婆媳關係 今日: 1 | 主題: 27770

積分: 1606

1^#

發表於 09-1-16 13:59 |只看該作者 |倒序瀏覽 |打印

我係舊年五月個時生咗個 bb, 而家 bb 都成八個月大喇.

我係諗生之前一個月, checking 時 check 度有血壓高, 入院休息一晚又無事可以出院, 到諗生之前一個星期, checking 時又 check 到又有血壓高, 又要入院, 入院觀察期間, 一時有少少高, 一時又正常, 醫生叫我就黎到預產期, 叫我唔好出院住, 仲叫我不如塞藥, 令子宮頸開, 等醫生放得落手指, 月人手穿羊水就可以催生, 係我入院等二日開始, 我朝早開始塞藥, 痛咗一日一夜, 到第二日, 醫生話我有少少陣痛跡像, 話我又可能自己陣痛, 叫我停藥, 等一日睇下我會唔會陣痛, 又等成日成晚, 都無任何動靜, 醫生 check 過子宮開得未夠成熟, 未能人手穿羊水催生, 又要塞藥, 又痛一日一夜, 第二日, 醫生 check 下子宮成熟未, 都係 bad news, 未得, 又要塞第三粒藥, 又要痛一日一夜, 都第二日, 醫生 check 話都免強可以放得落手指人手穿羊水, 咁我都好開心, 等咗咁多日, 辛苦咗咁多日, 終於可以生喇, 入到產房, 醫生穿羊水, 插催生針, 醫生每四個鐘入黎睇一次子宮開咗幾多度, 第一次話未開, 又等, 個陪產員幫我加重催生金既藥, 但一加無耐, 佢話 bb 心跳太快, 要減輕 d 藥, 到痛咗八個鐘, 醫生第二次 check 子宮, 都話未開, 只放得落手指, 我話痛咗咁耐都唔開, 不如開工啦, 痛 c 我呀. 仲要比個陪產員鬧: 太太, 手術室好多人用架, 唔係你話要開工就開工架? 講咗好多次, 有惡又大聲又無禮貌, 我同老公兩個係產房入面勁喊, 好慘, 咁大個女都未試過咁辛苦, 再痛多四個鐘, 再比醫生 check, 都係唔得, 因穿羊水太耐都未生到, 要緊急開工, 足足痛咗三日三夜(塞藥開子宮穿羊水) + 催生12個鐘, 都係要開工, 真係好可憐呀.

開工順利生咗 bb, bb 六磅多少少, 見到 bb, 佢健康我點辛苦都值得.

當我休息完, 我同媽咪傾電話, 佢話老公係我生咗之後打比佢, 話佢知我生咗, 係開刀生, 我媽咪話知道我開刀生, 成晚訓唔著, 我問佢仲咩訓唔著呀, 我都順利生咗 bb, bb 又無事, 佢話擔心我, 因我開刀生, 驚我好痛同埋傷口會痛會發炎, 我知道我媽咪咁緊張, 咁擔心我時, 我好感動, 覺得媽咪真係好鍚我.

我坐月時, 我媽咪來探我, 我奶奶都係到, 我媽咪同奶奶傾, 話我陀嗰時咁大個肚, 仲以為我生個八磅重既 bb 添, 我媽咪笑住咁講, 我奶奶聽之後, 反應好大, 大大聲當住我同我媽咪面講, 你地做到我奶奶講乜嗎? 佢話: 生個八磅, 而家生個六磅都生唔出呀. 仲話生個八磅添喎. 我聽到, 我傷心呀. 點解我奶奶會咁講架? 仲要係我媽咪面前咁講, 我媽咪聽到之後, 個樣好尷尬, 都唔知點回應我奶奶, 真的好 hurt 呀. 呢句說話, 都今日巳八個月了, 都拋唔開, 成日 out 起呢一句話.

我陀 bb 個時, 經歷咗好多嘢, 好辛苦, 係有咗個多月個時, 流啡作小產, 係有咗兩個幾月開始, 一路嘔到成七個月, 係食乜嘔乜, 又成日頭暈, 真係勁辛苦, 呢 d 我奶奶都知, 佢未知我由有阿 b 到生都咁辛苦, 佢都係女人, 都知生 bb 有幾辛苦, 點解佢會講得出呢 d 說話, 仲要係我媽咪面前咁講, 我媽咪一定心諗, 我個女背後有無比個奶奶恰呢?

