓又唔係自己而係一直幫人供，約滿後可能人地又要你搬，到老左自己都冇落腳之地，仲要連累囡囡跟自己周圍搬屋，所以我地死慳死抵都係自己供樓。雖然個個月計得好緊，唔可以好似以前想買乜就買乜，不過我覺得間屋係自己架，捱得幾辛苦都係值。
[quote]買樓係必要的, 所謂安居樂業, 試問兩年續一次約又或者搬一次好丫, 定係穩定的一世住呢? 香港我有個經驗係, 如果條件許可, 當然申請公屋啦, 不過有好多人會超額(入息), 所以要面對第一件事就係首期...

私人傳訊

人大師法

別墅

積分: 630

12^#

發表於 04-9-26 11:13 |只看該作者

Re: 租樓或供樓

買左樓到第時申請公援都唔得 :cry:

私人傳訊

wewangwang

大宅

積分: 4535

13^#

發表於 04-9-26 12:58 |只看該作者

Re: 租樓或供樓

我有個長輩親戚,10幾年賣左層樓,渣住幾十萬,好疏爽咁使錢,又去旅行,又買鑽石,一直租樓住,話用外幣d利息夠租樓,二年搬一次,錯過了97年前的大升期,但又避了之後的大冧市,以家60幾歲人生意失敗,樓都無間,二老要攞公屋

我mummy後生時就努力供斷層樓,以家仲有d閒錢,好安樂

私人傳訊

欣兒Yanyee

大宅

積分: 1394

14^#

發表於 04-9-26 20:11 |只看該作者

Re: 租樓或供樓

而家d新樓都不需花太大筆錢裝修啦！你倆公婆有無打算生BB？如有就梗o係買3房單位

icecream1222 寫道:
其實自己都掙扎緊，應否去買樓? 因為我會覺得養一層樓真係很貴，要裝修，每月供款，管理費，差响，供樓利息，保險及隔幾年要維修一次。

若租樓既話，我可以免除好多以上費用，自己喜歡租幾大都得。我見很多人剛剛結婚就買了一間600尺二房單位，到BB出世，發現唔夠住，又要諗搬去間大些少的屋。

私人傳訊

sara

大宅

積分: 2734

15^#

發表於 04-9-26 23:20 |只看該作者

Re: 租樓或供樓

中國人與外國人的思維真係好唔同:
中國人一世死慳死捱,供完一層樓俾自己仲唔夠,仲要買埋d樓俾仔女,子孫.....到死時仲有好多錢,就俾d仔女死爭難爭,自己成世都未享過福......
外國人就一世豪華, 欠債還完又再欠,佢地到死仲欠人一大筆,但係就成世都咁精彩.......

所以你自己點揀,人地真係好難同你決定,最緊要係你自己開心,唔好因為一層樓而令到自己好有壓力!
95按揭係真係好吸引,但係真係要諗下自己的供款能力!

我都係中國人,所以我都係好慳......希望老左身體狀況仲可以支持我去旅行啦!

mjzz,
搵20000蚊要儲6000真係好難:
租金 $6000
交通費 $1500
水電,電話費 $1000
小朋友幼稚園學費 $2000
日常生活 $4000
整係呢幾樣已經$14500!
如果雙方父母每人各要俾$2000 (父母住公屋都唔夠交租),每個月儲得$2000,幾時先儲到筆首期!
反而,我發覺好多人第一次置業既首期都係屋企借出就真!

私人傳訊

kwanma

大宅

積分: 3394

16^#

發表於 04-9-27 11:19 |只看該作者

Re: 租樓或供樓

唔好意思, 小小離題:
本人有一單位想放賣:
地点: 沙田第一城
尺數: 395
層數: 低層
景觀: 內園
間格: 1房1廳
現有租客租住, 月租$4,300.-, 已完2年租約, 可交吉或連租約賣, 租客可以与新買家續新租約, 租客有穩定職業, 有入息證明, 有公司信, 從未延遲交租, 兩年來沒有煩過我, 是個好好租客.
現$103萬放賣, 如各位想買樓收租投資, 比3成, 月供大概4千幾, 收租可有$4,300.-, 每月差不多不需要供款, 可考慮, 考慮, 如有興趣, 可pm我.
謝謝!!
ps, 租客遲d会幫我映幾張單位相, 可e mail比大家參考, 或可約時間看單位, 租客会開門給我.

[img align=left]http://www.imagestation.com/picture/sraid131/p64526af345401b8ef21dc2e5644bce79/f7aab380.jpg[/img]

私人傳訊

icecream1222