論盡家傭

收藏本版
發帖
返回列表
跳至頁

首頁
12345

尾頁
   0
CheukC9


男爵府

積分: 5908

好媽媽勳章


1#
發表於 08-11-27 14:48 |只看該作者
各位有工人或打算請工人嘅媽咪，尤其新手媽咪，請細讀 (好長)。我係一個人辦，而家後悔莫及，希望你哋唔好步我後塵。

我工人(賓)8月頭嚟，bb喺佢嚟咗之後3個禮拜出世。呢3個禮拜入面，工人可謂冇100分都有95分，家頭細務做到足，重係自動波。我同老公重以為我哋咁好彩，一請就請到件荀嘢，不知幾感恩。

點知，阿b出咗世，我哋就發現佢原來唔識湊b。一問之下佢和盤托出，竟然夠膽死話以為湊初生同湊半歲b係一樣，所以當初claim自己識湊。我同老公真係啞哂，但係當時阿b先得個零禮拜大，冇辦法唯有親手由零開始train up佢，不過佢都叫幾畀心機學，咁我哋就諗如果你pick up到都ok啦。其間佢放咗3日勞工假 (返工頭3個月)，我哋都冇扣佢錢，諗住以示獎勵，鼓勵佢畀啲心機做。

而家佢做咗4個月。我哋自問對佢真係非常好。其實喺請工人之前我已經聽唔少朋友同bk媽咪講，對工人咁好一定後悔。但係我同我老公唔聽，認為我哋對個工人好工人一定會做返好。所以我哋個工人，可以揀佢鍾意嘅麵包同飲奶做早餐，可以星期六晚熨定自己啲衫星期日著，可以夜晚做哂嘢之後講電話同畀佢叉電，可以喺我哋張餐檯食飯，我哋唔喺屋企食飯時可以買佢鍾意嘅嘢食，星期日可以一早出街唔使等我哋起身亦任佢幾點鐘返，阿b出世之後啲家務做唔切我哋一次都冇話過佢，呢排天氣凍重畀咗件fleece外套佢驚佢凍親，買嘢返嚟食會預埋佢嗰份，就算我坐月時食啲海味補品佢都可以食…..之餘此類。我哋以為，佢都四十幾歲人，應該識做，唔想好似吓吓昅住佢同篤住佢做嘢咁。

點知，工人真係養唔熟。佢算唔係成日做錯嘢嘅人，所以每次佢做錯嘢，我同老公都好聲好氣同佢講，亦冇介意佢做錯，只要佢下次唔好再錯就得。點知冇幾耐，佢開始嚟料。我話佢做錯嘢，或者只係叫佢唔好做某啲嘢 (唔係話佢錯，只係我哋唔prefer咁做，例如唔好咁大力搖張搖椅，驚阿b嘔奶)，佢就黑面，兼唔望我亦唔應我。我開頭冇為意，後來佢成日都係咁，我就開始唔鍾意，於是佢一唔應我，我就問佢佢聽唔聽到，問到佢應我為止。就住呢件事，我同我老公都喺同佢review時講過兩次，話佢一定要畀response我哋，唔係我哋唔知佢明唔明，溝通好重要。

但係前幾日，佢搽咗指甲油返嚟畀我哋見到，我哋就叫佢抹咗佢，佢話佢冇洗甲水，我話唔緊要，我有，借畀佢抹。佢聽到我咁講就黑面。我就同佢講佢返工第一日我哋就講咗唔可以搽，問佢記唔記得，佢唔應我，我再問佢佢話yes。我愈諗愈嬲，就直頭問佢你而家係咪黑我面，佢話no，我之後都冇再講嘢。

