吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 嬰兒用品› 有關幾個月前向消委會投訴Pampers錯size一事 ...

嬰兒用品今日: 0|主題: 93261

收藏本版

發帖

返回列表

跳至頁

查看: 2913 | 回覆: 20

有關幾個月前向消委會投訴Pampers錯size一事 [複製鏈接]

NASOR

洋房

積分: 86

1^#

發表於 04-11-2 10:30 |只看該作者

有關幾個月前向消委會投訴Pampers錯size一事

大家收到回覆未? Pampers已經送番包尿片俾我~

不過我唔係咁滿意Pampers覆番既信, 寫我的個案只是個別事件, 是極少發生的問題, 不過為要令每個客人都滿意先送包片俾我, 好似好難委佢咁, 當初打去又話幫唔到我, 又話唔可以令每一個客人都滿意, 態度非常差, 消委會覆番我之後我打去, 同一位小姐, 態度180度大轉變...

我想知大家果陣聯名投訴跟住點樣?

私人傳訊

衍衍媽媽

大宅

積分: 3033

2^#

發表於 04-11-2 13:04 |只看該作者

Re: 有關幾個月前向消委會投訴Pampers錯size一事

佢唔肯換比我, 消委會都話無辦法, 我雖然仲好嬲, 不過, 我唔再浪費自己的時間, 我只會以後都唔再用 Pampers, 佢地顧客服務做得咁差, 最基本的雙嬴技巧都唔識, 不知所謂

私人傳訊

pandacat_bb

男爵府

積分: 7205

3^#

發表於 04-11-2 13:11 |只看該作者

Re: 有關幾個月前向消委會投訴Pampers錯size一事

係咪話o的size細o左呀?
我發覺手頭上o個o的好細, 我bb"cool"到個脾脾紅晒
以後我都用huggies或都goo'n同nepia算數, 仲平o的添

私人傳訊

jollydophin

男爵府

積分: 7287

4^#

發表於 04-11-2 15:15 |只看該作者

Re: 有關幾個月前向消委會投訴Pampers錯size一事

我都係比pampers誤導咗架。

之前我個仔出世個時，我試過佢地d尿片幾好用，咁咪訂咗兩箱細碼羅﹝共六包﹞，諗住實用得晒，但係當我開始用個時，已經覺得個size好似細咗，特別係個脾位，開頭以為係我bb個髀仔勁，後來我返工之後有個同事同我講話佢之前都買過一包，咁佢又係覺得好細，而且又見到bk有人係度討論話個碼唔啱，咁佢咪打電話去投訴羅﹝差唔多係兩個月前﹞，咁pampers同佢講咗一大輪，又呢樣又個樣，不過最終都肯換過一包中碼比佢。咁我知道呢件事之後，咪打電話去pampers投訴羅﹝因為我同事打個時我放緊產假唔知道，知道之後就即刻打﹞，打去之後我話佢d碼唔啱，好細，佢地攪咗一大輪又話佢地唔會換貨比人，咁我話我有個同事換過，點解有d可以換有d唔可以，咁個女仔同我講係佢接過既case當中，佢冇換過比人喎，咁佢即刻要我provide我同事d資料比佢地check，睇下係佢地邊個同事負責，點解會換比我同事喎﹝我都唔知其實佢係咪想睇下我有冇講大話﹞，咁我問完我同事覆番佢之後，佢之後check完打電話比我，話原來個單case係佢跟既﹝我真係想寸佢你又話冇換過比人﹞，咁佢同我講話我同佢既case唔同喎﹝後來我同我同事講番，個case唔同就係佢去換一包，我去換3包羅，除咗數量唔同，都唔知有乜唔同﹞，不過佢地最終都唔肯換比我，仲講到我鬼咁勞氣，佢話佢地個碼唔係細咗喎，只不過係之前佢地做過調查，d媽咪話佢地之前個碼唔啱bb身喎，所以佢地係今年2月改過個碼，好多媽咪都話fit咗好多喎。最後佢地冇換比我，但係同我講話為咗可令我繼續支持pampers，佢地送一包中碼比我用喎，我覺得佢地唔係針對件事黎做野羅，而係用呢招黎安撫我，以為比d著數我，我就會好開心，咁佢一同我講話送一包中碼比我，我即刻同佢講話唔駛喇，仲"come"埋佢線，佢唔換比我唔係問題，不過我覺得佢地既藉口真係冇point羅，我覺得佢地唔應該標5-8kg黎誤導人羅﹝我覺得7-8kg個bb一定著唔到﹞。真係好鬼興呀，而家講番都興呀，我以後都唔會再買pampers。

私人傳訊

pandacat_bb

男爵府

積分: 7205

5^#

發表於 04-11-2 15:42 |只看該作者

Re: 有關幾個月前向消委會投訴Pampers錯size一事

jollydophin,

咁我係咪都打去試下呢? 依家我重有兩包半係度, 想賣出去又冇人要

私人傳訊

SumSumBB

侯爵府

積分: 23862

醒目開學勳章畀面勳章

6^#

發表於 04-11-2 16:27 |只看該作者

Re: 有關幾個月前向消委會投訴Pampers錯size一事

M size 有無細左的問題？ :cry:

私人傳訊

NASOR

洋房

積分: 86

7^#

發表於 04-11-2 16:45 |只看該作者

Re: 有關幾個月前向消委會投訴Pampers錯size一事

衍衍媽媽,
消委會竟然話冇辦法? 又會咁既?
其實我去消委會投訴主要都係想佢地知道P&G既惡行, 好多人受害, 其實佢地應該都已經接到唔少關於P&G既投訴, 淨係呢度都唔少啦~

pandacat_bb,
我諗你可以試下同佢講如果唔換, 會去消委會投訴既...

