懷孕前後

收藏本版
發帖
返回列表
跳至頁

首頁
12

尾頁
   0
是時候


大宅

積分: 1180


1#
發表於 17-8-7 00:02 |只看該作者
我近期對我老公完全無晒耐性。
有時佢講多一兩句我就會好燥底。
今日我洗左一機衫，叫佢幫手洗多一機。
佢就係到(emoji)(emoji)哦哦。我就忍唔住大大聲叫傳，唔想做您就返入房。
因為我係好聲如聲叫佢。。。
唉。。。我諗返都感覺自己好惡！

到中午。。想佢陪我散步，佢換衫又拖拖拉拉，好像唔想去。<其實佢都換好。> 只係佢又唔知講的咩，我又燥底。
我又惡佢，叫佢唔洗陪，自己去左散步。
散左一個鐘，佢搵我，我又眼淺，係到喊。

其實自己想佢早的搵。

好像踏入四個幾月，的情緒控制唔到！成日睇老公唔順眼。

我有少少係佢成日咩都叫我介口。

有時想食的野，就咩都唔好。呢想又話毐 ，個樣又話涼，個樣又話燥。
只係得雞同豬食得。

有時想食雞翼 又叫您食雞脾！

有時候想食豬頸肉，又要俾佢迫食豬扒。

牛就只可以食少糧。

魚我又唔太鍾意。

我都介口。。。介左四個月，想放鬆的都唔得！

全部海鮮都唔俾食。

再咁落去，我真係怕有情緒病！
私人傳訊

qq6a


子爵府

積分: 10063


2#
發表於 17-8-7 00:16 |只看該作者

回覆樓主

有左真係會擔心好多野而令情緒不穩，老公支持及體諒真係好重要。食方面，我老公冇乜管我，99就煩啲，辣又唔俾，凍又唔俾，榴連又唔俾，我唔理，照食。其實同老公講，醫生都話除左生野，過左三個月，穩定左，乜都可以食少少，牛有豐富鐵質可多吃，海鮮都可以食少少，煮熟就得。
私人傳訊

Sbbxoxo


大宅

積分: 2853


3#
發表於 17-8-7 02:05 |只看該作者

回覆樓主

自從大左肚完全感受到孕媽好容易情緒不穩，明明好小事都好容易嬲，果種火由心口頂上黎，好容易就發左身邊人既脾氣，之後又後悔諗諗下又喊起上黎我都怕左自己。之後我上網睇話咁樣好易影響埋bb,佢都會feel到媽媽情緒，所以盡量控制自己冷靜。。我覺得聽下胎教音樂都有幫助我心情平和返d,依排少左發老公脾氣同喊啦⋯⋯希望keep到
私人傳訊

mamasoon


大宅

積分: 2163


4#
發表於 17-8-7 03:03 |只看該作者

回覆樓主：

本帖最後由 mamasoon 於 17-8-7 03:05 編輯

同老公講食小小過下口癮唔怕既，毒藥都要食一個量先有反應啦

其實你老公都係錫你緊張你啫，你發脾氣佢都搵返你，好過好多男人唔細心，咩都唔識，你食咩都唔會理，對住呢種心理壓力仲大，會亂諗覺得佢唔錫自己

私人傳訊

pigpiglamlam


子爵府

積分: 11721


5#
發表於 17-8-7 07:17 |只看該作者

回覆樓主：

本帖最後由 pigpiglamlam 於 17-8-7 07:17 編輯

同老公解釋返對牛同海鮮冇敏感係可以食ga，好豐富鐵質，對媽媽同bb都好，煮熟就得。情緒方面相信佢會體諒，不過你盡量唔好成日燥底，其實佢肯陪你已經好好，當時我c6係唔理我，基本上所有野都係我自己做，你已經比我幸福啦
私人傳訊

fishshum


大宅

積分: 1534


6#
發表於 17-8-7 10:04 |只看該作者
回覆 是時候 的帖子

我第一胎都係咁上下, 老公同自己好擔心 (主要係我自己胡思亂想多 D), 不過老公無咁多野唔俾食. 情緒有時都係麻麻.
剛有果陣有睇中醫, 自己睇住中醫0既戒口紙戒口. 有咩想食返工果陣自己食, hahahaa, 想管都管我唔到.
果陣同 99 住, 平時已經唔係咁鍾意我地食 snacks 同飲紙包飲品 (我同老公成日食), 大肚果陣我夜晚會飲盒奶, 食包細薯片, 跟手將個薯片摺細放返入去個奶盒先掉入垃圾桶, hahahaaa, 有話俾老公聽我咁曳, 佢都有哦下我; 到而家都唔知 99 其實有無識穿我. Touch wood 阿女除左有少少皮膚敏感之外都無乜野. 其實, 除左堅係唔食得果 d 之外 (生野, 水魚之類) , 其他樣樣食少少我自己覺得應該無問題. 成個孕期咁長, 邊戒得咁多, 久唔久都要俾自己開心下~~