哎, 近排好煩, 好唔開心呢? 因為阿 b 係奶奶湊, 但, 星期二我同老公同奶奶鬧咗交, 阿 b 呢兩日比咗我媽咪湊, 鬧交原因等我有心情再同大家講, 我奶奶講咗 d 好難聽, 好過奮既說話, 我諗我無可能當無事發生, 我現在只希望能做到面和心不和, 希望我能忍到, 我唔想再同佢有任何瓜葛, 真係好唔想再見到佢, 但係, 新年將到, 又要扮無事同佢食團年飯同拜年, 真係十萬個唔願意, 有咩辨法可以唔返去呢?????

0 0 0

私人傳訊

Siuchoi

積分: 32052

2^#

發表於 09-1-16 14:12 |只看該作者

嘩~ 你痛左咁多日, 一定辛苦C了.....我需然係順產, 只痛了2個鍾便生得, 但都倦到想C了.....

99既問題, 好多時係c6引致的, 或者你要先從c6方面下點功夫, 得到c6認同, 咁99點發功, 殺傷力都唔會太大~

我覺得....年一定要拜, 飯一定要食, c6要面, 當比面c6, 等c6知你錫佢, 咁佢自然會係你嗰边!

私人傳訊

wingyyleung

積分: 1606

3^#

發表於 09-1-16 14:20 |只看該作者

我個 c6 都知佢阿媽煩, 佢都錫我, 但係, 佢話佢夾係中間, 都好辛苦, 一個係佢老婆, 一個係佢阿媽, 佢前晚先喊住同我講, 佢壓力好大, 因佢 d 家姐實會係佢阿媽嗰邊, 佢地會比說話我老公聽, 真煩.

我都知要去, 唔好就會做到好明顯架喇.

但, 真係好難對住 d 咁既人強顏歡笑.

私人傳訊

PINK0717

積分: 8032

4^#

發表於 09-1-16 14:21 |只看該作者

樓主..我好明好明你架!!

手先..我都係同99住
二....我又吹生...我bb出世得5.7磅...陀b時個肚又係好大
三....99都成日講...bb un到屎....肥哂.向你到...e+ d姑9成日話我肥...減唔到架啦
四....我bb e+都係99湊

有時我唔想老公夾向我地中間..就自己"古"一聲忍左佢..自己唔開心...

其實我媽亦同我攬住一齊cry..媽咪好心痛..我要受禁多"偉屈"~~

私人傳訊

Carol601016

禁止訪問

積分: 1111

5^#

發表於 09-1-16 14:22 |只看該作者

提示: 作者被禁止或刪除內容自動屏蔽

私人傳訊

tungtsz

積分: 2183

好媽媽勳章

6^#

發表於 09-1-16 14:27 |只看該作者

我都痛左2日2夜至生到亞仔...所以好明白你生之前既感受...

至於99既問題...你有無同老公傾過...講比佢知你既感受...老人家有好多時講嘢真係唔經大腦...但轉個角度...會唔會你99覺得同你咁熟...講說話唔需要修飾呢?? 過時過節真係好難唔見...尤其有左小朋友...老人家更加有藉口要成日見...你而家首先係要同老公修補番關係先...無老公既支持...自己個家都唔團結又點可以對抗其他人/事呢??

私人傳訊

晞玥

積分: 34110

hashtag影視迷勳章好媽媽勳章畀面勳章 BK Milk勳章

7^#

發表於 09-1-16 14:51 |只看該作者

嘩~就咁睇你講都感受到你當時有幾痛......

我計埋生痛左25個鐘都幾乎死咁滯,所以話媽媽真偉大~~~

你係同99一齊住??如果唔一齊住都易搞d,既然而家bb都俾左你媽咪湊住先,可唔可以叫你媽咪以後都幫你湊?
至於你99講嗰d野,其實好少事,唔駛太上心~
你要知道我地d新抱在佢來講只係外人,就算佢自己都生過仔佢都唔會明,因為你唔係佢個女,佢只會覺得你冇用,又點會錫住你?

食團年飯呢d其實都好難避,當俾面老公啦~
我地呢度大部份新抱都係十萬個唔願意返去99嗰邊食團年飯,當然我都係~

私人傳訊

LatteLatte2008

積分: 6476

好媽媽勳章

8^#

發表於 09-1-16 16:40 |只看該作者

都唔明點解d 99講野成日都唔經大腦?!
我個99咪又係試過好多次講埋d野hurt我, 都唔知佢有心定無意
我c6就同佢呀媽講好說話/安慰我, 叫我唔好上心, 因為佢呀媽唔識講野喎

:;pppp:

私人傳訊

wong.b.5

複式洋房

積分: 248

9^#

發表於 09-1-17 00:37 |只看該作者

恃老賣老, 做左幾十年人都唔識講野, 欠缺對人應有嘅禮貌同教養...

