吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 生完女後,我奶奶做過d咩.............

夫婦情感今日: 0|主題: 42775

收藏本版

發帖

返回列表

跳至頁

查看: 4703 | 回覆: 23

生完女後,我奶奶做過d咩............. [複製鏈接]

may123

男爵府

積分: 6788

好媽媽勳章

1^#

發表於 04-9-27 15:22 |只看該作者

生完女後,我奶奶做過d咩.............

我生完囡囡第一日我奶奶來探我,但冇扲任何野比我食喎,我住左六日,佢靜係來左一日,都唔緊要,到我返屋企坐月,佢來了兩日,佢來做咩?原來係煲野比個仔飲同埋扲涼茶比個仔,即我老公飲,當然佢緊係沒有整野比我食或買任何野比我食啦,我真係少少唔開心,不過我老公緊係覺得冇問題,我會諗係咪我小氣左d?????????????????? ?-( ?-( ?-( ?-( ?-( ?-(

私人傳訊

ac321

侯爵府

積分: 24705

好媽媽勳章

2^#

發表於 04-9-27 15:48 |只看該作者

Re: 生完女後,我奶奶做過d咩.............

may123
這樣不是更好嗎？
難道妳希望奶奶日曰走上來，話就話給妳送湯水，實質就是要管東管東，eg又唔准妳洗頭，BB又要依着奶奶的老方法去照顧，分分鐘連妳同老公的生活習慣都要管.....到時妳就真是後悔不已!

私人傳訊

tt2001

大宅

積分: 1111

3^#

發表於 04-9-27 15:51 |只看該作者

Re: 生完女後,我奶奶做過d咩.............

比我都會吾開心！去得探人，麻麻地熟既人，都買個橙la，何況新抱，仲幫你生左個孫！不過咁，我又吾會angry好耐，叫做襯今次睇清楚你，總之我就冇欠你，第日亦吾會求你，表面工夫我可以照做，但extra既就sorry！你亦吾好煩到我就算！

私人傳訊

charlotteling

男爵府

積分: 9211

4^#

發表於 04-9-27 16:04 |只看該作者

Re: 生完女後,我奶奶做過d咩.............

may123,

要數經典我奶奶都好經典.

生之前

1, 從來無問過我, 小B出世後邊個湊
2, 從來無問過我 , 羌醋邊個煲, 幾時煲, 要煲幾多
3, 有無人陪我坐月, 有無人煲野俾我
4, 陀住小B要食的咩野好

生之後

1, 都有來看醫院我(應該是BB), 但沒有買野來, 好似利是都無, 老爺就買了盒冰燕窩

2, 坐月時,從來沒有幫我買任何日用品, 連問都沒有問

3, 有次自已上來(平時同老爺一齊), 又話唔識上來(都唔知來過幾多十次), 仲要我落留下接佢, 但我好似坐緊月 :evil:

4, 唔好話補品, 連菜都無幫過買個條

5, 小B滿月時, 送左個金的女仔擺設俾我, 希望我地下次生番個女, 我心想今次由我生到坐月都無理過我, 仲話想我生多個女,都唔知咩心態 ?-(

6, 一件衫仔都無買過俾小B

7, 完全無教過我點湊BB.

8, 簡值好似唔知我需要坐月咁

9, 番了過Canada,兩個多月都沒有打電話問下小B, 當然我也沒有打給她

如果真的靠我奶奶照顧我, 我唸我真的產後抑鬱唔知幾多次, 但好彩, 我的屋企人同朋友(由其是媽咪), 真的好鍚我, 對我好好, 我坐月時, 都是媽咪專登由旺角買送入來青衣, 幫我整定的送, 教叫工人整俾我食. 全部的補品也是媽咪買的.
但呢件事令我知道, 邊個對真的我好, 邊個值我關心.

I just want to say [size=medium]MA MA I LOVE YOU

所以我是有唔開心的, 但呢的咁冷漠的人, 我也不會放她在我心上的

Welcome to Oscar's World

私人傳訊

fibe001

別墅

積分: 700

5^#

發表於 04-9-27 16:06 |只看該作者

Re: 生完女後,我奶奶做過d咩.............

千祈唔好要求別人的母親會對自己好....
我生完第一胎時,我前夫個媽咪本來話幫我湊bb...
點知我坐月時,佢理都無理過我.
我因為生完後子宮收縮得唔好,發燒燒到104度,佢都無理過我.朝早叫醒我,睇住阿b丫,我去飲茶啦.就出左街.(我地住在一起)
我一個19歲女孩,差點比佢整到我產後抑鬱丫

:-(

:-D 幸福是當我擁有你 :-D http://tw.pg.photos.yahoo.com/ph/fibe001/album?.dir=/861c

私人傳訊

charlotteling

男爵府

積分: 9211

6^#

發表於 04-9-27 16:08 |只看該作者

Re: 生完女後,我奶奶做過d咩.............

tt2001 寫道:
比我都會吾開心！去得探人，麻麻地熟既人，都買個橙la，何況新抱，仲幫你生左個孫！不過咁，我又吾會angry好耐，叫做襯今次睇清楚你，總之我就冇欠你，第日亦吾會求你，表面工夫我可以照做，但extra既就sorry！你亦吾好煩到我就算！

我都是咁唸.

