親子旅遊今日: 11|主題: 161755

收藏本版

發帖

返回列表

跳至頁

查看: 810 | 回覆: 6

[台灣] 帶兩歲小朋友去台灣分享 [複製鏈接]

papagirl

子爵府

積分: 13203

BK Milk勳章

1^#

發表於 17-3-29 16:28 |只看該作者 |倒序瀏覽 |打印

今次第一次帶小朋友出國，五日四夜，不要問我行程表，因為出發前好多事發生，完全冇時間冇計劃過就出發。

我丈夫揀了中山區嘅大倉酒店，六星級嘅環境，好乾淨好舒服，浴室同廁所係分開，各自有洗手盆，感覺好乾淨所以我用浴室嘅洗手盆煮野洗碗洗生果，不過小朋友床同浴缸就係賓館嘅級數

，好彩自備了小朋友床單否則真係唔知點比佢訓。

我女食得好清淡，唔太喜歡吃味精嘢，所以台灣菜可完全一啖都唔肯食，佢除咗火鍋同Pizza之外，其實好多野都唔食，好彩帶咗個煲去煲水順便煮嘢食，因為佢好少出街食，咁無辦法啦，食多啲生果同麵雞蛋填飽個肚啦！

雖然無行程表，但我都去咗動物園，兒童新樂園，一日玩一樣，帶着樂趣小朋友真係好攰好趕，我冇其他GM咁叻可以做到咁多野

去動物園，可以用悠閒卡付帳入場，當然如果你想要入場券做留念就比現金啦，入到去有架小火車可以上到山頂再慢慢行返落嚟冇咁攰，所以入到去第一時間就去搵小火車了。
裏面有好多小食店都係好似快餐店，不過我女係又係唔食呢啲嘢，所以好彩帶咗麵包雞蛋同生果俾佢，見到好多真嘅動物真係好開心，我女睇到定哂格、拍晒手，好值得去！

兒童新樂園，其實冇咩啱兩歲小朋友玩，我哋只係玩咗摩天輪同小火車，佢有個室內遊戲室都啱佢玩，不過我哋去到見到有兒童話劇適合兩歲睇，同埋就快開場，所以就去買飛睇啦，3人NT$300好平呀！雖然講國語，但兩歲小朋友都睇得好開心，同場有好多幼稚園生一齊睇，台灣小朋友好乖，所以成場嘅氣氛都好好，又可以體驗當地小朋友嘅真實生活，我覺得值得睇架。
樂園裏面有個沙地，小朋友見到當然一定要去玩啦，不過我唔知有所以冇帶工具，如果唔係就會更加好玩，啲沙同香港沙地質地唔同㗎，所以小朋友可以玩好耐啊！