原帖由 LatteLatte2008 於 09-1-16 16:40 發表
都唔明點解d 99講野成日都唔經大腦?!
我個99咪又係試過好多次講埋d野hurt我, 都唔知佢有心定無意
我c6就同佢呀媽講好說話/安慰我, 叫我唔好上心, 因為佢呀媽唔識講野喎
:;pppp: ...

私人傳訊

LatteLatte2008

積分: 6476

好媽媽勳章

10^#

發表於 09-1-17 01:19 |只看該作者

原帖由 wong.b.5 於 09-1-17 00:37 發表
恃老賣老, 做左幾十年人都唔識講野, 欠缺對人應有嘅禮貌同教養...

咪就係囉...真係好谷氣...

私人傳訊

食嘢太狼

積分: 9058

11^#

發表於 09-1-17 01:30 |只看該作者

唔駛太在意佢再講任何嘢,借聾耳陳隻耳,鍾意,啱聽未答佢囉,最緊要老公幫你,同佢講嘢最好有人係道,如果唔係Ｄ人最鍾意話冇講過,你真係吹佢唔脹?

我奶奶係我大肚時趁我老公返工後,同我講:你攞嚟賤要大肚,我極度唔開心,媽媽又唔係身邊,仲要又大肚到bb４個月都對住佢,我嗰時日日喊,好想死.佢講嘢好刻溥,佢話唔想細抱生子,佢話驚佢生個女會教佢做雞

我好驚,佢好恐佈

mouth:.我屋企唔會有人咁講嘢

私人傳訊

hinhofion

積分: 4120

12^#

發表於 09-1-17 09:43 |只看該作者

原帖由 wingyyleung 於 09-1-16 13:59 發表
我係舊年五月個時生咗個 bb, 而家 bb 都成八個月大喇.

我係諗生之前一個月, checking 時 check 度有血壓高, 入院休息一晚又無事可以出院, 到諗生之前一個星期, checking 時又 check 到又有血壓高, 又要入院, 入院觀 ...

好明白你心情,但大時大節,冇乜可能唔見,除非你c6話唔去,但機會極微,我同你一樣,勁唔想見到6299佢地,但奈何冇得我揀,因為佢地係c6家人,唯有同c6傾掂數,盡量少d見,見面時咪做下戲,叫完人咪算lor,當交下戲,比足面c6,你為c6所做ga野,c6會知道的,你99再攪小動作,只會令c6更加錫你,衰d講句,同d衰人鬥長命,你有c6同bb係手,99呢?佢個仔都比左你,你咁唸條氣會順好多

私人傳訊

A.C.C.

積分: 3786

13^#

發表於 09-1-17 10:55 |只看該作者

原帖由 hinhofion 於 09-1-17 09:43 發表
好明白你心情,但大時大節,冇乜可能唔見,除非你c6話唔去,但機會極微,我同你一樣,勁唔想見到6299佢地,但奈何冇得我揀,因為佢地係c6家人,唯有同c6傾掂數,盡量少d見,見面時咪做下戲,叫完人咪算lor,當交下戲,比足面c6, ...

講得無錯, 團年飯同拜年係一定要去, 唔去, 就變成你錯晒。

不過點去, 就可以變通。
1. 時間可以縮短, 你帶住BB, BB要準時食奶瞓覺, 咁已經係一個好大嘅理由夠時間就鬆人返歸

2. 地點可以由你決定, 而家流感好厲害, BB唔多適合去人多空氣污濁嘅地方, 咁又可以唔去酒樓飲酒

3. 心態可以調整吓, 你同自己講，99只係普通長輩, 佢只係你老公嘅高堂大人, 同你無乜血緣關係, 地位等於隔離屋嘅三姑六婆之流, 你都唔會因為三姑六婆亂蹹而嬲架？佢鍾意講乜由佢, 你咪當睇電視睇到唔鍾意嘅畫面, 唔想見到佢就係個腦到自己轉台