呢胎胃口仲衰過上次, 我飲咖啡、凍 OT, 食零食, 公仔面, McDonalds. 老公見我無胃口, 又成日反胃, 而家會話 do things naturally. 可能第二個放鬆 D.
私人傳訊

bearbmama


大宅

積分: 2300


7#
發表於 17-8-7 11:06 |只看該作者

回覆樓主

戒囗戒到心情差，其實仲唔好，解釋俾妳老公聽啦！初初知嗰一個月我老公都有勁緊張，乜都話好似唔食得喎，搞到我好煩。跟住我同佢傾，大家又問醫生，又做research, 同埋加上我屋企幾個女人生完bb我又問下佢地點，發覺無需太緊張，心情好好緊要。所以之後, 除左未煮熟嘢食同酒之外，我照食海鮮、牛etc, 照飲咖啡（每日上限一杯tall size），其實唔係有d人講到咁誇張，好似好多嘢唔食得飲得，適量係可以。同妳老公傾下。同埋，商量下佢點分擔家務或點去配合妳休息、活動時間，大肚其實幾辛苦，個b大家有份，老公幫下手好正常，希望妳地快d溝通好，妳開開心心陀b。
私人傳訊

是時候


大宅

積分: 1180


8#
發表於 17-8-7 11:21 |只看該作者
真心多謝呢到的媽媽開解我.

其實我都知道我老公係對我好.

佢自己的皮膚唔好,所以佢唔想我食海鮮,但佢的要求真係好高.我已經答應佢蝦蟹唔會食.

但有時兩三粒帶子個的都唔俾. 蜆,個的都唔得.咩都話毒,會影響BB的皮膚.

其實做產檢都問過醫生.佢同我聽講座都知道係食得.
但就係不停咁控制我.令我感覺好難受.

同佢反映完...佢都會話OK.
但一到餐廳食野...又係話唔得.個種要不停反抗好累.

所以只有發癲佢先知...佢管得太多.
私人傳訊

joeyjoeywong


大宅

積分: 3162

畀面勳章


9#
發表於 17-8-7 13:34 |只看該作者

回覆樓主:

我老公理都唔理我 可能知我唔會聽，我無戒口，高危食物就食少少， 只要本身媽媽無敏感既就食得，我有返工都係自己照顧自己，佢仲懶到死 無話幫下手架， 但嫁佢已經知佢係咁，成日做大少爺， 我生埋啊女出黎佢就知慘，無人理佢 wakakakak
私人傳訊

RubyYu07


珍珠宮

積分: 39566


10#
發表於 17-8-7 14:22 |只看該作者

回覆樓主

孕婦好容易情緒波動，受到荷爾蒙影響，其實都要學識調節自己，轉移注意力，否則你身邊人會好委屈。其實你老公都無乜點，都係關心你。
私人傳訊

littlejan


複式洋房

積分: 475


11#
發表於 17-8-7 15:15 |只看該作者

回覆樓主

放鬆心情! 我都試過成日想爆我老公，我有大仔，佢一照顧就好勞氣又慢漏氣。E家我當睇唔到等佢地磨合下。

海鮮我都會食少少除左蟹，聖子。(emoji)試過食左聖子肚痛，怕怕。

少少辣都會食，薯片檸茶食完心情靚哂。心情靚，第日BB 出黎都會係happy baby.
私人傳訊

michelle7000


複式洋房

積分: 410


12#
發表於 17-8-7 22:30 |只看該作者

回覆樓主:

