家庭理財今日: 1|主題: 46952

收藏本版

發帖

返回列表

跳至頁

查看: 1865 | 回覆: 4

股民買窩輪牛熊證覺「抵賭」大劉：啲人冇腦吖嘛！ [複製鏈接]

大力大力

象牙宮

積分: 215597

2025勳章 2025勳章蛇年勳章醒目開學勳章大廚勳章

1^#

發表於 17-4-8 14:07 |只看該作者 |倒序瀏覽 |打印

大劉投資股票眼光很準，他指在股票市場只有少數人贏錢，輸錢的人佔大多數：「你哋可能冇留意到，香港股市每日嘅交易，有起碼40%唔係牛熊證就係窩輪，但點解成交咁大呢？啲人明知係俾人抽水，或者唔知俾人抽水，我唔知佢哋究竟知唔知啦，但其實係好蝕底嘅！但啲人覺得有得博，賭大10倍8倍，覺得抵賭，其實係先蝕頭注先蝕章，但啲人冇腦吖嘛！所以先鍾意去買牛熊證同認股證，好賭吖嘛！突然間升2、30倍喎！」

「但佢哋唔知，其實一落注就俾人抽水先。但呢啲投資，可以買正常股票，唔使俾人勁抽水先，但啲人點解甘心情願俾人抽水，咪係貪心囉！或者覺得好賭，賭大10倍8倍，啲人咪咎由自取囉！當然有啲人咁啱俾佢好彩買到隻升2、30%甚至4、50%嘅，但長賭俾人咁抽水一定輸梗啦！」

【偶像係金融大鱷索羅斯】
原來，大劉也有偶像，他欣賞美國金融大鱷索羅斯捱出頭來的個性：「佢係我偶像，一個普通大學生，入嚟基金公司打工，做做吓搵到錢，原本管理嘅基金都有5、600億美金，做到今日自己2、300億美金身家，佢真係靠自己，佢真係可以創業出嚟！」

問到會否效法以自己的眼光幫人投資賺錢？大劉斷言不會考慮：「10年前有歐洲投行搵我、亦有人話畀幾億美金我，我唔制，我唔係好似索羅斯初期，大學畢業生，去打人工，佢梗要受呢啲壓力。我都叫做搵到少少白粥食，咁我有自己足夠財富，我自己run自己portfolio（投資組合），使乜要去就呢啲不必要嘅壓力，分分鐘命都短幾年，大佬！如果受呢啲壓力，賺到錢分畀人我哋唔介意，輸咗錢可能俾人怨天尤人，『你累到我蝕幾錢！』」

另一貼文~