點知第二朝佢見我起身，當我冇到唔叫我。我把鬼火走埋去佢身邊企喺度佢先叫。到我放工返屋企，佢一樣望我一眼唔叫我。我同老公於是叫佢坐低傾吓。一坐低佢先發制人同我講「如果你因為我尋晚嘅attitude唔開心，咁sorry…」我以為佢終於知錯，重話good。點知原來佢未講完「但係你應該等我食完飯先同我講!」(原文：”you should wait until I finish my dinner.”) 我一聽到就火都嚟，同佢講「no! 你做錯嘢我話你，你唔應我唔認錯不特止，重話要我等你食完飯先? 咁我下次同你講嘢使唔使問吓你心情好唔好，得唔得閒先同你講??」跟住佢話：「如果你係咁，咁我唔做喇!」佢大我我重更加慶啦! 就同佢講：「你唔做而家即刻執包伏，賠返一個月人工畀我，即刻可以行出呢個門口!」
第日我打畀agent投訴，agent聽到佢搽指甲油同黑面都話佢唔啱，話打畀佢同佢講。點知我唔知佢同agent講乜，agent同佢講完打返畀我，態度180度轉變。話個工人話係我唔啱，我同佢講嘢時用手指指佢，唔尊重佢。我話有冇搞錯? 我係有用手指，但係係佢話唔撈，我話可以執嘢畀錢即刻走時先手指指個門口。如果唔係佢咁嘅態度，我點會咁惡? 我用手指指佢就唔尊重佢，咁佢明知唔可以搽指甲油都搽重要黑我面同當見冇到，咁又好尊重我咩?? 何況而家邊個打工邊個畀錢呀? 但係agent竟然同我講「個個工人都會黑面架啦! 我嗰個都會啦!」咁即係點呀? 即係我應該接受呀? 個個工人都會黑面即係呢樣嘢係冇問題呀?? 呢一刻我就知道同個agent傾係嘥氣。

而家我真係好想好想炒咗個工人，我諗起重要畀錢養個咁嘅人喺我屋企篤眼篤鼻我就唔忿氣。我同老公講想唔要工人，將bb托去育嬰園。無奈老公唔肯，話雖然個工人attitude係有問題，但係佢做嘢又真係ok同幾鍚bb，佢驚唔要工人我哋會好辛苦。而家我哋畀個工人「牽著鼻子走」，真係好唔開心!!

所以，我奉勸各位媽咪，真係千祈唔好對工人咁好。佢哋唔會珍惜之餘，重唔知幾時會反咬你一啖。可能我哋對佢太好，所以當我哋一話佢時，佢就唔鍾意。如果我哋一開始唔係對佢咁好，可能到我哋話佢時佢會易接受啲，因為唔會expect我哋對佢咁好。

我而家真係超後悔之前對佢咁好。亦好後悔當初佢唔識湊但係育嬰園有位時，我哋揀咗畀個機會佢。

各位bk媽咪，我知錯喇!!!
私人傳訊

Mymelody2006


複式洋房

積分: 313


2#
發表於 08-11-27 15:06 |只看該作者
Take the time to look for another new maid who has experiences to take care for NB.

Once the new maid arrive, you can release her. Everything start from zero. Don't let the new maid dining with you, do can share everything to her and cannot let her eat all things in the house! If consistence, you will find somedays lose of birdnest...such thing around you.

God bless you.
私人傳訊

SEricsson


男爵府

積分: 6171

大廚勳章


3#
發表於 08-11-27 15:07 |只看該作者
其實你個工人同其他工人一樣, 都係咁衰... 你就算請過第二個, 都唔會請到好人.

1年內我請過2個工人(就黎請第三個), 依家會分大問題同小問題. 總之個工人唔好偷野, 唔好借錢/做擔保, 唔好大肚, 我覺得其他問題都變為小事.

我阿媽話:忍下啦，等D細路大D咪唔好請囉, 你當佢鐘點咁, 但係平過鐘點. 你俾託嬰院, 佢都要收你成$4xxx, 仲要返到屋企無人煮飯食, 自己做餐死. 你睇下你忍唔忍到, 忍受到就工人, 忍唔到就自己辛苦D.

