我30+,係一個女兒剛剛滿3個月嘅新手媽媽,唔知係咪因為生完個女,生活起咗好大變化, 最近好多嘢諗, 分享下睇下大家點睇。
我同老公結婚5年, 我自己做社工, 佢就喺大陸做小小管理層, 一星期有4,5日都喺大陸, 一放假就會返香港陪我。我哋兩公婆月入6萬左右,都有少少積蓄,之前一直有留意樓價,但礙於d樓真係好貴,對於買樓呢件事一直都有d諗法,但又有好多顧慮。所以一直租樓住,差不多1、2年就搬一次。因為外家住將軍澳,為咗方便去探老爺奶奶,呢2、3年都係住返同佢哋同區。到我有咗bb,當時都幾擔心租緊嘅地方太細, 而且2年約又仲有幾個月就完,唔通大住個肚搬屋? 但包租婆好好人,俾我租多幾個月,等我生完bb先搬。外家同自己娘家又好幫忙,加上又好好彩,老爺係退休公務員申請到公屋,於是bb出世後,老爺奶奶就將佢哋自己買嘅居屋讓咗俾我哋住,佢地就搬去同區嘅公屋住,我媽咪就過咗嚟住,幫我一齊照顧bb。成件事順利到自己都覺得好神奇。
不過,煩惱位就係我老公個妹最近plan緊結婚,但佢同佢男朋友唔係揾好多,未儲夠錢俾首期,為咗日後住嘅地方頭痛緊。其實佢哋特別講d咩,不過有時一家人坐埋,佢阿妹都有意無意提下我哋而家住緊嗰度(即係老爺奶奶間居屋)幾大幾好,好羨慕…可能我自己諗多咗啦,雖然佢可能係無心,但我自己覺得有d在意, 畢竟如果真係講買樓能力,我哋一定比佢哋高,但如果買返將軍澳區,400幾尺講緊最平都要差不多七百萬,先唔講比而家住緊嗰度細好多,加上bb嘅開支,其實對我哋嚟講都好大負擔,如果買得起樓,生活質素都可能直線下降。講真,呢個時候買樓,我自己都覺得幾唔合理。但聽聞佢阿妹同男朋友為住屋(加埋其他結婚問題)鬧交,加上佢得一個妹,最錫就係呢個妹,我同老公都有諗係咪真係要認真計劃下買樓呢件事。不過呢排淨係湊bb都忙到暈喇,所以只係提過下,未認真計過買唔買得起,其實自問我就真係唔想買住,所以只係諗下都覺得好大壓力。
除咗呢件事外,仲有個煩惱,就係幾個星期前請咗個印傭嚟,諗住如果搞得掂就唔駛我媽咪幫手湊bb咁辛苦啦。起初都無咩,都做得幾好,但慢慢發覺佢做嘢好拿西,我講完d嘢,佢又成日唔記得,最大問題係我媽咪唔係幾鐘意佢,話湊bb方法同佢唔同,話完佢又唔聽,搞到有d拗撬。加上我自己放完產假返番工,好少時間見到bb,老公已經唔係成日見到bb,連我都咁樣,我都開始諗係咪應該辭咗份工,自己湊返佢。當然,作為媽媽好珍惜同佢相處嘅時間,真係想自己照顧同教育佢。其實未生之前都有同老公提過想辭職自己湊返個女,佢都好支持,佢搵3萬幾4萬,都勉強養得到成頭家(因為而家唔駛交租,慳返好多)。但其實我而家份工做咗7年喇,如果我真係做全職媽媽,就要放棄自己嘅事業, 而且屋企收入無咁充裕,可能儲唔到幾多錢俾個女第日用, 而家又加上佢個妹嘅事,多咗個考慮(係咪真係要買樓?), 究竟係咪應該自私d, 唔好理阿妹嘅情況? 又係咪應該為咗陪個女, 放棄而家做咗7年嘅工作呢? 我都唔係好知應該點做先好喇?
jojo_mama 發表於 17-7-28 19:41
我30+,係一個女兒剛剛滿3個月嘅新手媽媽,唔知係咪因為生完個女,生活起咗好大變化, 最近好多嘢諗, 分享下 ...
發表於 
搬都唔係問題, 不過原先係無諗幾時搬或者搬唔搬 (外家真係一等到公屋就二話不說俾間居屋我哋住, 真係無傾日後係點), 我原先一直覺得唔一定要買樓, 有間樓仲多嘢要諗, 不過因為阿妹個情況, 點計條數好難儲到首期, 所以而家先有D兩難
返回列表
