本帖最後由 rose-mag 於 17-4-8 21:17 編輯
bufferzone 發表於 17-4-8 20:04 
請問千層麵點整? 我跟網上食譜, 但係阿女話唔好食, 話味太濃
我自己煮個醬：蕃茄兩三個（大）切細塊，西芹切丁，紅蘿蔔切丁，洋蔥切細，雞肉/牛肉/豬肉/火雞肉（隨自己鍾意，兩溝都得）刴碎或買免治。先炒下肉碎，之後撈起，蒜蓉、紅蔥頭碎落鑊爆香，落洋蔥炒下，再落西芹、紅蘿蔔，炒到軟身，之後加埋蕃茄炒，加番肉碎，落鹽、胡椒、月季葉、乾香草，加水/雞湯/菜湯煮到個醬汁杰身。
準備個焗盤，先淋一層醬汁，放入千層麵，再倒一層醬汁（要完全蓋過麵），灑一層芝士（我用Parmesan cheese加羊奶芝士），再放一層千層麵、醬汁、芝士。。。如此類推至用完醬汁，入焗爐焗至千層麵熟及表面芝士變成金黃色，大概係190度焗40分鐘。
呢個上次整嘅，好多食譜會教先煮過D千層麵，係唔駛架，只要醬汁蓋過晒D乾千層麵就得，否則係焗唔軟嘅。另外有人會加茄糕，加咗個汁會杰身，但用足夠蕃茄又唔太多水加煮得夠杰身的話，唔駛加茄糕嘅。
花旗太太生活在花旗國，留意時差，你問我未必即時答到。
發表於 
返回列表
