大家好,由我BB未出世之前開始上黎學野,睇大家既經歷,令我做定最足夠既心理準備,諗定會發生最差既情況去餵人奶.
而家BB已經差不多兩個月啦!除左出世之後因為我出血多左D,所以留左喺產房觀察,要成差不多四個鐘先可以餵,未趕得切通知醫院我BB要全人奶,唔加奶粉之下,醫院用杯仔餵左一次奶粉之外,BB就係埋身餵全人奶,BB仲重得好好,滿月已經重左3磅啦!希望我可以餵到2歲啦!!
好彩呢度有MAMA教同醫院講要全人奶,唔加奶粉,所以就算初頭得好少奶,但係我BB都好肯啜.而BB啜得多,我好快就上奶.就會有足夠既奶去餵BB.
加上我之前睇呢度MAMA既經歷,知道除左自己嚇自己以為唔夠奶之外,最主要就係家人既支持,所以我就預早帶左老公同幫我陪月既阿媽去聽育嬰協會既講座,聽完之後,佢地都好明白人奶既好處同會遇到既問題,所以就會比到好多支持我啦!!
而家我出街都唔成問題,只要出街前睇下呢度POST既育嬰房資料,盡量就下,再唔係就用餵哺巾喺街度餵,我已經試過喺好多地方用啦!包括酒店,食店,後樓梯都試過添呀!最緊要塊布夠厚LAW!
所以我真係好多謝呢個版,教曉我餵人奶既要訣,出世後盡快餵,唔好加奶粉,BB一要就比佢啜,多啜就等於多奶,尤其夜晚就更加要餵多D,上奶就上得更加快啦!再加上家人支持,餵人奶SURE WIN.
**有一張已貼好25個印花既萬寧印花送出,可換SINOMAX,如需要請PM我啦!THANKS!**
http://lbff.lilypie.com/CsFWp8.png" width="400" height="80" border="0" alt="Lilypie Breastfeeding tickers" /></a>
發表於 
返回列表
