心聲留言今日: 1|主題: 17509

收藏本版

發帖

返回列表

跳至頁

查看: 2053 | 回覆: 6

又要曬命又要冇料扮4條 [複製鏈接]

我愛貓貓

大宅

積分: 2117

1^#

發表於 17-7-13 02:52 |只看該作者 |倒序瀏覽 |打印

本帖最後由我愛貓貓於 17-7-13 03:02 編輯

D人呢真係好奇怪ga。唔係一齊去旅行都唔知佢哋兩公婆係咁嘅人。見到每年佢哋都會去歐洲，見到又郵輪，又歐洲之旅。年年有
好似好有錢，又幸福...我又好葡萄

點知真相係：去旅行，食嘢食超市平價餐，中午就偷酒店D自助早餐麵包解決
被督破真相的一刻仲要話：日日食PIZZA，食歐洲嘢好熱氣。（但食咗十幾日）
原因係：BOOK咗好貴嘅一個餐廳，去到餐廳不斷影影影，好似大鄉里出省咁。隔離D人都望住曬，真係超冇面。跟住食唔曬，佢兩公婆仲話要打包攞走。我真係未見過有人會度到咁...

其實人地點我唔care，但係。問題就係係互相影相嗰part我被人爆我SEED。
話我影相朦，又震。仲要話返返去之前D景點度影返。你老闆，咁你就唔好俾我影啦。
你幫我哋影到一張都唔似人形，全部見到景見唔到人。全部高抄，變曬小矮人咁。

返到香港，我係一張佢地幫我哋影嘅都冇PO過，因為樣衰到po唔出，自拍嘅仲靚。

其實，我想話你係窮遊就唔好預我啦。雖然我都唔係好豪。但去旅行咁樣就住就住。食飯你lunch就食麵包，咁我就去食餐廳。跟住又嫌我哋耐唔跟time table。真係好唔掂囉大佬。原本諗住一齊玩，一齊食。

有一次因為我哋買咗嘢要早D去機場退稅，佢哋怪我哋唔等佢走咗去先。
大佬，你自己唔買嘢。我退稅嗰邊又要等成個鐘。唔通你俾我呀？退返都千幾港幣wor
點解世界上會有D咁怪嘅人，咁慳就咪鬼去啦。一係就唔好拖我落水啦。
跟住去到第二個城市，完全自己兩公婆就咁走咗去，好似我哋錯曬咁。咩料呢，真係好港男港女。

跟住當晚我C6/9同佢兄/妹 SD whatsapp，竟然仲話我連sorry都唔識講。
跟住又話我同佢地玩嗰陣得罪了幾百萬年薪的人，但呢個人只是一個不相關及無論在工作上或者親戚度上都唔係我關係。只是一齊玩online遊戲，我唔明白點解可以係whatsapp度講到好激動咁，唔講以為幾百萬年薪係佢。又話畀面我C6/9費事破壞兄妹關係。

仲要依家搞到關係差曬（我表面上屈服咗啦）但實際上係睇佢唔起，又要好威威咁，又唔俾人叻過佢，如果我話我人工高過佢，分分鐘又聽到一堆解釋。又話自己上過攝影堂好勁。但又要問人點樣先可以影到咁靚色。哎，我真係...

就係因為一次購物退稅唔等佢，咁就嬲咗...之後睇返佢FB，全部都係我影嘅靚相...同一堆風景。佢個個同事又哇哇聲。真係睇到都嬲爆...（最主要係話原本約好一齊，但佢係餐廳起咗身所以嬲。我話俾返錢佢叫佢繼續坐到夠鐘先好走，佢竟然話我侮辱佢...真心O嘴）

以後團年飯呢D仲會見到佢哋，但已經真係眼尾都唔想見到佢。點算好呀。
我容忍到依家係因為畀面我C6/9同佢阿爸阿媽咋