成日都聽到人話女人要識得扮蠢，適當時候畀機會男人表現，咁先可以維持到好嘅關係⋯某程度上我係同意呢個講法，但係我更加認為男人同女人都要識得喺適當時候扮蠢。
一段再好嘅關係，都總會有爭執同意見不合嘅時候，呢啲時候需要嘅唔係一個頂尖嘅談判專家，亦唔係一個辯論比賽高手，反而係需要一個人懂得放低身段，扮一次傻去化解中間嘅緊張氣氛。
有啲情侶就係兩個人都自尊心好強，遇到啲咩爭執，都第一時間想說服對方，即使係自己唔啱，都因為自尊心影響無辦法低頭。因為喺呢啲人眼中，自尊心係比起一切重要。仲有另一種情侶，個女仔永永遠遠都站喺高地，無論發生咩事，總之都係要個男仔先開口氹番自己⋯⋯
其實每個人都有自尊心，男人同女人都係，所以我覺得唔係男人一定要氹女人，女人就一定要扮蠢，一段好嘅關係不外乎你氹下我，我氹下你。兩個互不相讓係唔會有助關係變好，反而係互相傷害嘅一種。
發表於 
返回列表
