心聲留言今日: 0|主題: 17515

收藏本版

發帖

返回列表

跳至頁

查看: 3855 | 回覆: 5

好嬲好自責好心痛 [複製鏈接]

ricky0223

男爵府

積分: 9718

1^#

發表於 17-7-5 23:52 |只看該作者 |倒序瀏覽 |打印

今日老爺過黎幫手整廁所，然後話去飲茶，我都話唔去，佢係要去，咁好啦，我睇下有咩食，佢睇住個仔，兩分鐘都無，因為個仔想跑走，佢扯住我仔隻手，我仔喊爆，我即時抱返個仔，見到個仔喊到變曬色，隻手又唔郁，哄左成10分鐘都唔收聲，隻手又郁唔到，即時話返上屋企執野睇醫生，老師爺又話自己冇心，又話我大驚小怪，又攪我仔隻手，忍唔住鬧左佢幾句。
執齊野打左電話比老公，落去搭的士，猶豫左一陣去邊䏲好，仔仔係咁喊到我心都亂曬，係政府排兩次急症都5、6個鐘，唔想再等，門診又無得照，跌打太細個又未識講，最後決定去私家醫院。
去到填左資料等左半個鐘左右見醫生，醫生話仔仔甩骹，即時托返，喊到拆天，心痛到眼淚忍唔住流，然後坐係出面等左陣，老公到左，仔仔已經無事，食左d野無喊落地跑，再比醫生檢查下拎藥走人，盛惠$2390。
有d肉痛，原本預幾百一千以內，之前朋友講過小朋友發燒睇私家醫院急症，連藥四百幾，我又無後悔去睇私家醫院，無預到咁貴，錢都算啦，好心痛個仔，又怕佢之後再甩，返到屋企攬住個仔係咁喊，仔仔係咁叫我唔好喊，好傷心，仔仔先兩歲，好擔心影響到佢以後，好嬲老爺，又自責自己無睇住個仔。
老公返左黎又同佢嘈左幾句，心情平復唔到，喊住打電話比家姐講左成個鐘。
好傷心，唔識形容，寧願雙倍痛係我身上，唉，有人明白我嗎？