我見過好多bun, 10個有9個半都要講大話, 總之佢地做家務, 唔好傷害我D小朋友, 我就OK... 算.. 反正我用完就會叫佢走, 又唔係同佢過人世. 我諗我仔到4-5歲, 我都唔會再請工人.
私人傳訊

mylulu007


伯爵府

積分: 15536


4#
發表於 08-11-27 15:17 |只看該作者
唔好唔開心，依家D BUN真係唔憂做架！ 態度就梗係串過以前啦。

其實你屋企算好做啦，湊一個，仲要僱主對佢咁好，包食好野仲可以晚晚講電話。

我屋企位印姐，7點做到晚11，放假日早上我至俾mobile佢咋（即晚12點前還），仲要湊3歲 ＋ 8個月。 煮埋晚飯同粥仔，接大囡放學。 除左唔駛買送，洗燙煮食大小b沖涼暗瞓都係佢既職務，俾我都做唔店。

你個工人無得救，仲有成年半點捱？ 俾一個月notice佢，搵過個agent找工人啦。

初頭係辛苦d，但係bb會學照顧自己的人，俾件黑面bun照顧，真係唔荒笑得出。

私人傳訊

CheukC9


男爵府

積分: 5908

好媽媽勳章


5#
發表於 08-11-27 15:20 |只看該作者
我未至於同佢一齊食飯咁蠢，我只係容許佢坐喺我哋餐檯食，唔使好似有啲工人咁哩喺廚房度食。

原文章由 Mymelody2006 於 08-11-27 15:06 發表
Take the time to look for another new maid who has experiences to take care for NB.

Once the new maid arrive, you can release her. Everything start from zero. Don't let the new maid dining with you ...
私人傳訊

cheerma


複式洋房

積分: 484


6#
發表於 08-11-27 15:20 |只看該作者
我個工人都係一樣,黎嘅時候好好,但一d都唔話得,對你黑面以經好好,如果在你不在家時對你個B唔好就仲麻煩.
我個工人係我地面前對我個女好好,但有一次話過佢,佢係我唔係屋企時,好大力咁放我8個月大細女落梳化. 出街我會叫我媽黎睇住, 咁啱我媽係厠所出黎睇到, 嘩,如果屋企無人,都唔知佢會做d咩出黎.
私人傳訊

CheukC9


男爵府

積分: 5908

好媽媽勳章


7#
發表於 08-11-27 15:24 |只看該作者
你講得啱，我都覺得我再請過個都會係咁。但係我又做唔到將個底線set到咁低，所以我先想將bb托去育嬰園。起碼啲老師pro啲唔使我教過 (我用哂啲假冇時間教)，不過係辛苦自己。可惜我老公同我意見唔同。

原文章由 SEricsson 於 08-11-27 15:07 發表
其實你個工人同其他工人一樣, 都係咁衰... 你就算請過第二個, 都唔會請到好人.

1年內我請過2個工人(就黎請第三個), 依家會分大問題同小問題. 總之個工人唔好偷野, 唔好借錢/做擔保, 唔好大肚, 我覺得其他問題都變 ...
私人傳訊

SarahYau


複式洋房

積分: 144


8#
發表於 08-11-27 15:27 |只看該作者
我個工人都係咁啦, 黑口黑面.
家下佢自己話唔do, 做左2個月咋, 就話辛苦.
都唔知有咩咁辛苦, 只係湊1個bb, 家務做到就做, 做唔到都唔敢話佢. 諗住佢離鄉背井咁慘, 對佢好, 點知原來真係冇用. 對得佢衰又怕傷害個女, 下個工人未黎...家下都驚緊, 應唔應該對佢好d....定係嚴d.....d工人就黎攪到我都short喇....真麻煩!
私人傳訊

方方媽媽


水晶宮

積分: 74328


9#
發表於 08-11-27 15:28 |只看該作者
對個工人好,唔係你咁樣好法架.
你個種叫做縱.
等如教仔,要用愛心,但唔係縱吖嘛.
快d炒鬼左佢,再請過個啦!
到時,唔係話要亂咁鬧工人,比面色佢睇,但要學識"管理"而唔係縱壞啦!
好快會雨過天青,祝你請到個好工人啦!
私人傳訊

CheukC9


男爵府

積分: 5908

好媽媽勳章


10#
發表於 08-11-27 15:30 |只看該作者
咪係囉! 你個工人辛苦過我個多多聲啦! 就係咁我先慶，一話佢就黑我面，重要我唔係無理話佢，我夠膽講真係次次佢都係做錯嘢先話佢，重要唔係鬧佢，只係話畀佢聽錯咗或者我哋想佢點做，佢就已經唔like!! 叫我點忍呀??