Welcome to Oscar's World

私人傳訊

Melody

複式洋房

積分: 211

7^#

發表於 04-9-27 16:26 |只看該作者

Re: 生完女後,我奶奶做過d咩.............

My mother-in-law are similar as yours, she didn' t make any 補品 for me, only bought some new 核突 cheap cheap clothes for my baby, I told her several times that I had been well prepared all the stuffs the baby need, sigh...

MeLL

私人傳訊

may123

男爵府

積分: 6788

好媽媽勳章

8^#

發表於 04-9-27 16:41 |只看該作者

Re: 生完女後,我奶奶做過d咩.............

charlotteling

你奶奶同我果個又幾似喎,不過講真,我好同意你講,呀媽係最好的,佢日日都有來我家整野比我食,幫我做家務,買野比個孫..................
媽:我愛你呀

私人傳訊

CANDY_SAMSON

伯爵府

積分: 16114

好媽媽勳章

9^#

發表於 04-9-27 16:43 |只看該作者

Re: 生完女後,我奶奶做過d咩.............

咁我好彩好多, 生完佢有去醫院探我 (佢都七十幾歲, 之前半年做過白內障手術後身體差了很多), 仲有每天午/晚都煲粥比我食, 因為我地覺得生完後身體未能即時補身, 所以十二朝前盡量清淡.
出院後都有去探我, 坐月由我老公陪; 坐月其間膳食由奶奶買料, 老公煮. 佢係我生前仲講話叫我去佢屋企坐月, 不過我唔肯, 因為屋企仲有四隻貓要照顧嘛! :mrgreen:
佢大致上都唔錯架, 所以由我嫁入門後都有經常返佢屋企食飯架....

全職/全母乳媽媽大仔在8/8/2004出世了! 3.02KGS細仔在23/2/2007出世! 23/2/07 2.84KGS 26/2/07 2.81KGS 08/3/07 3.12KGS 24/3/07 3.79KGS 23/4/07 4.77KGS 25/6/07 6.67KGS 25/8/07 7.73KGS

私人傳訊

racar

子爵府

積分: 10379

10^#

發表於 04-9-27 17:19 |只看該作者

Re: 生完女後,我奶奶做過d咩.............

我個奶奶都係咁啦!
乜都唔理!
煲薑醋都係叫佢個妹煲，仲要1煲!
我阿媽話唔夠，唯有我媽咪自己煲多煲! :-x

我生o個陣sars唔比探!
到我出左院，第2日，我老爺黎左(我嚮我媽咪到坐月)，我聽倒我老爺嚮電話到叫佢黎，咁佢竟然話第日先，唔知咩唔得閒，我老爺死都要佢黎，佢先黎，我真係憎到佢死，唔黎咪唔黎，我都唔想見倒佢!!!!

佢當然無整過d咩我食!
完全係我媽咪攪掂，佢咩都唔理!

我個bb14個月大喇!
佢1件衫仔，1件玩具都未買過比我個bb!
我覺得佢地(我個仔同我奶奶)，好似唔係好熟咁!!!!
完全無當我個仔係佢個孫囉!

算啦，個阿媽對你好就得!
我都唔理得我奶奶!

私人傳訊

gavial

別墅

積分: 894

11^#

發表於 04-9-27 23:35 |只看該作者

Re: 生完女後,我奶奶做過d咩.............

AGREE

ac321 寫道:
may123
這樣不是更好嗎？
難道妳希望奶奶日曰走上來，話就話給妳送湯水，實質就是要管東管東，eg又唔准妳洗頭，BB又要依着奶奶的老方法去照顧，分分鐘連妳同老公的生活習慣都要管.....到時妳就真是後悔不已!

所以有時做奶奶既都好難做, 做得多新抱可以嫌煩, 做得少新抱又可以嫌無理佢, 似乎人人既要求真係好唔同, 不如多D開聲講自己既期望唔知得唔得呢？不過中國人唔興既, 又或者講都無用, 亞媽同奶奶, 就梗係亞媽親喇, 好彩我都有個女.

私人傳訊

小茹

複式洋房

積分: 265

12^#

發表於 04-9-27 23:44 |只看該作者

Re: 生完女後,我奶奶做過d咩.............

講經典,一定冇我奶奶咁經典卦!

生之前--最關心我照超聲波,淨係識得問:係仔定係女?(駛唔駛咁出面呀?!仔女都唔關你事,係我o既!)

老公叫佢幫手煲薑醋--奶奶O既回應:唓!煲比邊個食ｏ即?!(我有阿媽錫,唔駛你幫手,你煲o左我都未必敢食,咁污糟!)

生完o黎醫院探我,攞住一壼凍冰冰o既o野(好似係紅豆粥,但係放完落雪櫃),條氣好唔順咁講:我都唔係好想o黎咋,阿x(我姑仔)今朝係咁催我o黎.....(我都唔係好想你o黎,你咁講係咪想考驗我會唔會有產後抑鬱?!)