私人傳訊

KoyeBaby

子爵府

積分: 12890

醒目開學勳章畀面勳章

14^#

發表於 09-1-17 11:12 |只看該作者

我都有試過塞藥,又係痛咗三日三夜,所以好明白你嘅痛!但係無謂為咗個99搞到自己同c6鬧交,真係好多老人家講嘢唔用腦架,你下下都放上心盞辛苦自己!我99都係得把賤咀,講親都無好嘢,以前有段日子我日日都詛咒99,好鬼憎佢,搞到成日同c6鬧翻...依家我都仲憎佢,但係學識唔理佢唔啋佢,有咩事都唔會喺c6面前鬧佢阿媽,出奇地平心靜氣同c6講佢反而仲受落,仲肯幫我!我哋做新抱嘅同99反面好唔著數架,反而得到c6嘅體諒更重要,唔啱傾咪見少d囉,大時大節當做場大龍鳳,你c6醒目嘅知道你係為咗佢會仲錫你添~

私人傳訊

方麗娟

積分: 40343

好媽媽勳章醒目開學勳章陪月勳章

15^#

發表於 09-1-17 11:47 |只看該作者

樓主, 唔好成日太執著廢人講廢話, 陣間有咩情緒問題到頭來蝕底咪又係自己! 為bb有健康成長, 你要開心d, bb感受到.

我陀bb時重咗40磅, 開刀生阿b有6磅幾, 隻9夠成日話肥晒落我到, 未生時已經成日自吹自擂話佢生到8磅幾9磅的肥bb(4個仔女得2個稍重, 即係50%, 有幾叻啫. 另外2個咪又係得6磅幾, d人唔會提), 坐月時日日話我bb好奀, 呢樣嗰樣, 自己湊到一pat屎仲以為自己好醒, 真係好難頂! 所有湊bb唔應該犯的錯佢全部做晒!

我都有唔開心過, 但問心, 由以前幻想自己生bb, 到真係有咗, 一直都希望bb出世係6-7磅, 唔太大又唔太細. 係d人老鬼套成日以為bb大隻好湊d...好多report都話bb出生時過重唔好啦.

私人傳訊

方麗娟

積分: 40343

好媽媽勳章醒目開學勳章陪月勳章

16^#

發表於 09-1-17 11:53 |只看該作者

至於去唔去拜年, 講真, 响呢個版有幾多個做新抱會想去? 我都極度唔想! 但冇辦法, 因為:
1. 身為中國人, 大時大節要按返傳統習俗咁過;
2. 出席呢d俾面派對, 目的唔係怕咗咩人, 而為尊重自己, 唔好被其他人話我哋不是;
3. 阿b要逗利是

幾唔想去, 禮貌上都要到一到, 最多留一陣就走.

話時話, 我仲諗緊有咩"對策", 令自己同阿b唔駛留响99屋企咁耐~

私人傳訊

nokia6300

積分: 2888

17^#

發表於 09-1-17 23:49 |只看該作者

我都好明,我係開刀生,bb出黎時差唔多6.5磅,但係hospital 個幾日唔食奶,出院唔夠6磅,+上bb係高,好長,所以望去好好好thin,一條咁,x包骨,99都好唔like,佢係大陸長大,慣左d bb係好肥,我仔new born 時係95%似我c6,人地個個都咁講,佢話"一d都唔似,我生佢好大隻,8磅幾"頂佢~~~一係就話我好殘忍,未夠鍾就開刀劏阿b出黎,bb係度sleep,就同阿b講"mami我好眼訓ka,都未出得黎"...仲有好多,finally我坐月時就有產後xx証了.....唉!d 99真係好煩,未生時有係咁催3催4,生左有呢樣個樣,我仲係同99住 tim,而家都係有心病,我當咩都聽唔到lor,頂唔順就去mami度訓一,二晚,你都唔好太在意,只好比心機湊好bb啦!!

私人傳訊

aromama

公爵府

積分: 26482

2024年龍年勳章環保接龍勳章

18^#

發表於 09-1-18 01:12 |只看該作者

原帖由 Carol601016 於 09-1-16 14:22 發表
講正喎,禾對您99果句說話又唔會好大感覺禾,係會有小小小小唔開心,但就不至於事格咁多個月想返起都重感嬲囉

(純粹個人感覺)

我都覺得係好小事,唔好甘執著La,可能無心之失呢,99只不過無顧及,你痛左幾日至生到honey B 既感受,原諒99La,就快新年La,過一個快樂新年La。:lol: :lol: :lol:

私人傳訊

kmmum