Hello 燕妹 ，中號/BB碗容量大約是 250 至 300 毫升/ml ，如果食到大約一個BB份量固體就代到一餐奶，5個月BB已經食到100ml好叻叻呀! 可以試加入生果蓉(香蕉、梨)去增加糊仔味道，再慢慢根據BB 消化同吞嚥能力黎調教質感、份量、餐數，當BB掌握到一定吞嚥能力就可以俾BB嘗試粥仔，粥仔嘅食材配搭更有彈性，味道又多元化。媽媽記得每次只添加一款新食物俾BB，由少量試起，連續食3日，觀察返BB有冇過敏反應呀。
Hello coofyyanyan ，250ml係計算成碗固體嘅份量，每個BB胃口都有唔同，通常食到大半碗都OK，最重要按返囡囡吞嚥同消化能力增加固體份量。人奶最容易被人體消化同吸收，用囡囡習慣左人奶(坐暖少少)黎沖米糊，佢會更容易D適應味道，通常剛剛嘗試食固體食物，份量未必好多1-2啖都ok，再按需要補返人奶，同一日只試一種食物，係方便媽媽觀察新食物會唔會令囡囡出現過敏，無過敏反應就可以試另一款，慢慢囡囡食物種類會愈來愈多元化架。
發表於 
返回列表