隔o左個幾月o黎探bb第二次,望住bb講:哎吔!都唔記得BB叫咩名添!我淨係記得XX(我叔仔、佢細仔個女)個名咋!(依家你好多個孫咩?定係提早老人癡呆?總之個bb係跟我老公姓,唔係跟你姓啦!)

如果要講,真係多到可以出書,唔通對o左咁多年,都唔知佢咩心態咩,而家我重會笑笑口應番佢添,我己經學識唔同佢計較,咁就係對佢最好o既反擊!最緊要係我地兩公婆感情好,費事為呢d人嗌交呀!

Honeybaby Yan Yan

私人傳訊

calcal

男爵府

積分: 6227

13^#

發表於 04-9-28 07:52 |只看該作者

Re: 生完女後,我奶奶做過d咩.............

我稔到我生果時，我都唔想奶奶成日o黎探我，如果佢話幫我做乜做物，我會話：我媽咪會幫我~~頂多食奶奶煮o既薑醋而已，其他如幫我湊b、買送煮補品就免啦~~

私人傳訊

mother904

翡翠宮

積分: 81482

畀面勳章

14^#

發表於 04-9-28 11:24 |只看該作者

Re: 生完女後,我奶奶做過d咩.............

生完囡囡後，我奶奶同老爺日日都有黎醫院探我同睇bb，冇煲野俾我食，剩係第一日拿左d佢屋企本來煮左既飯同湯，佢成日話生完唔駛食好補既野。其實我真係冇所謂，反正我都唔中意食佢煮既野。但係生完一個星期度，我因為傷口發炎要入醫院，又要開多一次刀，住左五日佢一次都冇黎過，呢樣野我就唔係幾開心，咁即係擺明要bb唔理媽咪，仲要等我出左院之後即刻問我幾時生多個，果一刻我真係想講粗口呀！

日日是好日

私人傳訊

maggiechow

大宅

積分: 2616

15^#

發表於 04-9-28 13:27 |只看該作者

Re: 生完女後,我奶奶做過d咩.............

may123 寫道:
我生完囡囡第一日我奶奶來探我,但冇扲任何野比我食喎,我住左六日,佢靜係來左一日,都唔緊要,到我返屋企坐月,佢來了兩日,佢來做咩?原來係煲野比個仔飲同埋扲涼茶比個仔,即我老公飲,當然佢緊係沒有整野比我食或買任何野比我食啦,我真係少少唔開心,不過我老公緊係覺得冇問題,我會諗係咪我小氣左d?????????????????? ?-( ?-( ?-( ?-( ?-( ?-(

起碼你奶奶對個仔好，我奶奶一樣乜都無做，我老公提佢員D嘢比我，佢就指住D青提，買哇4磅，係我老公比錢，我每次見到奶奶，佢衹不過要問我地攞錢。

仔仔06-12-2003出世

私人傳訊

maggiechow

大宅

積分: 2616

16^#

發表於 04-9-28 13:42 |只看該作者

Re: 生完女後,我奶奶做過d咩.............

CANDY_SAMSON 寫道:
咁我好彩好多, 生完佢有去醫院探我 (佢都七十幾歲, 之前半年做過白內障手術後身體差了很多), 仲有每天午/晚都煲粥比我食, 因為我地覺得生完後身體未能即時補身, 所以十二朝前盡量清淡.
出院後都有去探我, 坐月由我老公陪; 坐月其間膳食由奶奶買料, 老公煮. 佢係我生前仲講話叫我去佢屋企坐月, 不過我唔肯, 因為屋企仲有四隻貓要照顧嘛! :mrgreen:
佢大致上都唔錯架, 所以由我嫁入門後都有經常返佢屋企食飯架....

我都有，不過係我亞媽，我地住離島，我係瑪丽生，媽咪前一晚就問我第2日想食咩，就算佢唔得閒拎來，都會叫細佬妹搭早一班帶比我食，佢話費事我亂食嘢。

仔仔06-12-2003出世

私人傳訊

happysun

複式洋房

積分: 189

17^#

發表於 04-9-28 13:45 |只看該作者

Re: 生完女後,我奶奶做過d咩.............

我奶奶就幾好.
我生o個朝老公同奶奶o係醫院等我出黎等佐幾個鍾. 日日都有黎探我.
我o係屋企坐月,十二朝前佢就過黎訓,幫下手咁.佢煲佐兩煲薑, 六十幾歲人仲要拎住咁多薑返去煲都幾係野.
十二朝後佢返自己屋企訓, 本來諗住唔過黎煮飯架喇. 不過佢見到我中午唔方便煮飯, 佢就日日中午過黎煮.兩個幾月黎日日都過黎住中午煮, 間中煲補品. :lol:
我都好識做, 俾錢佢買野食 (佢買餸都出佐好多錢), 星期日同佢去飲茶, 俾個孫仔佢玩下.
可能唔係一齊住, 間中見下咁會開心d, 我知道老公都想我同奶奶好, 我都盡量令大家相處好d.