我都係有左四個幾月, 依排成日同c6嘈交, 最後又忍唔住喊, 知道喊對bb唔好, 但我又真係好唔開心, 忍唔到!
私人傳訊

haha748494


翡翠宮

積分: 92389

BB防敏心得分享勳章


13#
發表於 17-8-8 14:41 |只看該作者
陀BB情緒變化大，可能受荷爾蒙影響。我陀大囝果陣都會。
私人傳訊

Libaobao


複式洋房

積分: 129


14#
發表於 17-8-8 16:59 |只看該作者

回覆樓主:

我都會好容易哭，有時少少野就無啦啦流了眼淚，老公大聲地話我就會唔開心哭泣，控制唔到咁!
私人傳訊

Cherie.kay


複式洋房

積分: 324


15#
發表於 17-8-8 17:44 |只看該作者

回覆樓主

我有左之後都眼淺左好多。不停同自己講唔好喊，呀仔會知會怕，但啲眼淚係不受控流出黎。每次喊完都同呀仔道歉
私人傳訊

是時候


大宅

積分: 1180


16#
發表於 17-8-8 20:37 |只看該作者
Cherie.kay 發表於 17-8-8 17:44
我有左之後都眼淺左好多。不停同自己講唔好喊，呀仔會知會怕，但啲眼淚係不受控流出黎。每次喊完都同呀仔道 ...

大家都要加油。
我明白想開心的唔好影響BB ，但有時候又真係令自己緊加大壓力。
私人傳訊

chingsss


別墅

積分: 815


17#
發表於 17-8-8 22:45 |只看該作者

回覆樓主

我絕對明白你既心情！我未有bb之前超鐘意食魚生、飲可樂、飲茶、食雪糕，但有左之後樣樣鐘意食既野都唔食得！有次我聽到我老公同朋友出去食飯食d餸全部都係我最鐘意食既野，我真係好想食，之後忍唔住爲左d野食喊左出來⋯依家諗返都覺得攪笑！
私人傳訊

bigbigbubu


複式洋房

積分: 486


18#
發表於 17-8-9 12:26 |只看該作者
唔開心食下薯片飲檸檬茶，心情真係好d,間中要放鬆下，否則仲鬱住仲慘，至於老公方面，佢係太緊張你，許可情況下就心平氣和傾少少，講出你唔開心，對bb既影響仲大
私人傳訊

bigbigbubu


複式洋房

積分: 486


19#
發表於 17-8-9 12:29 |只看該作者
littlejan 發表於 17-8-7 15:15
放鬆心情! 我都試過成日想爆我老公，我有大仔，佢一照顧就好勞氣又慢漏氣。E家我當睇唔到等佢地磨合下。

...
口淡淡和心情唔好時，我都有食薯片飲檸檬茶，好爽~
私人傳訊

loliecat


複式洋房

積分: 336


20#
發表於 17-8-9 13:05 |只看該作者
明白樓主...懷孕唔止係媽媽一個人既事, 老公係伙伴、一定要多D傾、慢慢傾....我早期孕吐非常嚴重, 體重輕左10幾磅, 咩都食唔到, 99又成日叫我食乜, C6完全唔知可以點幫我, 嘔到連飲水都嘔, 見暈要訓床...我都好擔心, 係咪自己身體太差, 唔適合做媽媽, 擔心BB唔大唔健康冇心跳...因為自己工作關係, 我意識到自己有depression, 於是嘗試分散自己注意力。當體力OK番、孕吐情況開始減緩, 就返番工、多D見朋友、同媽咪朋友傾多D計, 慢慢心情同情緒平復番好多。
我當時都有同C6講飲食呢個問題, 自問我唔係D乖媽媽, 我照似凍野(少冰/走冰)、食零食、飲0茶可樂 (最多一日一包/罐)、食雪糕, 5個月就食西瓜...。但SO FAR BB非常健康, 呢幾日檢查所有都正常, BB仲幾大隻~ 自己亦冇糖尿冇血壓高, 可以做YOGA, 去旅行。老公冇逼我食乜, 只係提我所有食物少食多滋味, 而保持好心情係比食咩更重要!

家人是中醫, 有分享每個人體質唔同, 懷孕前、懷孕中、懷孕後體質都唔同。好既中醫, 係會KEEP住睇你既體質變化, 唔會一劑藥食你一個幾兩個月! 我屋企人有提我：人地食得唔代表你都食得, 同樣人地唔食得, 唔代表你唔食得。而且睇中醫, 講醫緣, 時間金錢許可, 睇多個、攞second opinion~


彼此加油呀, 呢度好多媽咪為你打氣!
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy