少年成長今日: 0|主題: 15914

收藏本版

發帖

返回列表

跳至頁

查看: 3563 | 回覆: 0

兄弟關係 [複製鏈接]

csir3290

子爵府

積分: 11281

1^#

發表於 19-9-1 11:26 |只看該作者 |倒序瀏覽 |打印

喺咁多兄弟姊妹入面我係做最大嗰個，所以自細成日都聽到爸爸媽媽會同我講要讓下啲細嘅要照顧啲細嘅。記得細個好多時做錯嘢就算係大家一齊做錯我都係鬧得最多嗰個，又或者明明係啲細嘅唔啱，但係都係會畀人話埋一份。回想起嗰陣時其實都幾唔開心，因為總係覺得好嘢就冇我份，但係做錯嘢就永遠都有我份。爸爸媽媽總係覺得我大過佢哋所以就要讓佢哋。其實講真我大過我啲細佬妹都係一兩年，點解乜都要係我讓佢哋呢？連分嘢食或買乜嘢玩具好多時都係會聽到讓下啲細啦呢句說話。所以當時細個嘅時候唔識諗真係有陣時會幾嬲自己啲細佬妹。

到而家自己做咗兩個小朋友嘅爸爸，就會成日記住提醒自己唔好成日同家姐講叫家姐讓細佬要公平，當佢哋有矛盾嘅時候要幫佢哋解決個矛盾，教佢哋點樣去協商，點樣去處理問題，點樣諒解點樣讓步。呢啲都係我做爸爸嘅責任。我唔想家姐唔鍾意細佬，亦都唔希望佢兩個感情因為父母做得唔好而受損害。好似佢哋細個究竟邊個沖涼先邊個做啲乜嘢先，細個嘅時候我就會教佢哋一人做一日，所以細個嘅時候佢哋分得好清楚邊一個月嘅雙數星期就係家姐沖先，下一個月就到細佬做先，當然做父母嘅就要記得幫佢哋維持呢個規律。去邊度食飯去邊度玩都要記住一人話一次事。到到而家大啲佢兩個有陣時自己都會講嗱今次你話咗事下次就到我㗎喇，咁佢哋就會解決到嗰個意見分歧。就算買玩具，雖然有陣時我亦都會一人買一份。但係當只係可以買一份嘅時候，我哋就會問佢哋會唔會係兩個一齊玩，如果佢哋唔能夠做到兩個一齊玩嘅話，我哋就唔買或者買咗之後見到佢哋爭住玩唔肯分享嘅話，我哋就會收起玩具，所以好多時佢哋都可以做到一齊玩。

佢兩姊弟就係將來佢哋兩個互相嘅倚靠，如果細個嘅時候都唔能夠幫佢哋培養到好嘅感情，咁大個佢哋可能就會變得越嚟越冷漠，越嚟越唔理對方，但係其實個問題有時根本就係出自於自細父母點樣教佢哋處理問題，點樣幫佢哋去解決問題。兄弟姊妹出生究竟係互相競爭定係互相幫助其實好睇父母點樣幫佢哋手去發展大家之間嘅關係同埋感情。

0 0 0

私人傳訊

跳至頁

返回列表

上一主題 • 下一主題

回覆

發帖

頻道

討論區

熱門搜尋：

少年成長 今日: 0|主題: 15914

少年成長今日: 0|主題: 15914