YPL,
是超薄~

私人傳訊

FEB

男爵府

積分: 7489

8^#

發表於 04-11-2 16:51 |只看該作者

Re: 有關幾個月前向消委會投訴Pampers錯size一事

SumSumBB
(超簿) S size 同 M size 係一樣

私人傳訊

jollydophin

男爵府

積分: 7287

9^#

發表於 04-11-2 17:19 |只看該作者

Re: 有關幾個月前向消委會投訴Pampers錯size一事

pandacat_bb,

我都建議你打去投訴佢地，雖然未必得，但係投訴下都無況架﹝當然你要有時間啦﹞。有以下既point，我覺得你可以講

1. 其中我同事有講，而我冇講既就有呢句﹝因為我同事事後話我聽佢咁同佢講﹞：話佢個超薄細碼size同nb係一樣，因為佢地既nb只有綿柔系列，而綿柔系既細碼同超薄細碼我量過係差成一寸，咁我諗佢地既nb size同超薄細碼會差唔多﹞；
2. 話佢地個指標有誤導成份﹝5-8kg)，兩個系列既細碼尿片都標5-8kg可以用，但係竟然差一寸﹝我有講呢個point，但係佢地話因為唔同系列，所以唔可以將呢兩個系列compare，同埋佢地話個kg數只係指標，唔同bb個情況會唔同，雖然我覺得唔同bb個情況係會唔同，但係有乜理由兩條片個size差一寸，個指標一樣吖，如果你超薄標5-7kg，綿柔標5-8kg，我就冇野好講，你話係唔係吖!!﹞我用呢個point同佢講咗之後，個女仔即刻同我講話佢會向佢地個management反映我呢個意見喎﹝咁即係呢個係point啦﹞

佢地仲有一個疑點係我之後係bk度發現既，原來佢地超薄細碼都有2號同3號分﹝係個片頭度有寫，我開咗4包全部係2號，但係原來有媽咪有用過3號既，好似話係大d架喎﹞，開頭我都唔知有號碼分，點知我打去pampers個時我記得個女仔問過我係咪用緊2號，我仲以為nb係1號，細碼係2號添，後來我先知原來同一系列同樣係細碼既片都包包唔同size，我唔知我講得啱唔啱，因為我從來未見過3號出現過，不過bk媽咪講過話有，我諗應該真係有﹝如果有媽咪用過3號，都可以係度feedback等大家知道個情況﹞

不過，講真，pampers佢未必肯換比你，我諗佢又會安撫你話送一包比你用﹝因為我覺得如果佢換比你，咪即係承認佢地自己個size有問題羅﹞。同埋要換佢就要換兩包比你，咁佢就會同你講話佢地冇咁多存貨，因為你打去投訴個度係公司唔係貨倉﹝因為佢地係咁答我話如果要換比我要換3包，佢地冇咁多存貨﹞。

仲之，一句講晒，佢地d服務非常非常之差，自己衰咗都唔肯認啦。

p.s. 如果你真係打去投訴，係呢度話個情況比大家知吖

私人傳訊

Krystal

男爵府

積分: 5763

10^#

發表於 04-11-2 19:13 |只看該作者

Re: 有關幾個月前向消委會投訴Pampers錯size一事

hi all,

我都有去投訴pampers,半個月前,pampers已換返包XL比我喇.未投訴pamperso既媽咪快d去投訴,千其唔好怕煩呀!!!

36間 BB會表格 & 試用裝--->請click here... 自己print out

私人傳訊

Jolin

複式洋房

積分: 472

11^#

發表於 04-11-3 12:33 |只看該作者

Re: 有關幾個月前向消委會投訴Pampers錯size一事

can I have the tel. no? thanks]

Jolin

私人傳訊

Grumpy

男爵府

積分: 6207

12^#

發表於 04-11-3 12:40 |只看該作者

Re: 有關幾個月前向消委會投訴Pampers錯size一事

我以前都complaint過,佢地仲要我send塊片俾佢地check.跟住仲要話size冇錯,送番個尿片袋俾我wor.但係d片真係"cool"到脾脾紅鬼晒的! :evil: :evil: 自此我唔再買pampers啦, huggies隻頂級棉柔都好好呀!

阿女係我心肝小寶貝.希望佢大左開開心心,無憂無慮. 佢快樂就是我快樂.

私人傳訊

kako

複式洋房

積分: 398

13^#

發表於 04-11-3 15:41 |只看該作者

Re: 有關幾個月前向消委會投訴Pampers錯size一事

jollydophin,

超薄S是有3號，不過是舊貨，比起超薄S﹝4/2004後生產﹞的2號細10%，原因是市場調查後的結果所引致，但價錢有沒有調整我便沒有研究。但最新版﹝有黃色星星在包裝上﹞的超薄M是3號。以上資料是打去其熱線查詢的。因當日用完了S#3之後去買了包S#2回來﹝當時未知有差別﹞，結果在短時間內免強地用完包S#2。當時知道後都很不快，但都是留返些精力物色有什麼其他的好選擇吧！還有，不要盡信包裝上的BB公斤指標。