原文章由 mylulu007 於 08-11-27 15:17 發表
唔好唔開心，依家D BUN真係唔憂做架！ 態度就梗係串過以前啦。

其實你屋企算好做啦，湊一個，仲要僱主對佢咁好，包食好野仲可以晚晚講電話。

我屋企位印姐，7點做到晚11，放假日早上我至俾mobile佢咋（即晚12點前還），仲要湊3歲 ＋ 8個 ...
私人傳訊

CheukC9


男爵府

積分: 5908

好媽媽勳章


11#
發表於 08-11-27 15:32 |只看該作者
咁你結果點? 炒咗個工人未?

原文章由 cheerma 於 08-11-27 15:20 發表
我個工人都係一樣,黎嘅時候好好,但一d都唔話得,對你黑面以經好好,如果在你不在家時對你個B唔好就仲麻煩.
我個工人係我地面前對我個女好好,但有一次話過佢,佢係我唔係屋企時,好大力咁放我8個月大細女落梳化. 出街我 ...
私人傳訊

CheukC9


男爵府

積分: 5908

好媽媽勳章


12#
發表於 08-11-27 15:33 |只看該作者
你呢番說話簡直係我心聲啦! 我就係唔想再提心吊膽先唔想再用工人喇。

原文章由 SarahYau 於 08-11-27 15:27 發表
我個工人都係咁啦, 黑口黑面.
家下佢自己話唔do, 做左2個月咋, 就話辛苦.
都唔知有咩咁辛苦, 只係湊1個bb, 家務做到就做, 做唔到都唔敢話佢. 諗住佢離鄉背井咁慘, 對佢好, 點知原來真係冇用. 對得佢衰又怕傷害個女, ...
私人傳訊

cowkingb


大宅

積分: 3183


13#
發表於 08-11-27 15:44 |只看該作者
原文章由 CheukC9 於 08-11-27 15:30 發表
咪係囉! 你個工人辛苦過我個多多聲啦! 就係咁我先慶，一話佢就黑我面，重要我唔係無理話佢，我夠膽講真係次次佢都係做錯嘢先話佢，重要唔係鬧佢，只係話畀佢聽錯咗或者我哋想佢點做，佢就已經唔like!! 叫我點忍呀??

...


比我都忍唔倒... 我對第一個工人就係咁啦, 佢都係 bun... 係唔係 bun 都係咁既呢? 成日郁 d 就話唔做...
私人傳訊

2heiBBmama


公爵府

積分: 27067

好媽媽勳章 親子達人勳章 BK Milk勳章


14#
發表於 08-11-27 16:06 |只看該作者
工人都講到出口話唔做, 炒咗佢啦......
工人唔係唔可以對佢地好, 只係方式唔同, 我唔會任佢食乜煮乜, dd係規則, 我喜歡用獎賞獎勵工人, 而唔係縱工人......
神未曾應許天色常藍;但衪曾應許生活有力!
私人傳訊

CheukC9


男爵府

積分: 5908

好媽媽勳章


15#
發表於 08-11-27 16:29 |只看該作者
點解你會話縱呢? 咁你所指管理係咩意思?

因為我同我老公一直覺得咁樣唔算縱，只係reasonable地對待佢，做嘢啱就讚，唔啱就話。我哋認為只要樣樣嘢有reason同合理就ok。我哋唔想對佢好似犯或者奴隸咁。

不過講到尾...咁樣好似唔work...

原文章由 方方媽媽 於 08-11-27 15:28 發表
對個工人好,唔係你咁樣好法架.
你個種叫做縱.
等如教仔,要用愛心,但唔係縱吖嘛.
快d炒鬼左佢,再請過個啦!
到時,唔係話要亂咁鬧工人,比面色佢睇,但要學識"管理"而唔係縱壞啦!
好快會雨過天青,祝你請到個好工人啦!:fun ...
私人傳訊

