懷孕前後今日: 1|主題: 330649

收藏本版

發帖

返回列表

跳至頁

查看: 3651 | 回覆: 10

我的威院催生記 2017/04 [複製鏈接]

rita_cky

別墅

積分: 944

1^#

發表於 17-4-19 09:08 |只看該作者 |倒序瀏覽 |打印

2017/04/12 41週1日

8:00入院
姑娘做基本檢查，眼望個肚覺得大，建議問醫生意見。

11:00左右
醫生黎幫我檢查子宮頸，不夠成熟，安排晏d照超聲波，睇bb大細。

15:00左右
照超聲波，bb尺碼標準，預計3.6kg，可以順產。

16:40
醫生塞藥，等子宮頸軟化，藥有效24小時
等13號17:00檢查子宮頸夠唔夠成熟

2017/04/13 41週2日

17:00
醫生檢查後子宮頸已軟化成熟，可安排過7F待產房。

過程：

22:00點幾入待產房檢查，原來開左2度，人手穿水，穿水後，老公可以開始陪產，姑娘話睇下我自然宮縮，會唔會開度數，先再決定落唔落

2017/04/14 41週3日

到凌晨3點都冇乜點開都係2度多d，先落吊針催生，落完藥後開始大痛，要聞笑氣，一痛，我就全身肌肉繃緊哂，好在有老公陪住，幫我按摩。

但到朝早6點30分先得果3度，已經痛到身不由己，聞住氣都係咁嗌，問姑娘想要無痛分娩或者打普通止痛針，姑娘覆我BB心跳有d慢，要觀察10分鐘先，跟住姑娘又交更，老公暫時要係外邊等，淨返自己一個係待產房，明明覺得已過10分鐘，我又叫姑娘，又話過10分鐘比止痛針我既，姑娘都係一直hea我，痛到已經忍唔到，一痛就用力想痾，屎都痾埋出黎，但到7點45分就勁快開到8度被推落產房，8點10分就生左。3.945kg。成8磅6，痛屎我。

生完大隻仔，就痾埋胎盤出黎，初初唔想痾，但助產士一襟，我就想痾，最後自己成功痾埋個胎盤出黎。

到聯針喇，助產士話入邊冇爆，只係損左小小，外邊爆左1cm左右。到另一姑娘幫我聯針，雖然話係1cm但我覺得都穿左好多下針，雖然落左局部麻醉藥，但有d位到唔到，所以聯針都痛，老公不斷鼓勵我同埋叫我深呼吸，鼻吸口呼，又講最後一步喇，最後一步喇，完成了。

今次生完係產房，老公可以一直係產房陪我，BB又會一直放係我心口，直至11:00左右一齊推上產後房，今次可以全程陪產，感覺好好多。