吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 都係呻吓

論盡家傭今日: 1|主題: 134081

收藏本版

發帖

返回列表

跳至頁

查看: 2128 | 回覆: 12

都係呻吓 [複製鏈接]

sweetannann

男爵府

積分: 7413

1^#

發表於 17-4-13 14:43 |只看該作者 |倒序瀏覽 |打印

45歲菲律賓姐姐做梗第三年，湊一個小一學生，無老人家，我同老公8點先返，一般都唔成，姐姐基本hea 足一日，但越做越差，可以點做

1,黑面，朝朝叫我女起身都黑口黑面，講嘢無尾音，我女成日同佢say sorry,因為唔想姐姐嬲

2,煮嘢hea,難食，成日兩條菜，一塊pork chop or 幾隻雞翼，下午茶我唔叫佢整，就俾餅我女食

3, 成日玩電話，屋企由8~4 都無人，咩都玩飽啦。但佢成日我女返嚟都繼續玩

4, 最鍾意我女返嚟先扮忙，阿女話姐姐成日唔陪佢，我講過都好幾次

唯一好處就算乖，老實，準時，叫都肯做。仲有可能阿女怕左佢，對住佢好聽話，因為之前試過d 仲懶。我屋企實在太無嘢做。

炒佢又唔係，同佢講佢old seafood 怕佢對阿女仲差

0 0 0

私人傳訊

suenkayuk

複式洋房

積分: 332

2^#

發表於 17-4-13 15:21 |只看該作者

sweetannann 發表於 17-4-13 14:43
45歲菲律賓姐姐做梗第三年，湊一個小一學生，無老人家，我同老公8點先返，一般都唔成，姐姐基本hea 足一日 ...

本帖最後由 suenkayuk 於 17-4-13 15:23 編輯

其實佢淨係黑面已經唔得啦，一次半次就話佢可能心情唔好，我見你咁寫應該係經常黑面喎，重要你個女成日同佢講sorry，怕佢嬲，點解要個小朋友就佢呀? 再咁落去唔止大人辛苦，連小朋友都會唔開心，請佢番嚟係照顧你個女，幫輕家務，佢都做唔到，根本無心做你份工，繼續落去只會越嚟越差，因為佢以為你地無佢唔得，賣佢怕，我勸你完約試下換人啦，我都知好難搵到好姐姐，但唔搵又點知無呢? 有時緣份嘅野好難講，我第一次都請到個好衰嘅姐姐，但第二次都請到好姐姐，起碼佢唔會黑面先，我小朋友對住佢會笑，開心咁同佢玩，做家務其次，照顧你個女最緊要，唔好令你個女因為佢有不良嘅影響呀

私人傳訊

sweetannann

男爵府

積分: 7413

3^#

發表於 17-4-13 15:42 |只看該作者

suenkayuk 發表於 17-4-13 15:21
本帖最後由 suenkayuk 於 17-4-13 15:23 編輯

其實佢淨係黑面已經唔得啦，一次半次就話佢可能心情唔好 ...

都係怕越請越差，好在阿女每日對佢時間不多，早上返學我必起身對住佢，同阿女傾計，姐姐自己繼續黑。。。。

下次好多時有活動，最多佢地大家唔講嘢幾小時

不過我一定唔會再續

私人傳訊

suenkayuk

複式洋房

積分: 332

4^#

發表於 17-4-14 02:12 |只看該作者

sweetannann 發表於 17-4-13 15:42
都係怕越請越差，好在阿女每日對佢時間不多，早上返學我必起身對住佢，同阿女傾計，姐姐自己繼續黑。。。 ...