yumiwan


大宅

積分: 1007


16#
發表於 08-11-27 16:33 |只看該作者
我覺得我地呢班要返工靠工人睇細路既僱主真係好慘, 對住個工人要忍氣吞聲. 驚對個小朋友不利. 就算佢做得唔好只可以好聲好氣勸喻佢. 好似我工人咁, 成日扭毛巾都唔出力. 扭完條毛巾仲係好濕. 我仲可以扭到好多水出黎, 同佢講左3次都冇改善. 又唔可以好惡咁鬧佢. 而家每日d毛巾都係我再去扭咋.
個工人剩係做d佢鍾意做既家務. 唔鍾意做果d真係要每次叫先肯去做. 對阿囝又唔細心. 對我又冇禮貌. 其實我都好想炒佢. 但係又驚新工人仲衰, 呢個工人除左冇偷你野(暫時), 搞呢搞老就算. 不過有時真係俾佢激到死死下.
d人唔知仲以為我地有工人使好梳乎. 其實真係冇人湊仔要返工先被迫請個工人返黎激氣咋
私人傳訊

Jovywong824


大宅

積分: 1929


17#
發表於 08-11-27 16:45 |只看該作者
原文章由 yumiwan 於 08-11-27 16:33 發表
我覺得我地呢班要返工靠工人睇細路既僱主真係好慘, 對住個工人要忍氣吞聲. 驚對個小朋友不利. 就算佢做得唔好只可以好聲好氣勸喻佢. 好似我工人咁, 成日扭毛巾都唔出力. 扭完條毛巾仲係好濕. 我仲可以扭到好多水出黎 ...


你沒 6299 , 老豆阿媽幫手睇住嗎 ?
私人傳訊

CheukC9


男爵府

積分: 5908

好媽媽勳章


18#
發表於 08-11-27 16:45 |只看該作者
就係冇先咁慘... ...有我唔使請工人啦...

原文章由 Jovywong824 於 08-11-27 16:45 發表


你沒 6299 , 老豆阿媽幫手睇住嗎 ?
私人傳訊

ANIT


民房

積分: 72


19#
發表於 08-11-27 16:47 |只看該作者
有時真的是要比錢買經驗及教訓, 我之前第一個工人咪有係咁, 最後忍左年半, 真的忍無可忍炒鬼左佢. D agent又係咁哀, 無一個真的會幫僱主, 因為佢地都有收d衰工人錢. 我現在個新工人, 比起之前個衰野, 無論工作態度, 禮貌, 智慧都好過以前個多多聲, 佢又係印傭, 但佢識英文及中文, 易溝通, 無機會比佢扮唔明, 可能今次開個頭開得好啦. 希望可以keep耐d.
私人傳訊

winnie_sh


子爵府

積分: 10622

醒目開學勳章


20#
發表於 08-11-27 16:51 |只看該作者
原文章由 CheukC9 於 08-11-27 16:29 發表
點解你會話縱呢? 咁你所指管理係咩意思?

因為我同我老公一直覺得咁樣唔算縱，只係reasonable地對待佢，做嘢啱就讚，唔啱就話。我哋認為只要樣樣嘢有reason同合理就ok。我哋唔想對佢好似犯或者奴隸咁。

不過講到尾...咁樣 ...

方方媽講得o岩，你呢種真係縱緊個工人，同工人相處比同同事困難，因為當中涉及我地D寶貝，所以你用乜都《就》同《無所謂》咪叫"縱"囉.

簡單D講句，工人一到就要知你set出來所有規矩及底線，你要求佢點去跟你指示，通通要清楚講明，頭段一定要嚴.

到工人做到本份，你就可以慢慢放鬆少少...

到工人做到你要求，就可以輕鬆D...

到工人額外做多過要求，就可以盤算用咩獎勵(但一定唔可以多，唔係工人會每次比較僱主比咩佢做獎勵)

到工人質數回落，呢個時候就要傾下計，睇下你同工人對雙方有咩不滿...
~~~~~~~~~~~~~~~~~~~~~~~~~~~~~~~~~~~~
到工人已經有心病，個心唔再係你屋企，就一定要安排搵定新工人...

到你已經唔再放心小朋友單獨同工人一齊，就一定要炒，仲要快同狠，唔可以諗住拖到新工人到.

咁寫會唔會覺得用《管理》呢兩個字有問題呢？！
私人傳訊


首頁
12345

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見