單親天地今日: 0|主題: 18380

收藏本版

發帖

返回列表

跳至頁

查看: 4415 | 回覆: 41

想呻下壓力無限大.... [複製鏈接]

12 3

zhanghy

複式洋房

積分: 106

1^#

發表於 17-3-30 07:20 |只看該作者 |倒序瀏覽 |打印

本帖最後由 zhanghy 於 17-3-30 07:21 編輯

唉～心理壓力同精神壓力越來越大.....

其實離婚已經就快5年但個極品keep玩野差唔多一年收一次傳票甘滯（真係好Q煩

上年搞個生活費搞左我一年，話佢要要返小朋友既用錢既收據，佢懷疑D錢唔係用係佢地度喎，一個月4k兩個小朋友，唔知以為好多囉
係庭度我比D學校通告、書單個官都接受，但個極品話呢D唔係收據唔接受，跟手廢事煩，已經唔係比多仲要月月遲，月月唔足數，個個月都要追！仲想改每個月3k，我申請改令唔要佢D錢，個官後尾判左唔使佢，佢就當發老脾話個官偏幫，好唔公平諸如此類...

近排又搞新野，改探視！真心煩爆
平時都唔會見，又突然間又走黎改，仲要改話每個星期三，日都要見，其實之前個令係無限死，佢要見，隨時都見得，但佢就話我特登唔比佢見，打唔到比（大佬呀，你打唔到黎可以msg既姐，但係無囉，我亦無block左佢電話
跟住個官就話要搵社工跟，暫時每個隔個星期六見一次甘樣，但其實佢都係一個月先得閒見一次，次次都係同個社工講話唔知請唔請到假，可以見先提早通知知社工，但係呢，D人可以請到假2個星期假去旅行個喎！
好啦，岩岩上左庭，為左一定要我接送都出銅鑼灣，寧願將本身既探視時間縮減一個鐘！仲唔係擺明有心玩野？算！仲好，早D結束早D返屋企
我申請復活節返大陸探親，佢就特登要係16號個日見兩個女，仲同個官講，係一個前請定既，又話個社工知佢請假要一個月前，（大家睇返前面就知佢前言不對後語）因為個社工同我講，叫我上完庭就打比佢，我咪順便問埋係唔係真係知，點知知社工話，吓，我唔知個喎，做咩話我係知架，佢每次都係要見前兩三日通知我見唔見到個喎！

0 0 0

私人傳訊

zhanghy

複式洋房

積分: 106

2^#

發表於 17-3-30 07:20 |只看該作者

哎～其實仲有好多同好長篇，我真係唔明，你都唔係有心要見女，做咩要係人前扮好爸爸呢？義意何在？
我同大女講，復活節只可以返大陸3日，大女勁大反應，問點解每次都係甘，每次佢想開開心心去玩，佢都會中途出現，搞到計劃泡湯，仲話如果我唔係呢個世界上，甘就唔會再比佢煩
當時個刻我好驚，驚個女會諗歪，但又好無奈，根本做唔到D咩，我真係唔明，都離左婚，點解仲有呢D甘多規例綁手綁腳，雖然話就話小朋友細，但佢地都有佢地既諗法，點解因爲大人一句，佢地就要跟住做，當然某D決定性既事例外啦，正所謂強扭的瓜不甜，甘樣被逼既親情都唔會有愛，倒不如各自各生活，況且佢都結左婚，有個新家庭啦

唉～～～可唔可以唔好再搞我地3母女呀⋯⋯