本帖最後由 suenkayuk 於 17-4-14 02:13 編輯

係呀，最怕佢d負面情緒影響個小朋友咋，唔值得。其實佢要黑面咪又佢囉，佢自己要搞到日日唔開心係自己傻，唔洗為佢唔開心架，佢黑面，我當睇佢唔到呀，佢黑面無非想你知道，你唔好俾反應佢，佢應該會好無癮，到差唔多完約時唔好續佢，如果佢變本加厲嘅，最多忍到佢臨走前先鬧佢一獲勁嘅，話會寫投訴信去入境處/領事館等佢以後都唔可以嚟香港做野

私人傳訊

歌莉泡泡

大宅

積分: 3480

5^#

發表於 17-4-14 11:42 |只看該作者

做老闆竟然要買佢怕，仲要我個女去就佢？你話我階級觀念都咁話架喇，佢憑咩？我眼中我隻狗仲經貴過佢！

私人傳訊

pingmum

男爵府

積分: 5031

6^#

發表於 17-4-14 20:48 |只看該作者

我第一次請海外菲又係態度差,串,最吾好係對小朋友無愛心，耐性,吾同小朋友玩等等,用咗萬幾元申請工主里,

忍咗七個月,终於抄佢

,我一個月通知
吾sit比佢,
佢e+揾緊工

私人傳訊

AACheungCheung

水晶宮

積分: 54336

馬年勳章 2025勳章蛇年勳章 2024年龍年勳章 15週年勳章親子王國15週年勳章

7^#

發表於 17-4-15 00:09 |只看該作者

suenkayuk 發表於 17-4-13 15:21
本帖最後由 suenkayuk 於 17-4-13 15:23 編輯

其實佢淨係黑面已經唔得啦，一次半次就話佢可能心情唔好 ...

同意 , 我怕小朋友第日唔識分對錯 , 就算自己啱都同人講對唔住。

私人傳訊

yeikaki

公爵府

積分: 29391

8^#

發表於 17-4-15 00:25 |只看該作者

下, 呢D一早炒

私人傳訊

suenkayuk

複式洋房

積分: 332

9^#

發表於 17-4-15 11:52 |只看該作者

AACheungCheung 發表於 17-4-15 00:09
同意 , 我怕小朋友第日唔識分對錯 , 就算自己啱都同人講對唔住。

係呀，我平時睇BK多，好少留言，但我見樓主個女因為驚姐姐嬲而要講sorry，好慘呀，長期咁樣驚小朋友怕事，俾人欺凌都唔敢出聲。我之前個衰姐姐嚟咗幾日已經黑我面，對住我個仔扮好鍾意佢，成日爭住湊BB（我係FTM，而且我媽幫我一齊湊BB，請佢時講明主要做家務，BB我同婆婆會湊），佢應該係想借湊BB偷懶唔做家務，但佢一見到我姪仔，無得罪過佢，同佢講早晨，竟然黑佢面，又唔彩佢，加埋佢不停玩電話，洗奶樽洗成2個鐘，叫佢洗個攪拌機又黑面唉氣，無問過我食曬我個仔d BB芝士/藍莓，重有其他公主野多不聲數，我忍咗佢10日，蝕錢都要炒佢呀，我唔想全家包括小朋友要睇佢面色做人，又驚我個仔學咗對住唔同嘅人有唔同嘅態度。所以我多口想同樓主講，你個女怕姐姐聽佢話並唔係好事，佢只係被迫咋，如果下次你姐姐再無理黑你個女面，而你個女又同佢講sorry，要即刻阻止，應該同你個女講唔係你錯，唔洗講sorry，就算個姐姐聽到都又佢，如果佢有d良知都應該知羞，因為佢其實係蝦緊你個女，你要保護佢呀。

私人傳訊

AACheungCheung

水晶宮

積分: 54336

馬年勳章 2025勳章蛇年勳章 2024年龍年勳章 15週年勳章親子王國15週年勳章

10^#

發表於 17-4-15 12:36 |只看該作者

suenkayuk 發表於 17-4-15 11:52
係呀，我平時睇BK多，好少留言，但我見樓主個女因為驚姐姐嬲而要講sorry，好慘呀，長期咁樣驚小朋友怕事， ...

我認同你講法 , 係 , 換姐姐會唔見錢 , 但姐姐唔好時家人要對佢兩年 , 所謂身教 , 唔只屋企人 , 工人姐姐對小朋友都會有 , 好似你文中所講 , 小朋友變成怕事或係對唔同人有唔同嘅做法 , 我媽當年剛請工人姐姐時就換咗好多個 , 佢嘅講法就係 , 你要對佢兩年 , 話就話小朋友唔使佢湊 , 但小朋友係白紙 , 大大吓都會不自覺跟咗工人姐姐嘅衰嘢。